JÁ, JÁ ÞIÐ HARMIÐ OG HARMIÐ!

Ný ríkisstjórn HARMAR stríðsreksturinn í Írak.  Það er varla nýtt er það?  Ég persónulega er búin að harma það frá fyrsta degi.  Ennfremur hef ég skammast mín niður í hrúgu fyrir að íslendingar væru á smánarlista hinna vígfúsu þjóða.  Þetta hélt ég að ég ætti sameiginlegt með Samfylkingunni.

"Ingibjörg Sólrún Gísladóttir, formaður Samfylkingarinnar, sagði á blaðamannafundi þar sem stjórnarsáttmálinn var kynntur, að það væri skýr yfirlýsing ríkisstjórnarinnar að hún harmaði þennan stríðsrekstur. Væntanlega yrði plaggið þýtt yfir á önnur tungumál þannig að það færi ekki á milli mála hver afstaða íslenskra stjórnvalda væri."

Skýr yfirlýsing ríkisstjórnar um að hún harmi þennan stríðsrekstur.  Plaggið verður þýtt yfir á önnur tungumál þannig að það verði ekki lengur leyndarmál hvað okkur finnst stríðið vera mikill bömmer.

EN VIÐ ERUM ENNÞÁ Á LISTA HINNA VÍGFÚSU!  Ekki góð byrjun, alls ekki góð byrjun.

Ný ríkisstjórn harmar stríðsreksturinn í Írak

Athugasemdir

[Laufey Ólafsdóttir, 23.5.2007 kl. 16:15]

Ég harma ýmislegt í sambandi við þessa ríkisstjórn. Var að kynna mér ráðherraskipanina betur . Þetta verður skrautlegt. Ég spái því að þetta samstarf SPRINGI. Vona að amma okkar verði ekki seld samt... en hef það á tilfinningunni . Þar fór draumurinn um fría læknisþjónustu t.d.

[Jenný Anna Baldursdóttir, 23.5.2007 kl. 16:18]

Hehe á ömmuna. Já við getum strikað út drauminn um fría læknisþjónustu amk. þar til VG kemur og reddar þessu Laufey mín.