Jóladagsmorgun

 

Ég sit hér með sjálfri mér í algjörri kyrrð og hátíðin í húsinu er nærri því áþreifanleg.

Undirrituð sem er þekkt fyrir að drolla langt fram á nætur var sofnuð um miðnætti í gærkvöldi, var svo þreytt að ég sá ekki út úr augunum.

En ég var afskaplega sæl.

Við áttum yndislegt aðfangadagskvöld í faðmi stórfjölskyldunnar, heima hjá Helgu Björk, frumburði, Jökli elsta barnabarninu og Birni hennar Helgu.

Þar voru líka Jenný Una Eriksdóttir, Hrafn Óli Eriksson, glænýi ásamt foreldrum sínum.

Það vantaði Maysu, Robba og Oliverinn, en þau voru hjá ömmu-Brynju og Þórhalli, enda Oliver einasta barnabarnið þeirra og eitthvað réttlæti verður að vera í skiptingu á góðu fólki.

Matseðill:

Forréttur: Grafin gæs, með bláberjum, villibráðarsósu og heimalöguðu rauðkáli.  Ég nærri andaðist úr unaði. Ég segi nærri því rjúpa hvað, en bara nærri því.

Aðalréttur: Hamborgarhryggur, sænsk jólaskinka með öllu meðlæti sem nöfnum tjáir að nefna.

Eftirréttur: Konfektís, sem enginn hafði pláss fyrir, kaffi og sollis.

Nú, hún dóttir mín er með jólatré sem er álíka að stærð og systir þess á Austurvelli.  Okok, smá ýkjur en það er stórt og fallegt.  Það var samt að drukkna í pökkum, þannig að rétt grillti í það.

Ég fékk, bækur, föt, náttföt, rúmföt og fleira og svo fékk ég.... tammtaratamm, ferð til London í janúar með Helgu Björk.  Í heimsókn til Maysunnar.  Ekki leiðinlegt.  Annars var ég bara klökk yfir öllu þessu jólagjafaflóði, sem og allir hinir líka.  Jökull var svo glaður að hann dansaði um allt. Opnun jólapakka tóm um það bil þrá klukkutíma.  Hehemm.

Jenný Una fékk dúkkuvagninn góða frá ömmusín og Einari og var yfir sig hamingjusöm.  Hún fékk ansi marga pakka.  Þegar mjúkir pakkar komu til opnunar sagði hún: Ég áetta ekki, hann Hrafn Óli má eigaetta.  Hún var afslöppuð gagnvart bróður sínum, tékkaði samt reglulega á honum og spurði foreldra sína hvort hann væri svangur, hvenær ætti að "skitta" á honum og svo sagði hún ömmu sinni að fara varrlea, og ekki fikta í honum því "hann er so lítill".  Ójá.

Hrafn Óli, var 13 merkur og 48 cm.  Hann er dúkka.  Undurfagur lítill drengur og auðvitað svaf hann af sér fyrstu jólin, eins og lög gera ráð fyrir.  Og lyktin af honum er svo góð að ömmunni langaði bara að geyma hann í hálsakoti.  Um leið og foreldrar eru búin að skanna inn myndir af jólabörnunum, leyfi ég ykkur að njóta þeirra með mér.

Nú er það  kalkúnaveisla, á sama stað og í gær, með sama fólki að viðbættum skábörnunum mínum þremur (Ástrósu, Stebba og Einsa), Maysunni, Robba og Oliver.

Það er ekki leiðinlegt að liffffffa á jólunum.

Gleðilegan jóladag elskurnar., hvar sem þið eruð.

Falalalalalalalala

Athugasemdir

[Ella (ókunn) (IP-tala skráð) 25.12.2007 kl. 09:53]

Til hamingju með litla drenginn. Ég er nýfarin að lesa bloggið þitt, það er alveg rosalega skemmtilegt, þú ert svo góður penni. Eigðu áfram gleðileg jól.

[Jenný Anna Baldursdóttir, 25.12.2007 kl. 10:10]

Takk Ella mín og vertu velkomin.  Eigðu gleðileg jól.

