OG ÉG NEITA AÐ BORGA..

..fyrir þennan loddaraleik sem ákæruvaldið er búið að vera í, margendurtekið, varðandi Baugsmálið.  Ég tími þessu ekki.  Hvað kostar þessi málarekstur allur frá upphafi?  Gefa svör núna!

Jón Ásgeir var dæmdur í 3. mánaða skilorðsbundið fangelsi og Tryggvi í 9 mánaða fanelsi, báðir dómarnir skilorðsbundnir.  Jón Gerald sleppur.  Skyldi ríkissaksóknari geta komið enn einu sinni með ákærulista og haldið áfram?  Væri ekki hægt að nota orkuna hjá því fróma embætti í nauðgunar- og sifjaspellsmálin? Ég bara spyr og spyr enda ekki nema von.  Ég amk,  stend með Bónusmönnum og finnst allur málatilbúnaðurinn frekar leim.  Ég færi í mál ef ég væri þeir eða nei annars "strike this one"´.  Nóg komið.

Jón Ásgeir og Tryggvi dæmdir í skilorðsbundið fangelsi

Athugasemdir

[Grímur Kjartansson, 3.5.2007 kl. 13:06]

Ég skil ekki hvernig fólki finnst í lagi að forstjóri í hlutafélagi á almennum markaði fái „lánaðar“ 60 M  eða finnst fólki ef til vill í lagi að gjaldkeri húsfélagsins fái lánað úr hússjóðnum?  

[Árni Gunnarsson, 3.5.2007 kl. 13:26]

Það er nefnilega þessi viðskiptalega réttlætiskennd sem brennur svo mikið fyrir brjóstinu á "okkur" sjálfstæðismönnum. Hún byrjaði fyrir alvöru þegar Davíð keypti vínberin forðum og sá allt okrið hjá Bónusverslununum.

[Jenný Anna Baldursdóttir, 3.5.2007 kl. 13:44]

Ég er ekki að segja skoðun mína á efnisatriðum málsins einfaldlega málatilbúningurinn allur sem ég er ekki sátt við.

[halkatla, 3.5.2007 kl. 15:02]

sko, ég er búin að afmá þetta mál úr huga mínum en mér finnst samt að við ættum öll að fá bætur frá ríkinu fyrir að hafa þurft að þola þetta rugl til að byrja með!!!

[Brattur (IP-tala skráð) 3.5.2007 kl. 21:15]

Þú myndir ekki standa með Bónusmönnum ef þú þekktir vinnubrögð þeirra. Þeir vinna í hótunar - og drottnunarstíl og kremja þá undir hælnum sem voga sér að standa uppi í hárinu á þeim. Koma svo og gefa peningagjafir af og til með geislabaug yfir spilltum höfðunum. Fólkið klappar og sér ekki að keisarinn er nakinn.

[Jenný Anna Baldursdóttir, 3.5.2007 kl. 22:49]

Nei ég þekki það ekki.  Og þú átt ekki Brattur að skrifa svona um fólk óskráður og nafnlaus.

[Brattur (IP-tala skráð) 4.5.2007 kl. 00:00]

Fyrirgefðu, var þetta ljótt hjá mér? Manni er bara brugðið þegar þeir ríku geta keypt sér réttlæti... nú hafa þeir Bónus menn alla í vasanum sem aldrei fyrr og verða ennþá meira ríki í ríkinu og með miklu meira vald yfir mér og þér heldur en okkur grunar. Stjórnmálaflokkar og pólítíkusar eru valdlausir í samanburði við þessa menn.Valdið hefur færst frá Alþingi til peningamannana... það vekur mér ugg.

[Jenný Anna Baldursdóttir, 4.5.2007 kl. 00:06]

Þar er ég sammála þér Brattur.  Það vekur mér ugg líka.  Það sem hræðir mig í sambandi við þessa lönguvitleysu varðandi Bónusmálið þá ætti ekki að vera hægt að keyra áfram og áfram eftir hverja frávísunina á fætur annari.  Það er það sem ég er óánægð með.