Ég sukka á laugardögum

Þó brennivín og pillur hafi verið bannfærðar af mér til æviloka, einn dag í einu, held ég samt sukkhefðinni um helgar.

Þ.e. ég stelst í suðusúkkulaði.  Jabb, þrátt fyrir diabetes og alles.

Það er liður í þeirri viðleitni minni að verða fullkomin.

Sko, málið er einfalt, maður deyr örugglega þegar verkefni lífsins eru frágengin og kláruð.

Þar sem ég er búin að öllu held ég í þennan súkkulaðilöst eins og hundur hangir á roði.

Annars verð ég verkefnalaus.  Hehemm.

Ekki láta mig ljúga ykkur full, ég er svo auðug í ófullkomnu deildinni að ég á eftir að lifa allra kvenna lengst.

Það væri samt ógeðslega kaldhæðnislegt ef ég hrykki uppaf í dag eða á morgun.

Og ég er búin að hamast maður lifandi.  Búin að þvo, skipta á rúmum, þrífa allt hátt og lágt, hreinsa  undan Bördí Jennýarsyni, sem þessa daga dvelst á Kommúnistaávarpinu uppi á bókaskáp.  Bördí er glaður með ávarpið alveg eins og hann naut sín í botn þegar hann bjó á Bítlaávarpi Einars Más.  En nú er Einar kominn aftur í heilagra manna tölu með nýjustu bókinni sinni, Rimlum hugans, og því fær fuglskrúttið ekki að subba út þetta ágæta ritverk.

Og svo kemur hún Jenný Una til gistingar um kvöldmatarleytið.  Amman grét hana út úr foreldrunum.

Það er liff í lífinu.  Ekki spurning.

Adjö mina vänner.

Athugasemdir

[M, 14.6.2008 kl. 16:38]

Suðusúkkulaði er best með mjólk  

Ljúfar stundir með nöfnu þinni

[María Guðmundsdóttir, 14.6.2008 kl. 16:56]

nammidagar um helgar, mann má nú adeins lifa segdu.

Eigid góda kvøldstund

[Heiður Þórunn Sverrisdóttir, 14.6.2008 kl. 17:38]

Eini löglegi dagurinn til að skófla í sig slatta af því besta sem fæst í nammibörum bæjarins...

[Bergljót Hreinsdóttir, 14.6.2008 kl. 18:10]

Oj...hvað þú ert ógó dugleg....búin að hamast og færð þér BARA suðusúkkulaði....!

Mæli með PIPPINU...það er svooooo gott....og þá ertu líka öruggári í syndinni....og verkefnavinnunni.....

[Brjánn Guðjónsson, 14.6.2008 kl. 18:40]

hef nú aldrei náð að hamast á súkkulaðinu, en hva,  það er jú nammidagur í dag

skál! í súkkulaði

[Steingerður Steinarsdóttir, 14.6.2008 kl. 19:07]

Njóttu suðusúkkulaðisins.

[Sigrún Jónsdóttir, 14.6.2008 kl. 20:23]

Njóttu þess að vera með Jenný Unu Það er toppurinn að vera með ömmubörnunum

[Jens Guð, 14.6.2008 kl. 21:27]

  Það er útbreiddur misskilningur að súkkulaði sé óhollt.  Suðusúkkulaði er hollt.  Það er fullt af steinefnum og andoxunarefnum.  Til viðbótar lætur það heilann í konum framleiða boðefni sem framkalla vellíðunartilfinningu. 

  Það hefur ekki sömu virkni á heilastarfsemi karla. 

  Ljóst súkkulaði er ekki beinlínis hollt.  Það er svo hátt hlutfall sykurs og rjóma í því.  En nokkrir bitar af því eru samt ekki til skaða. 

[Hildigunnur Rúnarsdóttir, 14.6.2008 kl. 22:23]

suðusúkkulaði er líka gott :D

[Lilja Guðrún Þorvaldsdóttir, 14.6.2008 kl. 22:36]

Suðusúkkulaði ku vera meinhollt fyrir suma, - ég ímynda mér að ég sé ein af sumum.-  allavega er ég ákveðin í að halda mér innan þess hóps,  og ræða það ekkert frekar.- 

[Jenný Anna Baldursdóttir, 14.6.2008 kl. 22:53]

Þið eruð hvort öðru frábærari gott fólk.

Ég efast ekki um að suðusúkk er hollt og gott en ekki fyrir mig, ekki fyrir mig.

Takk fyrir skemmtilegar athugasemdir og LG ég styð þig í súkkulaðinu.

[S. Lúther Gestsson, 15.6.2008 kl. 01:29]

Fer ekki að dett í edrú afmæli hjá okkur vinan?  Er þá ekki málið að stúta eins og einni djöfuls djöflatertu?

[Jóna Á. Gísladóttir, 15.6.2008 kl. 01:34]

Ég þarf að útvega þér ekta dökkt súkkulaði frá honum Hafliða