Ísland best í heimi - jeræt!

Við Íslendingar erum bestir í svo mörgu.

Við gerum allt út í hörgul, sama hvað er, bæði gott og slæmt.  Við virðumst a.m.k. vera æðisleg, sko miðað við höfðatölu.

Arg.

Hér er dæmi um dásemdina.

"Um hundrað verkamenn bygginga- og verkfræðifyrirtækisins Stafnáss hafa ekki fengið greidd laun frá því í janúar. Langflestir þeirra eru Pólverjar, en þeirra á meðal eru einnig Litháar og örfáir Íslendingar."

Er engin sem getur stöðvað gróf brot á útlendingum sem eru að vinna fyrir íslensk fyrirtæki?

Svona mál eru alltaf að koma upp, einstaka sinnum koma þau í fjölmiðlum, við fussum og sveium og svo heyrum við ekki meir.

Ég er farin að hallast að því að það sé ekki nægur vilji til að laga þessi mál.

Ísland er best í heimi,

fyrir kverúlanta sem reka ýmiskonar fyrirtæki.

Þetta er hið eiginlega útlendingavandamál, þ.e. meðferðin á erlendum verkamönnum sem enginn virðist geta eða vilja stöðva.

Ég skammast mín f.h. þeirra sem hafa ekki vit á því.

Sviknir um laun í tvo mánuði

Athugasemdir

[Birna Dis Vilbertsdóttir (IP-tala skráð) 29.3.2008 kl. 09:34]

[Eva Ólafsd. (IP-tala skráð) 29.3.2008 kl. 10:03]

Efling er komin í málið með lögfræðinga sína. Það verða alltaf til menn (þ.e. manneskjur) sem níðast á öðrum. Pólverjar láta margt yfir sig ganga áður en þeir kvarta. Húsnæðismál þeirra sýna það. Óprúttnir Íslendingar sjá sér leik á borði.

Ég leigði hús með myglusvepp. Fjölskyldumeðlimir voru misveikir, ég merst þar sem ég vann heima. Við létum rannsaka þetta og létum leigusalann vita og sýndum honum gögn frá Húsi og heilsu. Sem betur fer var leigutímanum lokið um það leyti en það er mjög kostnaðarsamt að berjast við þennan eitraða svepp ef hann er kominn um allt í gömlu húsi. Það sem leigusalinn gerði var að leigja Pólverjum húsið

[Aida., 29.3.2008 kl. 10:09]

Mikið er ég sammála.

Mér finnst oft á tíð Islendingar vera hreinlega siðlausir.

[Ía Jóhannsdóttir, 29.3.2008 kl. 10:39]

Já hamingjuríkið Ísland!!  Skammarlegt og siðlaust!!! Hvar er allur mannkærleikurinn? 

[Hildigunnur Rúnarsdóttir, 29.3.2008 kl. 10:43]

Eva, úff! Léstu ekki einhvern vita af þessu?

En svonalagað mun viðgangast, á meðan tekið er tilboðum sem eru greinilega allt of lág...

[Edda Agnarsdóttir, 29.3.2008 kl. 11:32]

Já hva! Audda erum við best í heimi.

[Ásthildur Cesil Þórðardóttir, 29.3.2008 kl. 12:13]

Segi ekki meir, en á ekki að vera til eftirlit með því að stjórnarskrárvarinn réttur sé ekki brotinn, hvort sem um er að ræða utlendinga eða íslendinga.  Eða ætli skýringin sé sú að það koma svo margir inn í einu, að það er ekki hægt að hafa eftirlit með þeim glæpahundum íslenskum sem gera sér gróða úr lífi fólks sem hingað kemur.  Var að lesa um pólsk hjón sem leigja 60m2 herbergi á 90 þúsund kall.  Byrjaði með 70 þús.  og var svo hækkað á skýringa upp í 90.  Og þau vita ekki einu sinni hvort þau eru með leigusamning eða ekki.  Hvað á þetta eiginlega að ganga langt áður er stjórnvöld grípa inn í og hætta að þjónka endalaust við óprútna atvinnurekendur, en það eru auðvitað þeir sem borga í kosningasjóðina.

[Eyrún Gísladóttir (IP-tala skráð) 29.3.2008 kl. 12:26]

þetta er þvílík skömm að fara svona með fólk er bara hrikalegt

[Hrafnhildur Ýr Vilbertsdóttir, 29.3.2008 kl. 12:48]

Held þú hafir hitt naglann á höfuðið....það er ekki vilji til að gera neitt í málinu.

[Kristín Katla Árnadóttir, 29.3.2008 kl. 13:16]

Sorglegt.

 Eigðu góða helgi Jenný mín