Hvað sagðirðu Sturla?

Sturla Böðvarsson sagði orðrétt í Fréttablaðinu í morgun að uppivöðsluseggir stöðvi ekki þingstörf.

Ha?

Hvað sagirðu Sturla minn?

Í startholunum

Helga Vala Helgadóttir, formaður Reykjavíkurfélags Samfylkingarinnar er búin að fá nóg.  Hún segir að hún og margir félagar hennar vilji ekki þessa ríkisstjórn.

Flott viðtal við Helgu Völu er í myndbandi tengdu fréttinni.

HV segir að þjóðin sé í Alþingisgarðinum.

Það er rétt hjá henni.

Ég veit það, Helga Vala veit það, allir sem voru við Alþingishúsið í dag vita það.

En þeir ná ekki þessari staðreynd þeir sem innandyra sitja.

Þá meina ég ríkisstjórnina og stjórnarflokkana.

Ég vil þjóðstjórn og nýjar kosningar.

Við viljum það flest.

Hvernig væri að hætta að þrásitja þrátt fyrir að það sé löngu kominn tími á að hysja upp um sig og fara heim? 

Þekkir þetta fólk ekki sinn vitjunartíma?

Veit það ekki hvenær er komið nóg?

En þetta er eitt frábærasta afmæli sem ég hef átt eftir að ég var fertug, ég hef trú á Íslendingum og eftir daginn í dag þá veit ég að þetta hefst á endanum.

Hvenær eru næstu mótmæli?

Ég er í startholunum.

Jabb.

 

Þjóðin var í Alþingisgarðinum

Friðsamlegur hávaði

Sorglegt að yfirvöld skuli beita efnavopnum á mótmælendur við Alþingishúsið.

Ég sá engan mótmælanda hegða sér öðruvísi en friðsamlega.

Hávaðinn var gífurlegur en þetta var friðsamlegur hávaði.

Stemmingin var gífurlegt, fólk vill breytingar.

Í fjöldanum við Alþingishúsið mátti sjá þverskurð af þjóðfélaginu.

Gamlar konur og menn, unglinga og allt þar á milli.

Auðvitað var þetta ekki þjóðin, hún er annars staðar veit ekki hvar.

Ég fór heim um þrjúleytið og þá var búið að hneppa einhverja í járn.

Beita efnavopnum á suma.

Sorglegt segi ég enn og aftur.

Ef ríkisstjórnin er ekki búin að ná því að almenningur er ekki á því að að gefast upp þá er ég illa hissa.

Ég sá Gunnar Smára Egilsson og Mikael Torfason við þriðja mann standa til móts við Dómkirkjuna.

Voru þeir að mótmæla eða að finna til í hjartanu?

Afmælisbarnið kveður í bili.

Yfir og út.

Margir fengu piparúða á sig

Ég býð í ammmæli - úje

Ég verð eitthvað ára á morgun.

Skiptir ekki máli hversu lengi ég er búin að velkjast hér á meðal oss en ég sé enga ástæðu til að gera mér ekki glaðan dag og það svo eftir verði tekið.

Ég býð því öllum sem ég þekki og líka hinum í afmælið mitt við Alþingishúsið kl. 13,00.

Ég var að velta því fyrir mér hvort það væri ekki gaman að vera með samspil - hljóðfæri eru ekki skilyrði, pottar og sleifar framkalla líka flottan rytma.

Sjáumst kát.

Og skiljið afmælisgjafirnar eftir við styttuna af Jóni þegar þið farið.

Plís kræ mí a river.

Ég þarf á samúð að halda þetta styttist óðum hjá mér í annan endann.

Sjitt

Hvetja til mótmælastöðu við Alþingi

Athafnaskáld?

Sumum orðum hef ég hálfgerða óbeit á.

Samt eru orðin ekki hættuleg eða vond, aðeins það ástand sem þau lýsa.

Eða hvernig maður kýs að skilja þau.

Eru þetta hin margrómuðu athafnaskáld?

Er þetta athafnaskáldskapur eða rán um hábjartan daginn?

Þessir menn eru enn lausir og fara hamförum á græðgisfylleríinu, eira engu eða engum.

En lögreglan er send í vinnu til fólks til að láta það svara til saka fyrir að vera með mótmæli við Alþingshúsið.

Næ ég þessu?

Það er ekki sama mótmælandi og milljarðaræningjar.

Nei, fjandinn fjarri mér að ég komist nálægt því að skilja þetta rugl.

Umfjöllun um ránið í fréttum Stöðvar 2 í kvöld.

