Jólasnjór - já sæl

 

Ég er að elda kalkún, búa til Waldorfsalat og sýsla eitt og annað í eldhúsi.

Afurðirnar verða svo fluttar vestur í bæ.

Matur eldaður á tveimur stöðum, mikið stendur til.

En....

"Jólasnjór féll í höfuðborginni um hádegisbil" stendur í Mogganum.

Mesta vansögn sem ég hef heyrt lengi.

Hafa Moggamenn ekki litið út um gluggann?

Það sér ekki á milli húsa og ég er orðin verulega áhyggjufull varðandi selflutninga á sjálfri mér, húsbandi og  kalkún, milli bæjarhluta.

Eins gott að ég tékkaði sjálf á veðrinu.

Mogginn er örgla í jólaboði.

Falalalalalala

En ég er samt í eitruðu jólaskapi.

Jólasnjór í höfuðborginni

Athugasemdir

[Heimir Lárusson Fjeldsted, 25.12.2007 kl. 16:51]

Örgla gleðileg jól hjá þér

Mogga til afsökunar; fljótt skipast veður í loft. 

[Jónína Dúadóttir, 25.12.2007 kl. 17:11]

Æi, er vitlaust veður þarna hjá ykkur ?

[Ragnheiður , 25.12.2007 kl. 17:19]

Hehehehe já svona er þetta stundum. Ég var fyrir utan hjá þér áðan og þá var svosem allt í lagi með veðrið á planinu hjá þér. Svo kom ég heim, bakaði köku og veðrið meira og minna galið hér. Ekki hundi út sigandi þannig að ég sendi bara kallinn

Vonandi ganga flutningar að óskum, ég er einföld kona og þarf ekki að gera annað en að sjóða kartöflur og gera uppstúf...pís of keik miðað við margréttað í gær

[Jóna Á. Gísladóttir, 25.12.2007 kl. 17:41]

iss, bara smá föl elskan mín

Gangi ykkur vel með matarflutninga og hafið það gott í kvöld.

[Hildigunnur Rúnarsdóttir, 25.12.2007 kl. 18:31]

Er lækkar á lofti sólin þá loksins koma jólin Við fögnum í friði og ró meiri snjó, meiri snjó, meiri snjó... (var reyndar fegin að þetta var ekki aaalveg svona mikið þegar við Fífa keyrðum frá Seljakirkju í gærkvöldi)

 

[Ásdís Sigurðardóttir, 25.12.2007 kl. 21:05]

Þetta er bara jólaföl er það ekki.??  Gaman að heyra að hátíðin er vel lukkuð með þínu fólki, njóttu vel áfram mín kæra. Gættu þín á hálkunni ef þú ferð eitthvað út.  Knús

[Magnús Geir Guðmundsson, 25.12.2007 kl. 21:11]

Gleðileg jól frú Jennifer!

Trúi ekki öðru né fuglinn steikti hafi verið fluttur og etin með bestu list, þið fáið alltaf okkur norðanlýðinn til að glotta út undir eyruþegar þið farið að mæðast yfir veðrinu!

Munið bara að þið fenguð einmunablíðu í mestallt sl. sumar.!

Og vel á minnst, það vantaði eitt i þarna hjá Hr. Fjelsted!

[Magnús Geir Guðmundsson, 25.12.2007 kl. 21:27]

Og já, má ekki gleyma alveg að óska þér til lukku með litla augasteininn, var sjálfur að dúlla við eina litla í dag, litlu eldri, svo skemmtilegur félagsskapur að ég söng bara!