SVO ÚRKYNJAÐ EITTHVAÐ

...að vera með Big Mac vísitölu.  Þessi bölvaður skyndibiti er ástæða fyrir offitu fjölda fólks og þá aðallega í USA.  Er ekki hægt að nota einhverja aðeins smekklegri viðmiðun?

Samkvæmt skyndibitavísitölunni er íslenska krónan ofmetnasti gjaldmiðillinn.  Íslenska krónan gagnvart bandaríkjadal er 123% hærri en hún ætti að vera ef Big Mac kostaði jafnmikið og í USA.

Oh það er lúxus að vera íslendingur (dæs, dæs).

Gúddnætgæs!

Íslenska krónan ofmetnasta myntin samkvæmt Bic Mac vísitölunni

Athugasemdir

[Gunnar Kr., 8.7.2007 kl. 06:37]

Jú, endilega finna eitthvað annað sem fæst í nánast öllum löndum heims og er eins alls staðar. Ertu með góða tillögu?

[Jóna Á. Gísladóttir, 8.7.2007 kl. 08:35]

Jöss... fólk hresst á sunnudagsmorgni

[Hrönn Sigurðardóttir, 8.7.2007 kl. 08:38]

Mér dettur í hug....

....kartöflur, sígarettur, gulrætur, hveiti, eiturlyf, mjólk............

[Jenný Anna Baldursdóttir, 8.7.2007 kl. 09:29]

Hvað með Seríos, Deliciousepli... segi svona

Hrönn þinn er flottastur (sko listinn)

Sammála Jóna, fólk á að telja upp að 10 áður en það fer í morgunheimsóknir og alveg sérstaklega þegar sú heimsókn á sér stað kl. f.... 06,37!!!!!!!

[Jenný Anna Baldursdóttir, 8.7.2007 kl. 09:57]

Palli minn rólegur bara.  Auðvitað er hver og einn ábyrgur fyrir því sem hann gúffar í sig en ég er nú aðallega fjúríus yfir því hversu mörg börn verða háð þessum viðbjóði.

[Einar Guðmannsson, 8.7.2007 kl. 11:11]

Ástæðan fyrir því að Big Mac er valin er að hann fæst allstaðar þar sem samanburðurinn á sér stað og hann er unnin úr hráefnum í því landi sem hann er seldur (oftast nær) þannig fæst "sanngjarn" samanburður.  Þetta er ekki sér íslensk aðferð heldur er þetta notað af tímaritinu Economist Þetta er líka útskýrt á vef seðlabankans í pdf skjali um peningamál 2003 á síðu 31 http://www.sedlabanki.is/uploads/files/PM032_2.pdf

[Ómar Kjartan Yasin, 8.7.2007 kl. 23:35]

http://www.economist.com/markets/Bigmac/Index.cfm

Hérna útskýra þeir hjá The Economist ástæðurnar, og að þetta sé nú meira gert til gríns en einhvers annars. Skemmtilegar niðurstöður til að skoða..

[Gunnar Kr., 12.7.2007 kl. 11:59]

Hugsa aðeins út fyrir rammann, takk...

Er nú staddur hinum megin á hnettinum og klukkan var um hálftvö e.h. þegar ég skrifaði þetta um daginn. Merkilegt að tímasetningin hafi vakið svona mikla athygli. Vísa annars í skeyti Einars varðandi rök.

En talandi um verðlag, þá borðaði ég nautakjöt í hvítlauk og engifer í gærkvöldi (að mínum tíma) og borgaði andvirði 48 kr. fyrir þennan líka fína mat.