Að gefnu tilefni

 

Nýju "Season All" kryddstaukarnir eru með loki sem á að opna efst, vitið þið.  Sko það á ekki að skrúfa tappann af eins og á gömlu týpunni.  Þeir sem það gera, gætu átt á hættu að missa úr stauknum eins og hann leggur sig, t.d. yfir alla steikina sem er uþb að fara í ofninn.   Það var sko kona sem ég þekkti sem lenti í því.  Hún var utan af landi.

Svo vil ég koma því á framfæri við Fluvuna, að læknirinn var andlitslaus, þ.e. hann var ekki með exem á enninu.  Get ekki farið nánar út í lúkkið á honum, því hann les bloggið mitt, karlinn sá.

Ójá.

Farið varlega í nóttinni.

Síjúgæs!

Cry me a river.

Kryddfrömuðurinn Jenný Anna

Athugasemdir

[Tiger, 28.3.2008 kl. 18:12]

Ég hafði reyndar ætíð haft þá skoðun á þér stelpuskott - að þú værir sönn Kryddpía .. hin eina sanna. Við þurfum ekki neitt á erlendum kryddpíum að halda þegar við höfum svona gott efni hérna heima við nefið á okkur- gott efni í úlpukryddpíu. Þú yrðir hugsanlega að klæðast úlpu af og til .. en hey - it would be worth it - u could always keet it black. Mæli með mótmælafundi þar sem stjórnvöld eru lamin með ofkrydduðu lambalæri í baráttusósu... u rock baby.

[Birna Dis Vilbertsdóttir (IP-tala skráð) 28.3.2008 kl. 18:18]

[Svala Erlendsdóttir, 28.3.2008 kl. 18:57]

Gaaarrrrggggg...

Aumingja konan utanaf landi, eða bara fólkið hennar sem þurfti að borða fínu kryddsteikina

[Huld S. Ringsted, 28.3.2008 kl. 19:07]

Ég þarf að segja manninum mínum þetta, hann er sá eini sem notar Season All hérna

[Hulda Bergrós Stefánsdóttir, 28.3.2008 kl. 19:40]

Þær eru agalegar "þessar konur utan af landi"

[Hugarfluga, 28.3.2008 kl. 19:56]

Þetta eru samantekin ráð kryddframleiðenda, ég er að segja þér það. Kryddið MITT; hvítlaukssaltið í stauknum með græna lokinu var einmitt alltaf með svona skrúftappa en uforvarendes breyttu þeir hönnuninni og ákváðu að hafa smellulok. Já fínt. Afvherju setja þeir svo ekki bara glerbrot í kryddið til að fullkomna verkið? Heil máltíð til spillis, takk. Það á aldrei að breyta neinu. Aldrei. Nema mér fannst flott þegar Bogi Ágústsson breytti um klippingu þarna einu sinni. Það mátti.

[Heiða B. Heiðars, 28.3.2008 kl. 20:01]

Hey! Hentu restinni í ruslið! Ekki nóg með að lokið sé gallað heldur er kryddið bölvaður óþverri!!

[Anna Ólafsdóttir (anno) (IP-tala skráð) 28.3.2008 kl. 20:07]

Hvaða kona er þetta - þessi ðaddna utan að landi?  Það er enginn dauður eftir þennan óþverra heima hjá mér - ég bý sko á Akureyri

Annars: - þú ert engri lík

[Lára Hanna Einarsdóttir, 28.3.2008 kl. 20:10]

Búin að lenda í þessu nokkrum sinnum upp á síðkastið með aðskiljanlega kryddstauka. Síðast hvítlauksduft. Ég held að þetta sé meðvituð skemmdarstarfsemi framleiðendanna til að reyna að fá fólk til að nota meira krydd.

Græðgin tekur á sig ýmsar birtingarmyndir... 

[Jónína Dúadóttir, 28.3.2008 kl. 20:16]

Hver sagði þér þetta....?

[Hrafnhildur Ýr Vilbertsdóttir, 28.3.2008 kl. 22:36]

Meiri hrakfallabálkurinn.....sko konan utan af landi

[Jenný Anna Baldursdóttir, 28.3.2008 kl. 22:57]

Konan utanaf landi er með meirapróf á hrakföll, munur en ég sem er alltaf steady eins og fucking rock.

Hallgerður: Lífið er ekki alltaf réttlátt.  Hoho.

Jónína: Konan utan af landi sagði mér þetta.

Anna: Önnur kona úr sveit sko.  Híhí.

Heiða: Ég veit að þetta er helvítis jukk, var búin með fína kryddið mitt, sko ég meina konan utan af landi.

Stelpur: Getum við ekki súað einhverjum?

Knús

[Jens Guð, 28.3.2008 kl. 23:08]

  Ég vona að þetta hljómi ekki hrokafullt hjá mér.  Þegar ég var að byrja í blaðamennsku fyrir næstum fjórum áratugum lærði ég meira í íslensku af því að fara yfir prófarkalestur á skrifum mínum en ég hafði lært í skóla.  Eitt af því sem ég lærði og situr í mér er að réttara er að segja "AÐ gefnu tilefni...". 

[Helga Magnúsdóttir, 28.3.2008 kl. 23:20]

Jens, gott að heyra að einhverjir blaðamenn læra af okkur prófarkalesurum, við erum rosalega þörf stétt. En okkur, eins og konum utan af landi, hættir líka við hrakföllum í eldhúsinu. Einu sinni eldaði ég rosalega fínan indverskan rétt sem tók marga daga að leggja í hina ýmsu kryddlegi og snúa og vesenast með. Ætlaði að gleðja eiginmanninn með þessu þegar hann kæmi heim af sjónum. Þegar hann sá kræsingarnar á borðinu spurði hann: Hvað eru sprengjuleifarnar af Rajiv Gandi að gera á borðinu hjá okkur? Það tók hann minnst viku að bæta fyrir þetta.

