Í spennitreyju á víðavangi

Hér á átakasvæðinu Breiðholti er allt með kyrrum kjörum, kl. 08,26 að staðartíma.  Hér hefur ekkert verið skemmt, allir gluggar eru óbrotnir og að þessu sinni liggja engin fórnarlömb átaka við útidyrnar mínar.

Þegar Breiðholtið var byggt, var það kallað Gólanhæðir, eftir einu af átakasvæðunum í Ísrael. Nú eru flestir búnir að gleyma því, en ekki ég, og þrátt fyrir búsetu mína hér í Seljahverfi, þá er ég með bullandi fordóma út í viðkomandi svæði.  Enda er ég borinn og barnfæddur Vesturbæingur og áður en ég hafnaði hér, fór ég helst ekki yfir Rauðará.  En enginn veit sína ævina og allur sá ballett.

Ég hef fengið það í andlitið, oftar en ég hef tölu á, að manni er vísast að vera spar á yfirlýsingarnar sem fela í sér fullyrðingar eins og alltaf og aldrei.  Ég var lengi vel mikill yfirlýsingsérfræðingur og fullyrti gjarnan að:

Ég ætlaði aldrei að hætta að reykja.

Ég myndi aldrei búa í Breiðholtinu.

Ég ætlaði aldrei að blogga (hafði reyndar aldrei lesið blogg).

Ég ætlaði alltaf að búa í Vesturbænum.

Og ég ætlaði aldrei að verða alkóhólisti og því síður sykursjúk.

Ég ætlaði líka alltaf að kjósa Alþýðubandalagið (nokkrir tæknilegir örðuleikar á því gott fólk).

Og ég ætlaði alltaf að búa í Gautaborg

En svo "varðaði" það öðruvísi.  Hlutirnir æxluðust þannig að ég bý í nokkuð örguggum hluta Gólanhæða, en mér er satt best að segja, hætt að standa á sama.

Ég myndi eyða ævinni íklædd spennutreyju ef ég yrði tekin með ofbeldi og látin inn í bíl og það yrði spænt með mig áleiðis til Keflavíkur (ég meina Keflavíkur!!) eða í Þvaglegginn.

Þá myndi standa í Mogganum: Kona íklædd spennitreyju fannst á víðavangi.

Ég ætla aldrei að láta það gerast.

Ég er farin að líta í kringum mig.

Minn elskaði vesturbær; hír æ kommmm!

Úje og amen á eftir efninu.

 

Þrír rændu manni í Breiðholti

Athugasemdir

[Jónína Dúadóttir, 28.3.2008 kl. 08:58]

Ég er sko líka bullandi meðvirk með þér núna og skammast mín ekkert fyrir það !  Hvurslags eiginlega helvítis framferði er þetta...... las fréttina sko...

[Hrönn Sigurðardóttir, 28.3.2008 kl. 09:03]

Þér yrði nú skilað fljótlega ef þú yrðir flutt hingað - gæzkan

[Jenný Anna Baldursdóttir, 28.3.2008 kl. 09:05]

Hrönnsla: Myndir þú skutla mér heim?

Ætli spennitreyjur séu framleiddar úr hör, í mismunandi litaúrvali?

Takk stelpur, en meðvirknin er að ganga frá ykkur, drífið ykkur á Al-anon fund ´sskurnar.  Híoghó.

[Jóna Á. Gísladóttir, 28.3.2008 kl. 09:07]

Andskotinn og allir hans árar. Alveg finnst mér óþolandi þessir wannabe gangsterar sem leika hér lausum hala. Andskotinn aftur.

Annars er pistillinn frekar fyndinn hehe. Þetta með tæknilegu örðugleikana...

[Jenný Anna Baldursdóttir, 28.3.2008 kl. 09:13]

Jóna mín:  Það er hvergi vært og hér í Gólan ríkir pjúra umsátursástand.  Í síðustu viku voru raðrán í sjoppum hverfisins og nú þetta.  Omægodddddddddd

[Lára Hanna Einarsdóttir, 28.3.2008 kl. 09:41]

Velkomin vestureftir - til lengri eða skemmri dvalar! 

[Guðríður Haraldsdóttir, 28.3.2008 kl. 09:53]

Knús á þig og takk fyrir bráðfyndna færslu.

[Laufey B Waage, 28.3.2008 kl. 09:55]

Velkomin í vesturbæinn. Hann er og verður bestibærinn. Ég hika ekki við að halda 101-rembingnum mínum til streitu. Síðan ég flutti til Reykjavíkur "82, hef ég bara búið í 101,105 og 107, þar af vestan tjarnar og norðan Hringbrautar síðustu 18 árin. Og vestan Rauðarár skal ég búa þar til ég er orðin allra kellinga elst.

[Birna Dis Vilbertsdóttir (IP-tala skráð) 28.3.2008 kl. 10:13]

Svo eru meinlausir útigangs menn og konur mis geðsjúk á vappi í vestur og miðbæ.Oftast meinlaus .Reyndar er hellingur af tómum húsum á þessu svæði svo þú ættir að fá hús strax.Að vísu ekki ný og ekki vatnsheld eða vindheld Ég er ein af fyrstu "villingunum"í neðra og efra og sjáðu bara hvað hefur ræst úr kellu.Svo búa Villi viðutan og Árni jóns í Gólan ekki leiðinlegt fyrir þig hehehehehe.Iss komdu bara í úthverfið Grafarvog.Tek vel á móti þér

[Heiða B. Heiðars, 28.3.2008 kl. 10:32]

....flottir skór við treyjuna? ;)

[Steingerður Steinarsdóttir, 28.3.2008 kl. 10:34]

Er þetta ekki bara reglulega spennandi líf? Maður veit aldrei hvað gerist næst í úthverfum höfuðborgarinnar. Ég bý í nágrenni Hamraborgarinnar og þar búa að mér er sagt mögnuðustu eiturlyfjasalar landsins og þar var framið morð ekki fyrir svo löngu.

[Kristín Katla Árnadóttir, 28.3.2008 kl. 10:45]

Góð færsla hjá þér Jenný mín ég var líka uppalinn í vesturbænum og flutti svo í seljahverfið og síðar í Hafnafjörð og svo aftur í Grafarvog. Eigðu góðan dag.

[Brjánn Guðjónsson, 28.3.2008 kl. 11:03]

eitt sinn gat ég sko ekki hugsað mér að búa í þeim útnára, Breiðholtinu. ég endaði þó í Bökkunum fyrir 13 árum síðan og hef búið þar með hléum í 11 ár af þessum 13. ég bý þar í dag og einu lætin sem ég verð var við er ef einhver hljóðkútsfatlaður ekur um hverfið.

[Katrín Ósk Adamsdóttir, 28.3.2008 kl. 15:09]

Hún Kata elskar Breiðholtið  Þetta óþekka lið mætti nú samt fara að finna sér annan vígvöll  Hér í bökkunum er þó allt með kyrrum kjörum í bili  Skemmtileg færsla hjá þér Jenný mín eins og alltaf  Ég óska þér góðrar helgar