Eins og að vera slegin með kylfu í hausinn...

 

..eða þannig held ég að það sé þegar manni líður eins og mér núna.

Þessi dagur hefur verið jah.. ömurlegur.

Ástæða: Engin svo ég viti.

Suma daga fer ég hreinlega öfugt fram úr rúminu, eða réttara sagt suma daga ætti ég ekki að voga mér fram úr rúminu.  Þetta hefur verið svoleiðis dagur. 

Ástand: Hangandi haus niður á bringu.  Ógleði, hausverkur, beinverkir, suð fyrir eyrum og pirringur dauðans.

Ég var síst að skilja hvað væri í gangi.  Hélt hreinlega að ég hefði jólaóverdósað.

Var samt í þvottahúsi. Fórnarlambsdæs.

Reifst hástöfum (á kurteislegan og ískaldan máta) við tvö tölvufyrirtæki, eitt opinbert þjónustufyrirtæki, póstburðarmann og kjötkaupmann og þar sem ég var búin að ná mér á strik reifst ég við  húsband líka.  Ok, aftur, reifst við alla ofannefnda nema húsband.  Hann var ekki heima.

Var að hugsa um að flytja að heiman, í tjald uppi í Heiðmörk, liggja þar matar- og vatnslaus, fá lungnabólgu, verða lögð inn á slysadeild þar sem öll íslenska þjóðin myndi fylgjast með hægfara brottför minni úr þjáðum heimi, þegar mér datt í hug að stinga mæli í eyrnafjandann á mér.

Viti menn, 39,5 á Anders Celsius.  Allt annað líf.  Nú er ég komin með það skjalfest upp á vasann að ég á bágt, get hent mér undir teppi með tölvu og rifið stólpakjaft á blogginu.

Einhver til í fæting?

Segi sonna.

Falalalalala og ég í góðum málum.

Athugasemdir

[Heiða B. Heiðars, 17.12.2007 kl. 20:58]

Hahahaha! apaköttur!

Náþessu úr þér addna!

[Kristín Katla Árnadóttir, 17.12.2007 kl. 22:02]

 Það liggur illa á þér náðu þér upp úr þessu, maður fær svona köst elska þér líður betur á morgun honey

[Ásdís Sigurðardóttir, 17.12.2007 kl. 22:52]

Ég þori sko alveg í þig núna, er að vinna mig upp í jóla fighting, búin að baka tvær sortir í kvöld með húsbandinu, að hann skuli þola mig.  Fylgist með þér í kvöld kona

[Jóna Á. Gísladóttir, 17.12.2007 kl. 22:55]

Bring it on Lazarus

[Sunna Dóra Möller, 17.12.2007 kl. 23:05]

Láttu þér batna sem allra, allra fyrst ! Góða nótt!

[Lára Hanna Einarsdóttir, 17.12.2007 kl. 23:17]

Úff... hvernig ætli vesalings fólkinu sem þú reifst við líði? Þetta hljómar þannig að ég vildi ekki hafa verið í þeirra sporum. 

[Hrönn Sigurðardóttir, 17.12.2007 kl. 23:44]

Ég þekki nokkrar svona dramadrottingar. Þær eru yfirleitt sendar inn í herbergi og sagt að koma fram aftur þegar þær eru orðnar skikkanlegar....

Lovjú

[Ragnhildur Sverrisdóttir, 17.12.2007 kl. 23:45]

Hiti, smiti! Eftir að þú varst búin að rífast við "tvö tölvufyrirtæki, eitt opinbert þjónustufyrirtæki, póstburðarmann og kjötkaupmann" þá varstu bara orðin sjóðbandvitlaus. Mesta furða að hitinn mældist ekki hærri.

Forðastu allt ofannefnt, sérstaklega opinber þjónustufyrirtæki, og þá get ég lofað að hitinn snarlækkar og það fljótt.

[Hrafnhildur Ýr Vilbertsdóttir, 17.12.2007 kl. 23:59]

Hehehe, þekki það vel að fara í svona ham, hef þá allt á hornum mér, líður sjálfri eins og ég sé að veikjast, hefurðu verið að smita fólk hérna á blogginu af einhverri skítaflensu,HA,

Annars er ég viss um að það flýtir fyrir bata að rífast við mann og annan

[Ragnheiður , 18.12.2007 kl. 00:09]

svo sofnar hún bara í miðjum slag ? Iss bara....