"BISSÍ MORNING"

Ég vaknaði fyrir allar aldir í morgun, eins og lög gera ráð fyrir.  Ég er að taka mig á í kvöld- og næturdrollinu, enda ekki gott fyrir óvirka alka að vera með óreglu á svefni, máltíðum og öðru svona yfirleitt.  Ég skellti inn þessari mynd (sem er ekki af mér, en ég veit að þið haldið að ég sé svo dugleg með myndavélinaenda myndi ég aldrei halda á vínglasi þótt ég hefði hendur fleiri en tvær) til að sýna fram á hversu fjölhæf ég er. 

Ég byrjaði á að blogga.  Allt í forgangsröð hér að sjálfsögðu.

Fór glataðan blogghring.  Allir sofandi eða eitthvað.

Borðaði sykursýkisvænan morgunmat sem innihélt eitt stykki úr grænmetisríkinu, eitt úr ávaxta og annað úr landbúnaði.

Sprautaði mig með insúlíni, þvílíkt kikk, ég flattist á vegg.

Hringdi og talaði við Söruna, Jenny mín er enn lasin og kemur í pössun á eftir.

Tók eldhúsið með stormi.

Reykti sígó á milli allra þessara atriða. Bíðið, það gera 1, 2, 3 hætti að telja, þetta var ekki ég.

Hlammaði mér hér niður til að blogga og reykja enn eina síuna.  Fer svo að ryksjúga.

Heimta að allir mínir bloggvinir hunskist til að blogga, ekki seinna en fyrir næstu sígópásu hjá mér sem verður eftir 7 og 1/2 mínútu nákvæmlega.

Hehe.. lofjútúpísis.

DRÍFA SIG Á PUTTANUM BARA

´

Ég hef aldrei áttað mig á munaást margra samlanda minna sem gengur út á mottóið "einn bíll á mann að minnsta kosti".´ Ég hef notað strætó töluvert hin síðari ár, fyrst af illri nauðsyn og svo vegna þess að mér fór að þykja það þægilegur og einfaldur ferðamöguleiki.  Ég eins og fleiri nenni ekki að taka strætó þegar það er orðið að miklu þrekvirki að komast frá a-b á svona nokkurn veginn ásættanlegum tíma.  Í hvert skipti sem strætó breytir einhverju hjá sér, sem er ansi oft,  þá er það ekki til að auka þjónustu eins og hjá flestum fyrirtækjum, heldur til að draga úr henni.  Furðulegt alveg hreint.  Það er svo mikið tap sí og svo segja þeir sem við stjórnvölinn sitja.  Halló, hvað með allt sem sparast við að hafa almenningssamgöngur þægilegar og ódýrar?  Svo ekki sé minnst á  umhverfisvænan hagnað af minni bílanotkun. Það er hægri bragur á nýjasta sparnaðartiltæki Strætó og það kemur að sjálfsögðu ekki á óvart.  Ég efast um að það sé lágmarks vitneskja um það hjá borginni að það er til fólk á Stór-Reykjavíkursvæðinu sem á ekki bíla og þarf að leggja traust sinn á strætisvagna.   Nú er daglegt líf starfsfólk hjúkrunarheimilisins á Vífilsstöðum og ættingja sjúklinga þar komið í talsvert uppnám eftir að ákveðið var að hætta við strætóferðir þangað.  Amk ein starfskona hefur boðað uppsögn sína þar sem það er ómögulegt fyrir hana að komast í vinnuna. 

"Til að gefa mynd af því ástandi sem blasir nú við ættingjum sjúklinga nefnir Ingibjörg Tómasdóttir, forstöðumaður Vífilsstaða, aðstæður nokkurra roskinna kvenna sem eiga eiginmenn á Vífilsstöðum. "Þær eru ekki á bíl og þurfa að komast með strætó. Þær hafa jafnvel valið mökum sínum pláss hér í trausti þess að strætósamgöngur yrðu fyrir hendi," bendir hún á. Segir hún þetta bagalegt því nú verði að keyra aðstandendurna í heimsóknir."

Sniðugt.  Brillljant sparnaður þarna á ferðinni.  Auðvitað á ekki að vera að púkka upp á gamalt fólk, aðstandendur þess  og það fólk sem vinnur á skítalaunum við að hugsa um það.

Ég er á því að almenningssamgöngur eigi ekki að vera mældar í krónur og aurum, ekki frekar en t.d. heilsugæsla og fleiri sjálfsögð mannréttindi.  Ókeypis í strætó hlýtur að vera markmiðið, fjölgun leiða og tíðari ferðir.  Þannig má "spara" helling af peningum.  Sjáið þið til.  Ég vil vinstri menn aftur í borgina, en það eru svo sem ekki miklar fréttir þegar ég á í hlut.

