HVER ER PERSÓNAN HRÓLFUR??

Brjálaði bloggarinn hann Hrólfur Guðmundsson sem sennilega er ekki til í alvörunni ætlar að gefa út einhverja yfirlýsingu í kvöld.  Okkur grunar að hann ætli að skýra frá því hver hann er.  Hrólfur er merkilega samsettur karakter.  Hann er flottur á pennanum, fyndinn, skemmtilegur, asnalegur, ruddalegur, alki, vondur við mömmu sína, klámfenginn og allt það sem fólk getur verið þegar það er ekki í alvöru.  Ef hann er í alvöru hins vegar, þá ráðlegg ég honum að fara í meðferð (heyrirðu það skömmin þín hehe).  Fyrirbærið segist eiga heima í Fljótaselinu og búa hjá mömmu sinni sem er kennari.  Ef einhver veit deili á Hrólfi, þe hver hann er í raun og veru, vinsamlegast komið skilaboðum til mín hérna á bloggið. Ég ætla að nefnilega að flytja ef svo undarlega vill til að hann sé í persóna af holdi og blóði (segi sonna).

Hrólfur bloggar á www.hrolfur.blog.is

Athugasemdir

[Ásdís Sigurðardóttir, 23.5.2007 kl. 17:48]

úff  ekki vera hrædd við hann ég skal passa þig, alveg 1.85 á hæð.

[Guðríður Haraldsdóttir, 23.5.2007 kl. 17:48]

Ég er búin að hlæja mikið af skrifunum hans (alla vega flestöllu) og er grútspæld ef hann ætlar að opinbera sig.

[halkatla, 23.5.2007 kl. 17:50]

konurnar elska hann Hrólf, það er ekki spurning

[Hrólfur Guðmundsson, 23.5.2007 kl. 18:24]

Merkilegt að þið elskið mig núna?  Ekki gerið þið það þegar ég er að spjalla við ykkur á barnum?  Þá fær ég yfir mig bjór...

[Birna Dis Vilbertsdóttir (IP-tala skráð) 23.5.2007 kl. 19:42]

Hrólfur er skemmtilegur og hressandi og bilaður. .Ég er forvitin að vita hver hann er en samt ekki viss um að ég vilji vita það.

[Jenný Anna Baldursdóttir, 23.5.2007 kl. 19:51]

Hann er kona.

[Kristín Katla Árnadóttir, 23.5.2007 kl. 20:02]

Hann Hrólfur er krútt.

[Svava frá Strandbergi , 23.5.2007 kl. 20:15]

Hrólfur er mamma sín.