Aljör B-O-B-A - BOMBA

 

Þrátt fyrir bágt heilsufar og almenna öldrun, sem ég stríði við af og til, þarf ég að fara í útréttingar.  Lesist auðvitað; á leið til læknis, nema hvað?

Þá þarf að huga að áttfitti sem dregur fram fegurðina (sem kemur að innan, stendur í biblíunni), mála mig, og klæða mig til heilsu.  Ég er góð í því.

Hugs, hugs, fyrir framan troðfullan fataskápinn, sem hefur beinlínis tútnað út eftir Londonferðina í janúar og góður hluti innihaldsins er enn með miðunum á. Hm.. í hvað skal fara.  Onassissdragtin er tekin út og skoðun.  Já það er hægt að skoða gaumgæfilega svarta dragt.  Ætti ég að demba mér í Jackie?  Húsbandið segir að þegar ég klæðist henni, líti ég út eins og kona sem seldi hlutabréfin sín í FL-Group ÁÐUR en þau féllu.  Það gæti virkað.

Eftir að hafa farið í gegnum diverse klæðnaði verður Jackie fyrir valinu.  Svartar sokkabuxur, svartir skór og okkurgulur klútur um háls, af því að frumburður segir að ég líti út eins og grísk grátkona, brjóti ég ekki upp svertuna.

Nú, ég steðja inn á bað.  Blæs hár, blásí,blásí.  Ég skoða mig gagnrýnin í speglinum.  Ok, so far so good.  Nú er það sparslið.  Málí,málí.  Ég mála augnahárin upp í heila, svo ég geti dinglað þeim framan í doksa.  Varaliturinn er smurður á, ég fer í sleik, ok ég kyssi spegilmynd mína, yfirkomin af hrifningu.  Kannski ekki alveg en sirka bát.

Svo bíð ég eftir einkabílstjóranum og reyki í rólegheitum.  Ég er droppdeddgjorgíus"

Ég velti fyrir mér af hverju mér er fyrirmunað að klæðast öðru en gráu og svörtu.  Oh ég er svo mikil týpa.  Fólk er að segja mér að ég sé íhaldssamari en fjandinn fimmtugur.  Og þá man ég að ég keypti mér einu sinni köflóttan kjól, úr höri í gömlu góðu Evu, guð blessi hana Mörtu, og ég fór í honum í afmæli.  Hann krumpaðist upp í heila og það sáu það allir.  Hefði hann verið svartur, þá hefði hann runnið saman við svörtu sokkabuxurnar og ég hefði haldið kúlinu.  Fyrir utan að það er beinlínis glatað að geta ekki fengið tertur í fangið og allskyns drykki, án þess að þurfa að fara heim úr partíinu.

Nú eru allir karlkynslesendur mínir annaðhvort lagstir í rúmið af leiðindum eða þá komnir með meirapróf á blúndulagaðar hugsanir kvenna á Íslandi anno 1952-2008.

Meijúrestinpís.

Úje

 

Athugasemdir

[Birna Dis Vilbertsdóttir (IP-tala skráð) 28.3.2008 kl. 11:24]

Grísk grátkona hehehehehehe.Gangi þér val hjá doktornum Jake X Fl grup

[Lovísa , 28.3.2008 kl. 11:26]

 

Innlitskvitt  Góða helgi.

Kveðja, Lovísa.

[M, 28.3.2008 kl. 11:37]

Á við sama " vandamál" með svart og grátt

Örugglega rosa flott á leið til doksa. Góða helgi. 

[Ragnhildur Sverrisdóttir, 28.3.2008 kl. 11:47]

Það sést ekki á svörtu, sögðu kellingarnar. Ég hef alltaf verið algjör ryksuga á allan skít í kílómetra radíus og því mjög höll undir svartan klæðnað.

Þessi speki virkar hins vegar ekki eins vel á bíla. Mikið andsk.... sést mikið á svörtum bílum! Ég er alveg að guggna á þrifunum.

[Brynja skordal, 28.3.2008 kl. 12:20]

Fínt skal það vera fyrir doksa

[Huld S. Ringsted, 28.3.2008 kl. 12:50]

Þá er ég alltaf eins og Grísk grátkona þar sem ég er alltaf bara í svörtu!

en ég er alveg viss um að þú ert droppdeddgorgjíus fyrir doksa

[Hrafnhildur Ýr Vilbertsdóttir, 28.3.2008 kl. 13:13]

hvernig líturðu þá út elskan þegar þú ferð út með ruslið....ha ha

Annars er ég líka svona með svartan klæðnað, á alltof mikið af honum en hin síðari ár hafa slæðst með litir vinum og vandamönnum til mikillar gleði.

Vona að doksi lækni þig..

[Guðjón H Finnbogason, 28.3.2008 kl. 13:19]

Þú ert frábær

[Jóhanna Magnúsar- og Völudóttir , 28.3.2008 kl. 14:12]

Ekkert gaman að lifa án þess að klæða sig upp við og við.... og við!

[Dísa Dóra, 28.3.2008 kl. 14:23]

Heppinn læknir sem þú átt

[Guðríður Hrefna Haraldsdóttir, 28.3.2008 kl. 15:21]

Ekki gleyma glimmer ...

[Hugarfluga, 28.3.2008 kl. 15:44]

Ok, spit it át ... er læknirinn droppdedd gordjöss með kastaníubrún augu, hökuskarð og hendur sem fá hnjákskeljarnar til að loða saman eða ertu bara almenn pæja og læknirinn Hróðmar hálsnefjaeyrnastór með exem á enninu?

[Eva Benjamínsdóttir, 28.3.2008 kl. 16:08]

batni þér fljótt og vel, hilsen

[Jónína Dúadóttir, 28.3.2008 kl. 16:44]

 Góða helgi !

[Laufey Ólafsdóttir, 29.3.2008 kl. 10:05]

Lovjú!