HILARY HVAÐA?

Hillary á heljarþröm er yfirskrift viðtengdar fréttar með þessari færslu.  Ég er aðdáandi Hillary Clinton og brá nokkuð þegar ég las þessa mögnuðu setningu.  Hvað hafði komið fyrir?  Var karlinn búinn að hoppa upp á framhjáhaldsvagninn einn ganginn enn?  Var hún að dala í skoðanakönnunum?  Var hún komin á barm taugaáfalls af álaginu.

Ég las fréttina og vissi ekki hvort ég ætti að hlægja eða gráta.  Þarna var bara verið að fjalla um unglingsstúlku sem heitir Hillary og ég vissi ekki einu sinni að væri til, hvað þá heldur að hún væri fræg.  Ég hlýt að hafa misst af miklu því það stendur að hún sé "gríðarlega fræg stórstjarna".  Ég er greinilega ekki eins mikið með á nótunum og ég hélt.

Bítsmí!

Hilary á heljarþröm

Athugasemdir

[Jóna Á. Gísladóttir, 4.7.2007 kl. 12:09]

Láttu ekki svona kona. Við erum að tala um Hilary Duff

[Edda Agnarsdóttir, 4.7.2007 kl. 12:46]

Gaman af þessari vitleysu, en ég hrökk líka við þegar ég sá þessa fyrirsögn.

Búin að skanna bloggið þitt í dag. Þetta var ekki gott með hann Óliver litla, alltaf svo erfitt að geta ekki skroppið eins og skot þegar eitthvað er að eða bjátar á. En svona er að eiga barnabörn í í útlöndum.

Gaman að sjá nýja mynd af þér

[Edda Agnarsdóttir, 4.7.2007 kl. 12:48]

Þú líkist samt Hillary ekki vitund, hehehe

[Anna Ólafsdóttir (anno) (IP-tala skráð) 4.7.2007 kl. 13:40]

Þú ert sú fyrsta sem ég les bloggfæslu hjá, um sama mál, sem *hvíslar* deilir því með mér að vita nákvæmlega EKKERT hvaða kona þetta er! . Í gvöööðs lifandi bænum ekki segja doddaheimi frá þessu, hann skrifaði téðri Hilary hjartnæmt bréf í morgun. Það er eitthvað í gangi þar, held við verðum að skoða það eitthvað betur. * hvísl endar*

En ertu byrjuð að æfa þig fyrir kínverskutímann mín kæra???

[Jóna Á. Gísladóttir, 4.7.2007 kl. 15:41]

Ég mæli með téðum kínverskutímum. Þjóhnappar Dodda eru gulrótin

[Jenný Anna Baldursdóttir, 4.7.2007 kl. 16:00]

Ég vil læra kínversku, vantar það alveg svakalega.  Anna kanntu kínversku? OMG

[Jenný Anna Baldursdóttir, 4.7.2007 kl. 16:01]

Er ónæm fyrir öllum rössum nema húsbandsins. Híhí

[Guðrún Sæmundsdóttir, 4.7.2007 kl. 22:13]

það er örugglega einhver DV blaðamaður kominn á mbl. datt einmitt í sömu gryfjuna vissi bara ekki annað en að Hillary Clinton væri í góðum málum. En þessi blaðamaður er örugglega sá sami og gerði fyrirsögnina „Með verstu blæðingum sem ég hef upplifað“ ég var ekki lengi á mér að tékka á þeirri "frétt"