[Hilma Ösp Baldursdóttir (IP-tala skráð) 25.12.2007 kl. 10:19]

Gleðileg jól elsku Jenny og til hamingju með nýjasta fjölskylumeðliminn

[Marta B Helgadóttir, 25.12.2007 kl. 10:45]

Góðan daginn Jenný og gleðileg jól. Innilega til hamingju með nýja fjölskyldumeðliminn

[Jónína Dúadóttir, 25.12.2007 kl. 10:52]

[Sigrún Ásdísardóttir (IP-tala skráð) 25.12.2007 kl. 11:24]

Innilegar hamingjuóskir með nýja fjölskyldumeðliminn, get varla beðið eftir að fá að sjá mydir af honum.Mér finnst nafnið á honum mjög fallegt, þú segir að hann sé líkur systur omg þá er þetta sko bjútí boy:)Jólakveðja Sigrún

[Gísli Bergsveinn Ívarsson, 25.12.2007 kl. 11:42]

Gleðileg jól, og takk fyrir góð og skemmtileg samskipti á árinu sem er að líða

[Ásthildur Cesil Þórðardóttir, 25.12.2007 kl. 12:23]

Gleðileg jól og farsælt nýtt ár Jenný mín.  Þetta hefur verið dýrðarinnar stund hjá ykkur.   Innilega til hamingju með litla jóladrenginn þinn.

[Jóna Á. Gísladóttir, 25.12.2007 kl. 12:28]

Yndisleg færsla. Ég sé hana Jenny Unu stórusystur algjörlega fyrir mér í manual-hlutverkinu varðandi litla bróður. Ég sé líka fyrir mér vissa ömmu með glænýjan dreng í hálsakotinu sínu. Knús til ykkar allra.

p.s. hvernig ertu í fóttttttnum?

[Guðbjörg Valdórs (IP-tala skráð) 25.12.2007 kl. 12:39]

Gleðileg jólin kæra Jenný Anna. Yndislegt að lesa hvað jólin voru frábær hjá ykkur og tala nú ekki um með einn lítill já og til hamingju með hann þvílík sæla . Alltaf jafn gaman að lesa hjá þér!!!

Kv. Guðbjörg

[Hrönn Sigurðardóttir, 25.12.2007 kl. 13:15]

mmmm lyktin af ungabörnum er svo góð.........

Gott þú áttir góða stund með stórfjölskyldunni.

[Hugarfluga, 25.12.2007 kl. 13:28]

Draumajól! Njóttu vel, kæra bloggvinkona!

[Sunna Dóra Möller, 25.12.2007 kl. 13:57]

Eigðu góðan jóladag

[Anna Ólafsdóttir (anno) (IP-tala skráð) 25.12.2007 kl. 14:10]

Ég kaupi þetta nú ekki alveg með samanburðinn á rjúpunni og gæsinni,  allavega ekki miðað við unaðinn sem ég upplifði í gærkvöldi þegar fyrsti rjúpubitinn flaug upp í munn

EIgðu gleðilega jólrest mín kæra bloggvinkona og taktu eitt stórt knús á ömmubörnin þín frá aðdáanda fyrir norðan

[Kristín (IP-tala skráð) 25.12.2007 kl. 15:25]

Ég óska þér og ykkur öllum innilega til hamingju með snáðann, ætla að notfæra mér síðuna þína og biðja þig um að skila bestu kveðjum til hennar Söru frá Kristínu í spænsku :) og segðu henni að ég sé ekkert fúl yfir því að Hrafn Óli lét ekki sjá sig 12. des (sko minn dagur ;)) Það er líka gott að eiga sinn eigin dag....

 Jólakveðjur Kristín

[Ragnheiður , 25.12.2007 kl. 15:40]

Ohh já ég sniffaði af litlum snáða í gær, þvílík dásemdarlykt af smábörnum.

Gott að lesa færsluna þína elsku Jenný

[Gurra (IP-tala skráð) 25.12.2007 kl. 16:07]

Til hamingju með litla ömmu drenginn. Bið að heilsa í kalkúnaveisluna vestur í bæ hjá Helgu Björk.

Jólakveðja - Gurra

[siggahg (IP-tala skráð) 25.12.2007 kl. 16:16]

Gleðileg jól og takk fyrir skemmtunina á árinu!

[Jenný Anna Baldursdóttir, 25.12.2007 kl. 16:36]

Takk öll fyrir fallegar kveðjur, kona kann sér ekki læti.

Jónsí: Fóttttttttttttttttur: Nó kómentó.

Anna: Ég sagði nærri því, bara nærri því.

Njótið dagsins elskurnar.