Ekki eitt stykki af Elton Johnnara

 

Ef þessi fyrirsögn á frétt kallar ekki á útúrsnúninga þá er orðið algjörlega óútúrsnúningahæft í henni veröld.

Ég er orðin svo vön alls kyns kvenfyrirlitlegum fyrirsögnum um víða veröld að veðbjóðurinn hefur náð að síast inn og svo gat ég auðvitað ekki annað en skellihlegið yfir misskilningnum þegar ég var búin að lesa fréttina.

Ég var svo viss um að einhver hefði toppað Parísi Hiltonsdóttur í auðæfunum.  Að það væri önnur bölvuð tæfa sem ætti meiri peninga en París vinkonan.  Gjörspillt inn að beini.

En þetta var vóff tík.  Alvöru sko.

Úff.

Lásuð þið um bjartsýnisræðu Geirs Hilmars í Mogganum?  Halló Geir, gott að vera jákvæður en dass af raunsæi væri gott með, við hinn nafnlausi massi erum nefnilega að taka út timburmennina fyrir þyrlupallafólkið.

Ég kaupi ekki í matinn orðið öðru vísi en það kosti helvítis hvítuna úr augum mér.

Samt er ég alsaklaus af allri útrásarhegðun, kaupum á plasmaskjáum og jeppum og árshátíðarhaldi á Kínamúrnum.  Ég hef ekki einu sinni leigt einn einasta Elton Johannara í ódýrari kantinum í afmælin mín.

Annars er ég með hita og hálsbólgu en andinn er að kafna úr hamingju. 

 

Frumburður: Takk fyrir kveðjuna.  Knús á ykkur í Húsafelli.

Love u guys

Ekki lengur ríkasta tíkin

Athugasemdir

[Helga Guðrún Eiríksdóttir, 17.6.2008 kl. 16:18]

Til hamingju með daginn og sjálf þig, Jenný mín!

[Berglind Inga, 17.6.2008 kl. 17:20]

Haha, ég sé þig alveg fyrir mér komna í þvílíkan ham yfir þessu! Til hamingju með daginn

[Anna Ólafsdóttir (anno) (IP-tala skráð) 17.6.2008 kl. 17:59]

Bara að stimpla mig inn og óska þér til hamingju með daginn. Já, ég slapp lifandi frá helginni hér í höfuðstað Norðurlands, fékk meira að segja frið fyrir spólkeppnum á bílaplönunum í nágrenninu. Er á því að þetta hafi ekki verið bílaáhugamenn eða konur, heldur svona bílaíþróttabullur (sbr. fótboltabullur). Þær bullur virtust ekki hafa neinn áhuga á mér og mínum úti í þorpi - sem er frekar svona mikill léttir -

Knús á þig mín kæra

[Ásdís Sigurðardóttir, 17.6.2008 kl. 18:12]

Hæ skvís.  Baddi minn er úr Álftamýri 52 model 1956 og á 5 systkini.  Kveðja til þín ég er úti að borða í sólinni.

[Guðrún B. (IP-tala skráð) 17.6.2008 kl. 18:47]

[Aðalheiður Haraldsdóttir, 17.6.2008 kl. 19:26]

Ég skil NÁKVÆMLEGA það sem þú ert að segja.  Flutti meira segja úr landi af því að ég þoldi ekki þessa vitleysu lengur.  Það væri öðruvísi ef svona fólk eins og þú kæmist á þing.  Þú fengir sko mitt atkvæði!

Vona að þér batni fljótt!

[María Guðmundsdóttir, 17.6.2008 kl. 19:51]

Eina sem ég tók eftir : VÓH hvad kellingin er hørmuleg greyid! á myndinni altsá...ekki thú Jenný min En ferlega jardarfaraleg eitthvad greyid..kannski af thvi tíkin er ekki lengur ríkust

Til hamingju med thjódhátidardag,eigdu góda viku

[Jenný Anna Baldursdóttir, 17.6.2008 kl. 20:51]

Helga Guðrún: Takk fyrir blómin.

Vanadís: Ég var í öflugum ham.  Til hamingju sömuleiðis.

Anna: Loksins lífsmark.  Ég var einmitt að hugsa til ykkar um helgina.  Knús.

Ásdís: Takk fyrir upplýsingarnar.  Knús til Köben.

Guðrún: Hjarta á þig líka.

Ólafur: Gott að hafa einhvern sem tekur á mér statusinn svona reglulega.  Ég hélt nefnilega að ég væri glöð og kát.

Aðalheiður: Guð hjálpi þeirri þjóð sem fengi flautaþyril eins og mig á þing og þó, það getur ekki verið verra en núverandi ástand.

María: Eins gott að þú hélst ekki að þetta væri ég.