[Jens Guð, 28.3.2008 kl. 23:25]

  Helga,  ef ég færi að telja upp allt sem ég hef lært af prófarkalesurum myndi það fylla heila bók.  Meira að segja eftir að ég gerðist sjálfur prófarkalesari hjá músíkblaðinu Sándi fyrir 10 - 12 árum hélt ég áfram að læra af prófarkalestri minnar kæru vinkonu,  Andreu Jónsdóttur,  sem prófarkalas mín skrif.

[Gerða (IP-tala skráð) 29.3.2008 kl. 00:34]

ég er dáldið oft aðeins á eftir með að lesa allt blogg sem stendur manni til boða en ein spurning.....  varðandi þessar auglýsingar sem þú gerir að umtalsefni þínu, með réttu að sumu leyti...  hvað finnst þér um - annars vegar - auglýsinguna frá Luuuuuu kexinu þar sem konurnar eru svo heimskulega grenjandi yfir því að fá kannski ekki vinning úr kexpakka og svo -hins vegar - bleika kellingin í þvottaefnisauglýsingunni sem er eins og fífl að horfa inní þvottavélina að fylgjast með því hvort blettirnir leysist ekki upp. Miðað við það eru þær auglýsingar sem þú gerir athugasemdir við bara saklausar. Erum við að gleyma einhverju hérna???

[Brjánn Guðjónsson, 29.3.2008 kl. 01:06]

spurning um að prófarkarlesa leiðbeiningarnar á sísonollinu. stendur virkilega hvergi að lokinu skuli lyft en ekki skrúfað af?

[Auður Lísa (IP-tala skráð) 29.3.2008 kl. 01:23]

Þú ert æði

Les þig alltaf en kvitta sjaldan.

[Lára Hanna Einarsdóttir, 29.3.2008 kl. 01:24]

Brjánn... maður les ekki leiðbeiningar í hvert sinn sem maður kaupir nýtt krydd. Gerir bara ráð fyrir því að hann sé eins og sá síðasti sem maður átti!

[Lilja Guðrún Þorvaldsdóttir, 29.3.2008 kl. 01:33]

Jenný, það hefur bara einhver verið að halda verndarhendi yfir þér og þínum,  og forða ykkur frá að borða þetta eitur sem "Season All" er og önnur álíka heilsuspillandi efni.   Veistu ekki að þetta er það versta sem þú setur ofaní þig, sem ert að berjast við lungnapest, og sykursýki osfrv., í þessu kryddi ef krydd skyldi kalla er m.a. sykur, ger (sem breytist í sykru í likamanum)., og MSG, sem þeir eru núna farnir að merkja með  allskonar númerum sem byrja á E- tölustafir,  til að blekkja saklaust fólk, og þriðja kryddið sem er bara "plast" (gerfi  krydd búið til úr plasti, krabbameinsvaldandi efni).,  Segðu vinkonu þinni utan af landi næst þegar þú heyrir í henni, að hætta bara að nota þetta ógeð, sem heitir "Season All" eða Grillkrydd, eða Mixað krydd.  Hún mun örugglega finna fljótt mun á sér. - Það er víða búið að banna þetta krydd  í Evrópu.

[Brjánn Guðjónsson, 29.3.2008 kl. 02:23]

jújú Lára. Lesa leiðbeiningarnar í bak og fyrir.

Ég tek alltaf með mér nokkra kryddstauka og súpupakka í rúmið á kvöldin, að lesa fyrir svefninn.

[Jenný Anna Baldursdóttir, 29.3.2008 kl. 07:32]

Brjánn: Góður.

Sorrý Jens, þarna varð mér á í messunni og ég vissi það.

Takk fyrir öll.

En án gríns, þá nota ég þetta krydd í neyðartilfellum. 

[Ía Jóhannsdóttir, 29.3.2008 kl. 08:11]

Góðan og blessaðan daginn.  Ja hérna, þvílík krydduð umræða,

Njóttu helgarinnar Jenný mín with or without All Season!

[Hulda Elma Guðmundsdóttir, 29.3.2008 kl. 09:15]

Ég gæti haldið að þú byggir á Akureyri, en þar fylgdi alltaf fréttum um róstur og ölvunarakstur að viðkomandi væri utanbæjarmaður!

[b (IP-tala skráð) 29.3.2008 kl. 09:18]

Hættu að nota þennan óþverra ! Stútfullt af MSG , sem vísindalega er sannað að er eitur http://www.doktor.is/index.php?option=com_d-greinar&do=view_grein&Itemid=40&id_grein=2923

Áttu annars góðan yndislegan dag Frú Jenný , uppáhalds bloggari minn !

Björg ( frænka húsbandsins )

[Laufey Ólafsdóttir, 29.3.2008 kl. 10:01]

kær kveðja,

Konan sem saltaði einu sinni Cheeriosið sitt.

[Jenný Anna Baldursdóttir, 29.3.2008 kl. 10:10]

Björg: Takk kærlega.

Auður Lísa: Takk kærlega líka.

Gerða: Lukex auglýsingin snýr við í mér maganum.  Hvað halda þessir auglýsendur að konur séu; heilalausar?