Viðkvæmir Íslendingar?

Ég gat ekki annað en hlegið þegar ég las þessa "frétt" í Mogganum.  Hún er um mikla umræðu á blogginu vegna ummæla hans þarna "hvaðhannnúheitir" (Pablo Francisco) í Blaðinu á þriðjudag.

"Miklar umræður fóru af stað á bloggsvæði mbl.is á þriðjudag vegna ummæla Francisco. Flestir voru ósáttir við ummælin og könnuðust fæstir við að drekka áður en þeir mættu í vinnu."

Ég bloggaði um þetta í fíflagangi, af því mér fannst þetta fyndið og mér gæti ekki staðið meira á sama hvað einhverjum dúdda úti í heimi finnst um drykkjuvenjur Íslendinga.  Ekki það, að þær (venjurnar) séu eitthvað til að hrópa húrra fyrir, þegar þær taka á sig sína verstu mynd.

Auðvitað klæðir fólk mis vel að drekka.  Ég hætti vegna þess að það fór mér illa.  Það eru ábyggilega nokkuð margir sem mættu gera slíkt hið sama, skella sér í meðferð og vera til friðs.  Megin þorri fólks getur hins vegar drukkið sér til ánægju og án þess að leggja allt í rúst í kringum sig, í öllum skilningi þess orð.  Það fólk sést og heyrist sjaldnast, enda ekki með hryðjuverkastarfsemi niðri í bæ.

Annars er það alveg stórmerkilegt hvað við Íslendingar erum enn viðkvæmir fyrir áliti útlendinga á okkur.  Það er merki um lélega sjálfsmynd þegar maður leitar stöðugt álits á sjáflum sér hjá öðru fólki.

Hættum því.

Komasho.

Mikil umræða á blogginu eftir ummæli Francisco um drykkjuþol Íslendinga

Athugasemdir

[Arnar (IP-tala skráð) 27.9.2007 kl. 08:17]

Já fólk er eitthvað hörundsárt í dag þegar það er farið að láta svona ummæli grínista fara svona rosalega í sig..

[Jóna Á. Gísladóttir, 27.9.2007 kl. 08:19]

Já skrýtið hvað fólk er upptekið af áliti annarra. Hvað finnst þér annars um mig?

[Jenný Anna Baldursdóttir, 27.9.2007 kl. 08:39]

Jónsí mín; mér finnst þú sæt og góð og ..... lalalalala

[Þröstur Unnar, 27.9.2007 kl. 09:00]

En mig.  hic-hic skál.

[Ásthildur Cesil Þórðardóttir, 27.9.2007 kl. 09:08]

Já ég segi sama, mér gæti ekki staðið meira á sama um hvað einhverjum dúdda finnst um okkar drykkjusiði. Nema auðvitað ef það færi nágranni minn Dúddi á bílaverkstæðinu. 

[Sigurbjörg Sigurðardóttir, 27.9.2007 kl. 09:28]

Alveg sammála ,dæmum ekki heila þjóð fyrir nokkrar fillibittur sem gaurin mætti. En hver er þessi herramaður???

[Huld S. Ringsted, 27.9.2007 kl. 09:41]

Er fólk ekki bara viðkvæmt fyrir svona ummælum opinberlega, vegna þess að þetta var sannleikur. Truth hurts 

[Birna Dis Vilbertsdóttir (IP-tala skráð) 27.9.2007 kl. 09:44]

hehehehehe. Hvaða minnimáttarkennd er þetta? Erum við ekki mest og best í flestu? Fallegustu konurnar, sterkustu mennina. ríkasta fólkið, dómar fyrir kynferðisbrot og nauðganir með því lægsta sem sést í heiminum, hreinasta land og vatn í heimi,fallegasta land í heimi. Drekkum mest, bestu meðferðir í heimi.Og sv.frv. 

[Þuríður Björg Þorgrímsdóttir, 27.9.2007 kl. 10:38]

„Þið bara drekkið og drekkið og drekkið og farið svo beint í vinnuna." Hverjum er ekki sama þó einhver segi svona bull? Hann hlýtur að hafa verið fullur sjálfur!

[Heiða Þórðar, 27.9.2007 kl. 11:29]

Tek undir með Þuríði...

[Doddi - Þorsteinn G. Jónsson (IP-tala skráð) 27.9.2007 kl. 11:57]

Tek undir með Heiðu sem tekur undir með Þuríði...!

[Hildigunnur Rúnarsdóttir, 27.9.2007 kl. 12:02]

tek undir með Dodda sem tekur undir með Heiðu sem tekur undir með Þuríði ;)

[Guðríður Hrefna Haraldsdóttir, 27.9.2007 kl. 13:12]

Tek undir með ykkur öllum, hehehehhehe! HÆttum svo að spyrja útlendinga: Há dú jú læk æsland? Eins og okkur ætti ekki að vera sama ... þetta er langflottasta landið. Sætustu strákarnir og svona ...

[halkatla, 27.9.2007 kl. 14:29]

við erum flottasta þjóð í heimi þó að við séum ekki fullkomin og okkur á algjörlega að standa á sama um það hvað öðrum finnst. Við erum skemmtilegasta drykkjufólkið og það úthaldsbesta - ég tek undir með Gurrí, hér eru langflottustu strákarnir.