SVO STANDANDI HLESSA OG BLÁEYGÐIR

Öryggismiðstöðin hefur sent frá sér tilkynningu þar sem þeir lýsa furðu sinni á niðurstöðu Siðanefndar SÍA, að þátttaka Lalla Johns í auglýsingum fyrirtækisins brjóti gegn almennu velsæmi og sé til þess fallin að höfða til ástæðulauss ótta almennings.

Merkilegt hvað sumir geta verið blindir á það sem flest allir aðrir voru löngu búnir að sjá.  Þ.e. hversu óviðeigandi þessi auglýsing var.  Bæði hvað varðar það að hræða fólk til viðskipta og að nota Lalla Johns sér til framdráttar.  Illa gert og alveg svakalega ósmekklegt.

En þeir eru svo bláeygðir, svo hissa og botna ekki neitt í neinu, þarna hjá Öryggismiðstöðinni.

Vont að vera fyrirtæki sem er algjörlega úr takti við almenningsviðhorfið.

Bítsmí!

Ú- hvað??

 

Furðar sig á úrskurði siðanefndar um auglýsingar

Athugasemdir

[Bjarndís Helena Mitchell, 28.8.2007 kl. 15:52]

já merkilegt bara, þú segir nokkuð. Knús butdóntbætmíbakk

[Ásdís Sigurðardóttir, 28.8.2007 kl. 16:11]

Þetta voru ljótar auglýsingar og skrítið að þeir vilji ekki sjá það.

[Birna Dis Vilbertsdóttir (IP-tala skráð) 28.8.2007 kl. 16:19]

Ekki bláeygir heldur blindir og algjörlega sofandi. Þessar auglýsingar vöru ósmekklegar í alla staði. Og fyrirtækinu til mikillar skammar.

[Sunna Dóra Möller, 28.8.2007 kl. 17:14]

Algjörlega ósmekklegt og svo ekki viðeigandi. Ég varð alltaf miður mín þegar þessar auglýsingar voru í sjónvarpinu !

[Jens Guð, 28.8.2007 kl. 17:36]

  Einhvernveginn finnst manni að fyrirtæki með þessu nafni ætti að vera með háan siðferðisstuðul.  Jafnvel hærri en meðalmaður.  En því er greinilega þveröfugt farið,  samanber þetta mál. 

[Anna Ólafsdóttir (anno) (IP-tala skráð) 28.8.2007 kl. 18:08]

They don´t give a sh...  Þeir eru búnir að fá alla auglýsinguna sem þeir þurftu.  Þetta er sama dæmið og með allar bjórauglýsingarnar, þær fara allar yfir það sem leyfilegt er en það er búið a keyra þær nóg þegar athugasemdirnar koma

[Hildigunnur Rúnarsdóttir, 28.8.2007 kl. 22:21]

Öryggismistökin...

[Jenný Anna Baldursdóttir, 28.8.2007 kl. 22:42]

Ég næ ekki upp í nefið á mér yfir siðleysinu í þessu máli.  Einkum og sér í lagi að nota LJ í þetta verk.  Öryggismistakanna (hehe Hildigunnur) verður minnst fyrir þetta.  Ég vona að þeir séu sáttir við það.