FYRST BREIÐAVÍK - NÚ KUMBARAVOGUR!

Enn eitt "barnaheimilismálið" er komið upp á yfirborðið.  Að þessu sinni er það Kumbaravogur þar sem starfsemi hófst upp úr miðri síðustu öld.  Í Kastljósinu í kvöld var fjallað um eitt einstakt mál þar sem gróf misnotkun á átti sér stað á drengjum og hefur einn þeirra kært og gerandinn hefur játað.  Málið er fyrnt.  Þessu verður að breyta.  Þessi alvarlegu brot gegn börnum eiga ekki að fyrnast.  Þarna liggur fyrir játning gerandans og nú er ekki hægt að sækja hann til saka, nema að þessi maður geti höfðað skaðabótamál á hendur honum.  Lýsingar mannsins sem fyrir ofbeldinu varð voru hreint skelfilegar.  Mér finnst að lágmarki að ríkið eigi að borga þolendum barnaheimilanna skaðabætur og biðja þá afsökunar.  Þarna hafa allir brugðist.  Einhvern veginn held ég að við séum bara að sjá topp ísjakans.  Því miður.  Þetta er ljótur raunveruleikur.

Athugasemdir

[Jóna Á. Gísladóttir, 26.5.2007 kl. 01:46]

Guð minn almáttur. Það tekur á, bara að heyra um þetta.

Ég er sammála því sem Sveinn Elías er að segja hér. Okkur líður eins og allt fari versnandi og mannvonskan aukist en staðreyndin er nú líklega sú að ástandið hefur verið margfalt verra í gamla daga. Umræðan kemur alltaf í veg fyrir einhver atvik og getur stoppað það sem þegar er í gangi. En hvert og eitt tilvik að ofbeldi og kynferðislegri misnotkun á börnum og öllu fólki er skelfilegt og ekki hægt að ímynda sér líðan þeirra sem fyrir því verða.