Ég er forhertur andskoti

Ég nennti ekki að hanga yfir afhendingu Íslensku tónlistarverðlaunanna.  Ég sem er svo innntú mjúsikk.  Það hefur eitthvað gerst með samskipti mín og sjónvarpsins, ég er hætt að nenna að horfa á nánast allt nema fréttir og Kastljós og tæpast að ég nenni því heldur.  En auðvitað verður kona að fylgjast með fréttum á báðum stöðvum.  Annars er það ávísun á þunglyndi að heyra ítarlegar umfjallanir um ástand efnahagsmála þessa dagana, ég er alveg komin með móral yfir að líða svona ósvífnilega vel, þrátt fyrir að allt sé greinilega í kalda kolum.  En ég er forhertur andskoti.

En aftur að sjónvarpsdagskránni og Íslensku tónlistarverðlaununum.  Ég byrjaði að horfa.  Fyrirgefið á meðan ég veina af angist út í cypertómið!  Dettur engum í hug að hafa annað form á svona verðlaunaafhendingum en þetta hallærislega Óskarsverðlaunaafhendingarform?  Í svona míníútgáfu verður það eins og einkapartí. Hrmpf...

Guð hvað ég er þroskuð.

Og..

..stundum horfi ég á sjónvarp gagngert til þess að pirra sjálfa mig upp úr skónum.  Er í lagi heima hjá mér?  Jájá, síðast þegar ég gáði.

Þar er Bandið hans Bubba alveg að slá í gegn.

En smá leyndó..

..ég er húkkt á American Idol, já ég veit það, er algjör halloki en það er eitthvað við Simon vin hennar Maysu minnar, sem fær mig til að nenna þessu og ég lifi mig algjörlega inn í atriðin.  Þetta segi ég ykkur krúttin mín af því ég veit að þið eruð orðvör og farið ekki að hlaupa með þetta.

Ég er marin og blá á annari löppinni eftir fallið í dag, en ég næ mér á strik.

Háæluðu verða teknir fram á morgun.

10 cm. hækkun á persónu minni er áverkanna virði.

Farin aftur í rúmið.

Eða ekki!

Síjúgæs

Páll Óskar og Björk söngvarar ársins

Athugasemdir

[Ragnheiður , 18.3.2008 kl. 22:26]

Ég horfði á þetta aðeins en varð svo að skreppa út...ég er komin heim en ekki búin að kveikja enn á tv.

[Hrafnhildur Ýr Vilbertsdóttir, 18.3.2008 kl. 22:33]

ég er líka í lummó liðinu horfi á fja..... ædolið og ýmist pirrast eða skemmti mér...maður er náttla ekki í lagi

[Ásdís Sigurðardóttir, 18.3.2008 kl. 22:38]

ÉG kveikti á akkúrat þegar P.Óskar fékk verðlaunin svo nennti ég ekki meiru.

[Kristín Katla Árnadóttir, 18.3.2008 kl. 22:50]

Ég horfði líka á american idol og bandið hans Bubba. Nú er ég að roðna. úff nú er ég  hálf asnaleg.

 Góða nótt Jenný mín.

[Ía Jóhannsdóttir, 18.3.2008 kl. 22:58]

Hef ekki hugmynd um hvað þið erum að tala um en Páll Óskar er auðvitað algjört dúllurasskat og vel að þessum verðlaunum kominn.  Þekki allt hans fólk og þetta eru og voru bara snillingar.  Diddú er samt mitt uppáhald, er að koma hingað í júní og þá verða sko teknar nokrar hlátursrokur saman.  

[Ásthildur Cesil Þórðardóttir, 18.3.2008 kl. 23:13]

Ég hef ekki opnað sjónvarpið í kvöld svei mér þá.

[Anna Benkovic Mikaelsdóttir, 18.3.2008 kl. 23:19]

Páll Óskar sló í gegn Páll Óskar var maður kvöldsins á Íslensku tónlistarverðlaununum. Páll Óskar Hjálmtýsson var valinn söngvari ársins á Íslensku tónlistarverðlaununum sem fram fara í Borgarleikhúsinu í kvöld.



Páll Óskar fékk einnig Netverðlaun Tónlist.is og var kjörinn vinsælasti tónlistarmaðurinn af lesendum Vísis. Þá var Björk kjörin söngkona ársins og hún fékk einnig verðlaun fyrir tónlistaratriði ársins í fjölbreyttri tónlist. Þeir Sigtryggur Baldursson og Einar Örn Benediktsson tóku við verðlaunum Bjarkar, þar sem hún er stödd erlendis. Besta lag ársins í fjölbreyttri tónlist var lagið Verum í sambandi, eftir þá Snorra og Bergur Ebba.



Það var Rúnar Júlíusson sem hlaut heiðursverðlaunin þetta árið og tók hún við þeim af Þorgerði Katrínu Gunnarsdóttur menntamálaráðherra. Þá fékk Pétur Ben verðlaun fyrir tónlistina í kvikmyndinni Foreldrar og Mugison fékk verðlaun fyrir myndband ársins og plötuumslag ársins.

[M, 18.3.2008 kl. 23:50]

Horfði on and off á en fannst þetta hálfleiðinlegt.  Samt glöð með Pál Óskar kallinn og Rúnar Júl

[Jóna Á. Gísladóttir, 19.3.2008 kl. 00:12]

Palli er dásemd og mér finnst alveg frábært að hann sé að uppskera eins og hann hefur sáð á árinu. Love it.

Elska þig líka þó ég sé með símafóbíu og símahömlun þessa dagana. En fóbían virkar bara í aðra átt.. það er að ég tek símtöl þó ég hringi þau ekki sjálf. Er aaaaaalllllleg á leiðinni í Breiðholtið. Þegar ég er hætt að leika selebba. Seljan ætlar að kíkja á mig á morgun.

[Heiða Þórðar, 19.3.2008 kl. 00:18]

[Hrönn Sigurðardóttir, 19.3.2008 kl. 07:58]

Palli er krútt og vel að þessum verðlaunum kominn.

Eigðu góðan dag á 10 sentimetrunum

[Jóhanna Magnúsar- og Völudóttir , 19.3.2008 kl. 10:55]

Palli er æði, Simon er enn meira æði .. ekkert varið í Ædólið án hans. Gleðilega páska!

[Ragnheiður , 19.3.2008 kl. 11:22]

Ég hef hvorki horft á Idol né Bubbaband þetta árið, ég nenni þessum þáttum ekki. En góð sakamálasería, það er sko allt annað mál.

Fáðu þér blöðru, þá detturðu ekki mín kæra

[Edda Agnarsdóttir, 19.3.2008 kl. 11:26]

Jenný, þetta með 10 cmetrana? Eru þetta stígvél með sérstakri fóðringu um uklann svo maður geti staðið og gengið?

[Jenný Anna Baldursdóttir, 19.3.2008 kl. 11:35]

Sko það þarf áralanga reynslu að ganga og hlaupa glæsilega á háhæluðum.  Þá list kann ég, fyrir utan smá tæknilega örðugleika.

Palli er vel að þessu kominn og Rúli Júll örgla líka, en það er ekki pointið hérna börnin góð.  Þetta er svo fjandi leiðilegt sjónvarpsefni eins og það birtist mér.

Sammála Röggu, kysi sakamálaseríu fram yfir svona lagað any time.

Knús á línuna.