Gullmolar í kommentakerfi

Stundum gerist það að í kommentakerfunum skilur fólk eftir frábærar hugmyndir eða tillögur.

Eftirfarandi fékk ég frá manni sem kallar sig Björn.

Takk kærlega fyrir þetta.

"Hugmyndir að Nýja Íslandi:

1) Jafnrétti í orði en ekki á borði

2) Siðferðisvitund á hærra plani sem myndi hafa áhrif á öll stig í hinu opinbera kerfi ásamt viðskiptalífinu. Verðum átta okkur á því hvað það er að búa í samfélagi. Það er hárfín lína á milli hreinnar einstaklings-hyggju og samfélags þar sem allir eru steyptir í sama formið sem drepar allt og alla.

3) Virkt lýðræði: eðlilegt jafnvægi á milli þess valds sem kjörnir fulltrúar fá og þess vald sem almenningur hefur. Verðum að geta valið bæði fólk og flokk.

4) Aðskilnað dóms-, framkvæmdar- og löggjafarvalds þannig að tryggt sé að engin skörun sé þar til staðar. Í kosningum eiga landsmenn að kjósa forsætisráðherrann annað er fáránlegt.

5) Samfélag sem snýst um börn. Þau eru framtíðin og munu taka við keflinu. Eigum að hanna samfélag sem er barnvænt. Ef þetta er grunnforsendan kemur restin að sjálfu sér.

6) Virðing fyrir náttúrunni bæði á sjó og landi. Við höfum þetta aðeins að láni. Eigum að nýta það sem við þurfum en ekki meir. Annars erum við að taka af næstu kynslóðum. Temjum okkur aðeins meiri auðmýkt og nægjusemi.

7) Eins sjálfbært samfélag og unnt er. Eigum að leitast við að vera í farabroddi við að knýja bíla- og skipaflota okkar með vistvænni orku; flytja sem minnst inn af jarðeldsneyti. Eigum frábærar uppsprettur af mat og síðan vatnið."

Hvað finnst ykkur um þessar tillögur gott fólk?

Af ófriðarhöfðingjum og hallærislegum hrópendum í eyðimörkinni

Ástþór Magnússon hefur öðrum fremur tengt nafn sitt við frið.

Ég efast reyndar ekkert um að hann hafi verið einlægur í þeirri baráttu að minnsta kosti svona framan af.

En miðað við hvað friður er honum hugleikinn þá lætur hann ófriðlegar en flestir.

Hörður Torfa er til að mynda á heilanum á Ástþóri.

Hörður er kommúnisti, einvaldur, segir hann.

VG, VG heyrist hrópað hásum rómi í eyðimörkinni en fáir ef nokkrir heyra í holum röddum hrópendanna.

Þetta eru áhangendur gamla Íslands, valdagírugs Sjálfstæðisflokks, fólk sem ekki vill horfast í augu við að hin ómanneskjulega græðisvæðing hefur beðið skipbrot. 

Það trúir enn á kommagrýluna. 

Almenningi er þetta ljóst og brosir blíðlega.  Kjánarnir hugsum við, andófið í samfélganu nær langt út fyrir hið gamla og úr sér gengna flokkakerfi.

Félagsskapurinn "Nýjar raddir" hafa boðað til fundar í miðjum laugardagsfundinum á Austurvelli.

Ég segi við þá sem ekki kunna aðrar leiðir við að koma sér á framfæri en að skemma og eyðileggja eru ekki hótinu betri en þau stjórnvöld sem verið er að gagnrýna og þeir andskotar sem hafa verið á græðgisfylleríi og komið Íslandi í hóp þriðja heims ríkja.

Þeir eru ekki hótinu betur en þessir tveir hér.

Ég tel mig vita að Ástþór Magnússon standi fyrir þessari hvítliðasamkomu sem kallar sig "Nýjar raddir".

Ef ekki þá dundar hann sér við að stefna mér í friðarins nafni eftir helgi.

Og ég segi þá: "Sorrí Ástþór, en þetta var alveg í þínum nýja ófriðaranda".

Merkilegt hvað hvítliðarnir eru helvíti lífseigir.

En af því ég á það sameiginlegt með Ástþóri Magnússyni að þrá frið í sálu og sinni, úti og inni, heima og að heiman, þá ætla ég að vona að allir sem eiga heimangengt mæti á völlinn og sýni stjórnvöldum í þessu landi að það er engin uppgjöf í gangi.

Almenningur er með úthaldið í góðum gír.

Áfram Nýja Ísland.

Nýjar raddir boða fund