7 UNDUR VERALDAR HIN NÝRRI

Flottur listi yfir hin sjö undir veraldar. Ég er sátt bara.  Er soldið hissa samt á að hús Orkuveitunnar skuli ekki vera með á listianum.  Það er hrein undur og stórmerki hversu ljótar byggingar er hægt að skapa og búa til   Ég horfi ennþá á húsið gapandi af undurn.

Það verður kannski næst.

Tilkynnt um ný sjö undur heims

SVO ÚRKYNJAÐ EITTHVAÐ

...að vera með Big Mac vísitölu.  Þessi bölvaður skyndibiti er ástæða fyrir offitu fjölda fólks og þá aðallega í USA.  Er ekki hægt að nota einhverja aðeins smekklegri viðmiðun?

Samkvæmt skyndibitavísitölunni er íslenska krónan ofmetnasti gjaldmiðillinn.  Íslenska krónan gagnvart bandaríkjadal er 123% hærri en hún ætti að vera ef Big Mac kostaði jafnmikið og í USA.

Oh það er lúxus að vera íslendingur (dæs, dæs).

Gúddnætgæs!

Íslenska krónan ofmetnasta myntin samkvæmt Bic Mac vísitölunni

LIVE EARTH OG ÉG BÚIN AÐ HLUSTA....

..frá því þeir störtuðu án þess að kæra mig nokkurn skapaðan hræranlegan hlut um það.  Það er einhver góðhjartaður nágranni minn, sem hefur haft allt í botni í kvöld, opið út á svalir og brumm, brumm, ég get vitnað um það hér að það er of mikill bassi í græjunum hans.  Var á tímabili, þegar ég var að biðja bænirnar mínar (hm) að hugsa um að fara og "lókalisera" hljóðið, en þar sem þarna er rokkað fyrir rétt málefni, þá lét ég það eiga sig.

Alltaf skemmtilegra og skemmtilegra að lesa Moggafréttirnar.  Í þessari frétt er talað um AL GORE, FYRRVERANDI FORSETA BANDARÍKJANNA. Hef ég misst af einhverju.

Þetta er nottla smá snúrublogg um músík, því ég hef þurft að liggja á hnjánum með æðruleysisbænina á vörum meðan ósköpin gengu yfir.  Ég held að granninn sé farinn að sofa.

Úje, úje!

 

 

Live Earth tónleikarnir byrjaðir

ÉG HEF ALLTAF VERIÐ EYÐSLUSEGGUR...

 

..þar til undanfarin ár að mér helst betur á peningunum mínum.  En hvernig er hægt að vera í Stones og vera blankur?  Það fæ ég ekki skilið.  Ég hélt að milljónirnar væru óteljandi sem þeir gúffuðu inn.  Stjarnfræðilegar summur fyrir að vera mestu töffarar í heimi.

Nýyrðið "viðskiptavitlaus" er ekki alveg að gera sig.  Er nýyrðasmiður Moggans búinn að fá sér í glas?

Lofjúgæs!

Viðskiptavitlaus eyðsluseggur sem málar í frístundum

GAT NÚ VERIÐ...

 

..um leið og ég ætla að leggja land undir fót.  Búið að vera hitabylgja frá því daginn eftir að ég fór frá Köben í fyrra og henni lýkur einhverjum vikum áður en ég kem aftur.

Segi svona er reyndar á leið til Londres, en London-Köben what´s the difference?

Eins árs hitabylgju lokið í Danmörku

HÁMARK ÓSVÍFNINNAR..

..þegar sjötugar konur neita að vökva garðinn.  Það kemur sko í heimspressunni.  Hefði hún verið fimmtíuog eitthvað eins og ég gengdi öðru máli.  Ég hef t.d. engan garð vökvað og allra síst minn.

 

Handtekin fyrir að vökva ekki garðinn

1,2 MILJARÐAR ER TERTUBITI...

...þegar Nasa setur upp hreinlætistæki í geimnum.  Allt gert til að fá geimfarana til að hætta að kúka á gólfið.

Ojákrakkarmínir.

EKKI Í VERKAHRING LÖGREGLU..

 

..að koma á staðinn og bjarga skelfdu smábarni út úr bíl, þegar það læsist inni.  Auðvitað er það einkamál barnsins og foreldranna að finna út úr því. 

Stundum held ég að ég búi á annarri plánetu.  Apaplánetunni.

Eins árs gamall drengur læstist inni í bíl

ÉG VEIT HVER SEMUR STJÖRNUSPÁNNA...

...og hún ætlar að gera líf mitt að helvíti bara sér til skemmtunar.  Nú afhjúpaði kjéddlan sig ískyggilega.

Spákonan er www.gurrihar.blog.is

Þessi kona er aðstoðarritstjóri Vikunnar.  Hún var að taka saman bók um reynslusögur sem hún hefur að mestu skráð sjálf og hafa birst í Vikunni.  Nú eru 50 stykki af þeim sem sagt í þessari bók, sem hún sendi mér í dag þessi elska. Ógisla fróðleg og skemmtileg bók en ég ætla nú ekki að fara mæra konuna.  En það er púki í kerlu.  Þess vegna gekk hún of langt í spánni minni og afhjúpaði sjálfa sig í leiðinni.  Sjáið:

"Steingeit: Það sem er einhvers virði, þarf ekki alltaf að kosta mikið. Ef þú þráir visku, geturðu lesið bók eftir athyglisverða einstaklinga - ókeypis. Það er eins og þeir tali beint til þín."

Gotjúbeib.

Ekki halda því fram að ég sé nojuð. 

Í þetta skipti brá mér verulega og ég er ekki að fíflast.

NÚ HÆTTI ÉG AÐ BLOGGA...

..ef þið grátbiðjið mig ekki að hætta við það.  Segi svona.  Ég er svona að fylgjast með stelpunum, þeim Ellý og Jónínu og reyna að taka mér þær til fyrirmyndar og ég er búin að ellýast í bili og nú var ég að hugsa um að jónínast smá.  Þess vegna er ég hætt að blogga næstu 20 mínúturnar og fer með skoðanir mínar annað á meðan.  Þar sem ég fæ borgað.  Ef þessi færsla verður horfin í fyrramálið þá er það líka út af jónínskunni.  Þetta er herbragð.  Vó hvað fólk á eftir að elska mig og hata mig.

Þetta er allt saman runnið undan rifjum Baugs enda blogga ég í boði þeirra.

Síjúgæs!