Hvað sagði ég ekki?

 

Nú, nú, passandi tímasetning á þessari frétt.  Ha?

Kona er ekki fyrr búin að láta taka viðtal við sig um eldhúsalkahólisma og drykkju bak við byrgða glugga, er þetta birtist.

Í fréttinni kemur ma fram:

"Ein af hverjum tíu sænskum konum á sextugsaldri drekka meira en hollt þykir. Sjö þúsund sænskar konur á sextugsaldri tóku þátt í könnun um heilbrigðismál með sérstakri áherslu á áfengisneyslu og geðheilsu þeirra. 

Tíunda hver kona sem tók þátt í könnuninni fer yfir hættumörk í áfengisdrykkju og jafnvel svokölluð fyllerísdrykkja er almenn meðal þessa aldurshóps kvenna."

Það er greinilega ekki bara á Íslandi sem fjöldi kvenna á miðjum aldri er að auka drykkju.

Mikið skelfing myndi ég vilja vita hvað veldur þessari aukningu?

Einhver?

Allt í einu rann upp fyrir mér það dimma ljós að ég muni sjálf vera á sextugsaldri, og búin að vera í nokkur ár

Er annars edrú, glöð og í góðum málum.

Vona að það sé að ganga elskurnar mínar 

Falalalalala

Konur drekka hættulega mikið

Athugasemdir

[Ásdís Sigurðardóttir, 18.12.2007 kl. 00:38]

Sá þetta og hugsaði sama og þú.  Hver er ástæðan fyrir því að konur á okkar aldri eru að drekka og dópa svona mikið?? óánægðar og ófulnægðar og engum þykir nógu vænt um þær, sjálfsálitið farið til fjandans og þá opnarðu eina rauðvín.   

[Birna Rebekka Björnsdóttir, 18.12.2007 kl. 00:45]

Já þetta þykir mér áhugavert rannsóknarefni, þ.e. hver ástæðan sé fyrir þessari drykkju. Einhvernvegin efast ég samt um að hægt væri að komast að niðurstöðu, hmm ég veit ekki.

[valdi sturlaugz (IP-tala skráð) 18.12.2007 kl. 01:24]

Mér finnst þetta hálfvitaleg færsla hjá þér. Það er ekkert betra en rauðvín og mikið af því, sérstaklega þegar maður bloggar. Rauðvínið hefur hjálpað mér mikið við að komast í gegnum mitt ömurlega líf enda þótt ég sé uppþornaður geðilskupúki búin að fara á vog með henni Kristrúnu.

[Jenný Anna Baldursdóttir, 18.12.2007 kl. 01:42]

Valdi minn: Who the fu.. is Krstrún?

Páll:  Það hlýtur að vera einhver mælistandard á hvað telst mikil eða lítil drykkja.

Beta: Segðu og ég er ein af þeimKona brotnar yfir minna.

Takk öll.

[Lára Hanna Einarsdóttir, 18.12.2007 kl. 02:05]

Mér finnst þetta góð færsla og þetta er miklu verðugra rannsóknarefni en margt sem rannsakað er - og hananú!

[Jón Steinar Ragnarsson, 18.12.2007 kl. 05:07]

Ég held að heimadrekkandi húsmæðrum fjölgi og eldri Gardínudrykkjan er þó skelfilegt mál og mikil þögn og skömm, sem umlykur hana.   Lyfjamisnotkun er hinsvegar það sem fólk heyrir minnst um en hefur sennilega alvarlegustu afleiðingarnar í þessum hópi.

Gott að þú ert hólpinn.  Ég býð ekki í hvernig þú værir hér með eina rauðvínsbelju í tánni.

[Sunna Dóra Möller, 18.12.2007 kl. 08:19]

Góðan daginn og vonandi er heilsan betri !

Annars er ég sammála því sem að kemur fram að ofan, að það væri fortvitnilegt að vita af hverju drykkja kvenna í þessum aldurshópi er að aukast. Hver er orsakavaldurinn??

[Hrafnkell Traustason (IP-tala skráð) 18.12.2007 kl. 08:31]

Þessi heimadrykkja kvenna er örugglega karlmönnum að kenna, er það ekki?  Ég er viss um að femínistar halda þessu fram.

[Jenný Anna Baldursdóttir, 18.12.2007 kl. 09:01]

Hrafnkell: Þú ert alveg hrikalega mikið krútt og með skemmtilegan húmor

SD: Ég vildi að ég gæti svarað því, en að einhverju leyti er það sem hún Beta er að kasta fram, ekki svo fjarri sannleikanum.  En hvað veit ég, meira en um sjálfa mig sko.  Góðan daginn, annars og takk er aðeins að skána.

Hallgerður: Góðan daginn sjálf

Jón Steinar: Þú meinar að það væri ekki á það bætandi?

Lára Hanna: Sammála.

[Gulli (IP-tala skráð) 18.12.2007 kl. 13:00]

Þetta hlýtur að vera miklu aðgengi að áfengi að kenna, það er jú hægt að kaupa léttvín og bjór í öllum matvöruverslunum í Svíþjóð!

eða nei... það er víst ekki hægt, hverjum er þá um að kenna?

[Alvin (IP-tala skráð) 19.12.2007 kl. 11:40]

Ég sé að hér er færsla í nafni míns mæta vinar Valda Sturlaugz. Ekki að ég sé stílfræðingur en ég sé strax að Valdi hefur ekki skrifað þetta. Hann er ekki með fordóma gagnvart alkahólistum og hefur fágaðari stíl. Valdi sem ekki er OrsakaValdi færslunnar er með netfangið [e-mail] og færslur úr öðrum netföngum ekki á hans ábyrgð.