Í sönnum jólaanda

 

Maður á Selfossi vaknaði við að allir jólapakkarnir til ástvinanna voru horfnir úr húsinu og ekkert merki var um innbrot.  Síðar kom í ljós að einhver nákominn húsráðandanum hafði tekið pakkana til að kenna honum lexíu, en hann hafði ekki læst húsinu.

Fólk eins og þessi maður þarf enga óvini.  Þessir "nákomni" sér alveg um þá deild og vel það.

Dásamlegt að fá svona hugmyndir fyrir jólin, svona til að kæta fólkið sitt.  Sannur jólaandi.

Vó hvað þetta yrði gert aðeins einu sinni við hana mig.

Ég skildi Möggu hans Þórbergs sem skammaði hann fyrir að koma lifandi heim, þegar hann gleymdi að láta vita af sér og lenti á kjaftatörn og hún var búin að láta auglýsa eftir þessu stórkrútti, sem alltaf var á dottinu annars.  Konunni var orðið heitt í hamsi...En

..ekki að Þórbergur og Magga eigi endilega heima hér í þessu samhengi en samt kom mér þetta í hug þegar ég las viðtengda frétt af vesalings manninum þarna í Þvagleggnum.  Hvernig sem nú stendur á því.

Borgararnir í Árborg láta verkin tala, engar innantómar hótanir - ónei! 

Falalalalala

Jólagjafir eru þó í húsi.

P.s. Ég gæti tekið Gretchinn (rándýra rarítetsgítar húsbands), falið hann fram að jólum, gert hann miður sín, látið hann tilkynna hvarf til löggu og gefið honum hann svo á aðfangadagskvöld.  Tammtarara!  Hann á nefnilega til að leggja hann full kæruleysislega frá sér, þessi elska.  Hann myndi þá passa hann betur, eða hvað?

Ég yrði elskuð, elskuð ofar öllu.

Farin í málið.

 

Jólapakkarnir hurfu

Athugasemdir

[Sunna Dóra Möller, 17.12.2007 kl. 16:03]

Oj...hvað ég yrði reið ef þetta yrði gert við mig ...mér finnst þetta eiginlega bara ljótt!!

[Linda Linnet Hilmarsdóttir, 17.12.2007 kl. 16:25]

Takk takk kærlega fyrir migkv.linda

[Steingerður Steinarsdóttir, 17.12.2007 kl. 16:32]

Dásamlegur pistill.

[Ásdís Sigurðardóttir, 17.12.2007 kl. 16:36]

Virkilega andstyggilega gert, þekki örugglega ekki þessa manneskju. Betra að fá tiltal heldur en svona trakteringu.  maður á samt að sofa með læst að sér "you never know"

[Bjarndís Helena Mitchell, 17.12.2007 kl. 16:50]

[Margrét Össurardóttir (IP-tala skráð) 17.12.2007 kl. 16:56]

[halkatla, 17.12.2007 kl. 17:29]

það er einmitt svo gott þegar fólk þorir að hafa húsin sín opin, rosalega var þetta ljótur hrekkur og bara nasty að leyfa fólki ekki að halda í sakleysið, ég tek undir að þessi nákomni er ekki uppá marga fiska...

[Steinn Hafliðason, 17.12.2007 kl. 17:50]

Þessi nákomni gæti bara verið upp á mjög marga fiska. Það er ekkert grín að vera með opið hús. Það býður bara hættunni heim að fá til sín fólk í annarlegum tilgangi. Það gæti dregið meiri dilk á eftir sér en þessi hrekkur. Kannski hafði þessi nákomni bara mjög miklar áhyggjur af foreldrum sínum, systkinum eða hvernig sem hann var tengdur húsráðanda.

Ðersónulega finnst mér aðferðin þó kannski aðeins of róttæk

[Hrönn Sigurðardóttir, 17.12.2007 kl. 18:20]

Tek að mér að kenna fólki lexíur.....

[Fríða Eyland, 17.12.2007 kl. 18:38]

Dæmalaust góð hugmynd hjá þér að láta gítarinn hverfa og gefa húsbandinu þínu hann í jólagjöf, kýldu á það,

[Ásthildur Cesil Þórðardóttir, 17.12.2007 kl. 19:00]

Alltaf er til svona fólk sem er endalaust að kenna öðrum hvernig á að haga sér.  Maður líttur þér nær segi ég nú bara. 

[Benna, 17.12.2007 kl. 20:10]

Rosalega á ég erfitt með að skilja það að ykkur finnist maðurinn eitthvað ruglaður og ömurlegur að gera vini sínum þetta, ég meina það er árið 2007 og vissulega fullt af þjófum á ferð sem einmitt leita sér af opnum húsum, ég veit þ.að með vissu að fíklar gera sér sérstaka ferð einmitt til hveragerðis og selfoss til að ræna út af því að fólkið þar er svo saklaust að fíklanna mati?

Finnst þetta flott hjá þessum vini eða ættingji að ýta við viðkomandi og sýna honum hvað getur í raun og veru gerst og hefur gerst hjá mörgum öðrum.

[Þórbergur Torfason, 17.12.2007 kl. 20:41]

Þörf áminning og alveg hárrétt ábending hjá Benna hér á undan.

Ætli sé ekki hægt að hrekkjatryggja sig??

Jenný, farðu varlega með leikfangið!

[Jenný Anna Baldursdóttir, 17.12.2007 kl. 21:05]

Þórbergur og Benna: Ég er alfarið á móti því að hræða eða sjokkera fólk til hlýðni, fyrir utan að það fer í gang keðjuverkun sem ekki er séð fyrir endann á

Annars hafa allir hérna eitthvað til síns máls.  Það er þó nokkuð.