Steiktir heilar..

Ég veit ekkert hvort það er hægt að banna náttúruafurðir eins og sveppi sem valda eldamennsku í heilanum.  Ég veit ekki einu sinni hvort það er gerlegt að gera það að glæpsamlegu athæfi að týna sér jurtir til neyslu.  Ég er a.m.k. ekki að missa svefn yfir því. 

En myndbandið sem fylgir þessari frétt er alveg stórgott sem fyrirbyggjandi aðgerð.  Ef fólkið í mótmælahópnum er skoðað, sést að það er nú svona frekar veðrað og sjúskað af neyslu.  Svo segir það líka heilmikið um dómgreindarleysi fíkla, að taka börnin sín með sér í mótmælin, skreyta þau með teiknuðum sveppum og sjá nákvæmlega ekkert athugavert við það.

Ég sting því upp á að þeir í Amsterdam sýni bara myndbandið og ég er viss um að það á eftir að skila góðum árangri.

Hver vill ganga um og láta það standa utan á sér að heilinn sé gjörsamlega steiktur og kominn að fótum fram?

Efast um að það sé mikill áhugi á að taka sér það til eftirbreytni.

Algjör snilld.

Ójá.

Mótmæltu fyrirhuguðu banni á sölu ofskynjunarsveppa

Athugasemdir

[Birna Dis Vilbertsdóttir (IP-tala skráð) 28.10.2007 kl. 13:25]

Þetta er svipað og ég hugsaði þegar ég sá fréttina. Endilega sýna myndbandið,það er góð forvörn. Annars er þetta bara ein hlið á þessum hryllilega sjúkdóm sem ALKAHOLISMI er.

[Anna Ólafsdóttir (anno) (IP-tala skráð) 28.10.2007 kl. 13:46]

Ég bloggaði um það sama og er sammála þér. Mér fannst myndbandið mjög lýsandi fyrir málstaðinn, að sjá börnin þarna í fanginu á foreldrunum skreytt með sveppum fékk mig til að nota orðið klikkhausar í færslunni minni. Það mæltist ekki alls staðar vel fyrir. Sínum augum lítur hver .....

Knús til þín

[Sunna Dóra Möller, 28.10.2007 kl. 15:15]

Veistu að mér varð einmitt líka starsýnt á börnin......ég er eiginlega sammála henni Önnu að nota orðið klikkhausar! Það er bara eins og fólk stundum hætti að hugsa..........æi ég tek bara börnin með til að mótmæla banni á ofskynjunarsveppum, það er attílæ !

Stundum verð ég orðlaus...þetta er ein af þeim stundum !

[Jenný Anna Baldursdóttir, 28.10.2007 kl. 15:19]

Stelpur, sammála og forvarnargildi myndbandsins er nokkuð öflugt. Hehe

[Jens Guð, 28.10.2007 kl. 21:26]

  Dópistar eiga börn eins og annað fólk.  Er ekki betra að taka börnin með í gönguna heldur en skilja þau eftir í reiðuleysi heima'