HVERNIG ÞEKKJA MÁ RÖR..

 

Ef líf þitt lægi við einn daginn þá fylgir hér listi yfir skilgreiningu á rörum sem ég fékk í dag frá gamalli vinkonu.  Mig er búið að vanta þessa skilgreiningu lengi, lengi.

Skilgreining á röri:

Rör er framleitt úr löngu gati sem umlukið er stáli eða plasti, samhverfu um miðju gatsins.

Allt rörið verður að innihalda gat i fullri lengd. Gatið þarf að vera jafn langt rörinu.

Innra þvermál rörsins verður að vera minna en ytra þvermálið. Að öðrum kosti lendir gatið utan við rörið.

Rörið má eingöngu innihalda gat þannig að vatn eða annað efni geti runnið hindrunarlaust um það.

Löng rör skulu merkt "löng rör" á hvorum enda þannig að eftirlitsmaður sjái hvort um er að ræða langt eða stutt rör.

Mjög löng rör skulu merkt "mjög löng rör", líka á miðjunni þannig að eftirlitsmaðurinn þurfi ekki að fara að enda til að sjá hvort rörið er stutt, langt eða mjög langt ef hann kemur að miðju rörinu.

Þegar 30°, 45° eða 90° beygjur eru pantaðar verður að taka fram hvort um sé að ræða vinstri eða hægri beygju. Annars er hætta á að lögnin liggi ekki í rétta átt.

Merkja verður straumstefnu á lóðrétt rör. Annars er hætta á að vökvinn renni í öfuga átt.

Skrúfaðar fittings skal annað hvort vera með hægri eða vinstri gengjum. Aldrei blandað. Þá skrúfast ein gengjan í á meðan önnur skrúfast úr. 

Tvö hálfrör eru jafngild einu heilu.

Þá er það á hreinu.

Athugasemdir

[Eva Þorsteinsdóttir, 25.5.2007 kl. 21:20]

Já, þetta eru algjör eldflaugavísindi..........;)

[Ásdís Sigurðardóttir, 25.5.2007 kl. 22:47]

Þú ert nú bæði uppáhalds rörið mitt og skrúfan mín. 

[Anna Ólafsdóttir (anno) (IP-tala skráð) 25.5.2007 kl. 23:16]

Þett´er nú doldið götótt blogg hjá þér - eða - ég er orðin svona - tóm - m-m-m ????

[Jenný Anna Baldursdóttir, 25.5.2007 kl. 23:28]

Lofjúgjörlís.  Ég held að ég þjáist af of mikilli rörsýn

[Hrönn Sigurðardóttir, 26.5.2007 kl. 00:59]

æh hvað þetta var nú fróðlegt og nytsamt, sérstaklega þetta: Allt rörið verður að innihalda gat i fullri lengd. Gatið þarf að vera jafn langt rörinu.

Jemundur minnn hvað ég hló

[Jóna Á. Gísladóttir, 26.5.2007 kl. 01:38]

En hvað ef gatið er aftan við miðju og samhverfan nær framfyrir aftari helming?

[Jenný Anna Baldursdóttir, 26.5.2007 kl. 02:04]

Þá færir þú samhverfuna Jóna mín sem því nemur.

Hrönn þú ert með húmor sem mér líkar.  Ég fór í kast þegar ég las þetta.

[Katrín Snæhólm Baldursdóttir, 26.5.2007 kl. 08:39]

Nú kann ég alt hið karllega um rör...mín hlið snýr hins vegar að lakkrísrörum. Þau má þekkja á því að þau standa upp úr egils appelsíí í gleri..ískalt!!! Og gatið er jafnlangt rörinu nema þegar buið er að bíta í það..þá vandast málið og gatið..stundum hverfur þegar lakkrísrörið er orðið mjúkt og klístrað eftir appelsínið

[Guðríður Haraldsdóttir, 26.5.2007 kl. 16:47]

Iss, þetta er tekið beint upp úr kennslubók um pípulagningar, 1. hefti. Mjög áhugavert samt og fræðandi.