Geta ekki lengur heimsótt aldraða aðstandendur sína

AÐ ÞESSU SINNI VAR ENGUM KASTAÐ Á DYR

Ég var í minni vikulegu bloggvinatiltekt en engin ástæða var til að henda kjafti út.  Allir svo skemmtilegir hjá mér núna.  En ég er í sjokki.  42 konur eru á bloggvinalistanum mín en 7, segi og skrifa 7 karlmenn.  Er ég orðin karlahatari?  Hlutfallið var nokkurn veginn jafnt hjá mér í byrjun en eftir æðisleg útköst, reglulega, stendur ekki steinn yfir steini.  Eru konur skemmtilegri bloggarar en menn?  Er ég aðskilnaðarsinni, er feministiskt ofstæki að blinda mig, gjöra mig óábyrga gerða minna?  Nebb.  Þetta "varðaði" bara svona eins og frumburðurinn minn sagði hérna í denn.  Ég gat ekki stillt mig um að taka mynd af mínu þrifalega bloggvinkonugengi en ég sendi strákana mína 7 til ljósmyndara.

Svo sætir þessar elskur.

Gúddnætgæs!

ÞAÐ ER EKKI BLOGGANDI UM ÞETTA..

..en mér gæti ekki staðið meira á sama um þessa ofdekruðu forréttindadúkku í Ameríku.  Þetta leiðir hins vegar hugann að illum aðbúnaði venjulegra fanga í USA og þá mannlegu niðurlægingu sem þeir sífellt verða fyrir.  Það vekur ekki mikla athygli eða hvað?

Sýslumanninum í Los Angeles gert að útskýra hvers vegna Hilton var sleppt

FIRRTUR PENINGAHEIMUR

 

Þeir segja að staðsetning og útsýni skýri verðið.  Ég myndi vilja sjá hvers vegna.

Hver kaupir íbúð fyrir 230 milljónir?

Dýrasta íbúðin á 230 milljónir

ÉG ÞOLI SVO HJARTANLEGA..

..að horfa á miðnætursólina

..að lykta af blóðbergi

..að halda á börnum og finna lyktina af þeim

..að láta rigna á mig

..að fjúka

..að sofa

..að hlægja

..að lesa

.. að snúa upp á hárið á mér

..að mála á mér augnhárin

..að vera á sjó

og svo margt, margt fleira.

ÉG ÞOLI SVO HJARTANLEGA EKKI

..hentistefnu stjórnmálamenn

.. umræðustjórnmál

..nýrík snobbhænsni

..fólk með fórnarlambsblóðbununa aftan úr sér

..soðinn fisk

..sólregn

..tímann frá nýársdegi og fram í miðjan janúar

..magaspeglanir

..helgislepju og væmni

..lýsi "in any way, shape or form"

..rafmúsíkk

og nokkur atriði til viðbótar sem þola ekki birtingu.

ÉG SKIL SVO HJARTANLEGA EKKI

..Georg Bush

..Pétur Blöndal

..Ellý Ármanns

..Jón Val

..Biskupinn og aðra kirkjunnar þjóna sem praktisera mannréttindabrot á samkynhneigðum

..Jay Leno

..kvenhatara og karlrembusvín

..rasista

..nafnlaus skrif sem beinast gegn persónu fólk

Að öðru leyti er ég með allt á hreinu.

Vildi bara koma þessu að.

OG KÓKÓFÍLL ER ORÐINN AÐ KRÓKUFÍL

Hún Jenny Una Erriksdóttirr er í pössun hjá ömmu af því hún er veik.  Pabbinn þurfti að fara í upptöku fyrir sjónvarp og mamman er að vinna.  Ömmunni finnst ekki leiðinlegt að fá að hafa Jenny, þótt henni finnst voða leiðinlegt að barnið skuli vera lasið.

Í nótt fékk hún Jenny martröð, sennilega af hitaskömminni.  Hún sagði mér að "krrókufíllinn" (halló barn, hvað varð um krúttlega kókófílinn?) hefði bitið sig og ljót Gýla hefði elt sig.  Starfsfólk leikskólans hennar Jenny; ekki segja barni hryllingssögur.  Það fer illa í svefninn.

Nú vitið þið það.

EKKI GRÁTA HRINGA(NA)

Sumir eiga aldrei nóg af "hnullungum" til að punta sig með.  Tilvalið að fara í ljós fyrir helgina og ná sér í hringi og armbandsúr fyrir djammið.

Hvaða tragedía ætli liggi þarna að baki?

Dæmd fyrir hringastuld

HAFLIÐI Á TILBOÐI Í KÍNA

Dýr yrði Hafliði allur höfum við sagt hingað til.  En 18.000 krónur aumar þarf MacDonald´s í Kína að greiða stúlku sem var að borða hammara í rólegheitunum þegar rotta nokkur stökk upp læri hennar og beit.  Sem sagt bitið á mörgum vígstöðvum.   Vel sloppið hjá þessu fyrirtæki sem þénar milljarða og milljarða ofan á stórhættulegum fitubollumat.  Ætli upphæðin miðist við að þetta gerist í Kína?  Hvað myndi svona rottubit kosta í USA? Ég kasta upp og ekki bara af tilhugsuninni um rottuna.

McDonald's greiðir 18.000 krónur í bætur fyrir rottubit

ÉG SEGI EKKI ORÐ..

...en ef þið skiljið þetta þá eruð þið greindari en ég.

"Steingeit: Þú hittir nokkra af þeim sem gera sér upp samúð til að breiða yfir hversu miklir píslavottar þeir eru. Vertu léttur við þetta fólk og haltu leið þinni áfram."

Muhahahahaha