TROMMULEIKARI FRAMTÍÐARINNAR

Er Jenny Una Eriksdóttir, enda á hún ekki langt að sækja hæfileikana stúlkan. Hún ætlar reyndar að líka að verða söng- leik- og spilakona (ekki alveg viss hvað það dekkar).  En hér er hún í góðri sumarsveiflu.

Úje....

HÆGUR OG KVALAFULLUR DAUÐDAGI!

 

Hvaða sadisti ætli það sé, sem semur varnaðarorðin á sígarettupakkana?  Ekki að þessar hótanir hafi nokkurn tímann farið fyrir brjóstið á mér (hm.. sko varnaðarorðin, reykingarnar eru svolítið að fara þangað).  Ég hef reykt mínar sígarettur alveg án tillits til og í raun sent höfundum textanna feitt fokkmerki (í huganum) af allri þeirri ósvífni sem nikótínfíkill á í pússi sínu.  Er ekki afneitun dásamleg þegar hún á við???

Í gærkvöldi varð mér í bríaríi, litið á pakkafjárann á borðinu.  Þar stóð skýrum stöfum:

"REYKINGAR GETA VALDIÐ HÆGUM OG KVALAFULLUM DAUÐDAGA" 

Þá veit ég það.

Það verður ekki hljótt um mig þegar ég kveð.

Æmgonnasúðefokkers!

Úje

SAMKEPPNIN BLÓMSTAR SEM ALDREI FYRR

Það eru töluvert margir í kringum mig með börn sem eru að byrja í skólanum, þetta haustið.  Skv. viðtendgri frétt, er samkeppnin alveg að blómstra í þjóðfélaginu, varðandi skólatöskur, svo dæmi sé tekið.  Verðmunurinn á milli verslana, á vinsælum skólatöskum yngri kynslóðarinnar, gerir sig á heilar 19 krónur.  Það hlýtur að vera foreldrum gleðiefni að geta verslað þar sem ódýrast er.

En burtséð frá því þá kosta vinsælustu skólatöskurnar um 11.000 þús. kr.  Sömu töskur kosta um 6.000 þús. kr. í gegnum vefverslun.  Neytendasamtökin hvetja fólk til að gera verslun sína þar.

Þetta er enginn smá startkostnaður að setja barn í skóla.  Skólavörur, skólaföt og annað sem til fellur kostar tuga þúsunda króna, þegar allt er talið.  Það hlýtur að vera mörgum stór fjárhagslegur biti að kyngja.

Að ári koma svo nýjar skólatöskur í tísku, sem kosta bæði hönd og fót. 

Og þá hefst hringrásin á ný.

Það vill okkur til happs að frjáls samkeppni blómstar og hún skilar sér í þessum líka verðmun á milli verslana.

Ólögmætt samráð?

Neh það getur varla verið?

The could have fooled me!

Úje

Aðeins 19 króna verðmunur á dýrum skólatöskum

ALDEILIS EKKI Á HVERJUM DEGI..

..að græðgin fær að skína svona grímulaust í gegn eins og hjá kaupmönnum á Akureyri núna.  Nú virðist það aðalatriðið að þeir hafi orðið af tekjum vegna tjaldstæðabannsins á fólk 18-23 ára, s.l. helgi.  Ég er ekki hrifin af þeirri ákvörðun bæjarstjórnar Akureyrar að meina lögráða fólki að tjalda.  Mér finnst það bara mannréttindabrot og ekkert annað.  Það hljóta að vera til aðrar leiðir að markinu. En að kvarta undan því að þessi hópur sé stærsti neysluhópurinn og þeir því orðið af tekjum finnst mér alveg ótrúleg röksemdafærsla fyrir að breyta þessari illa ígrunduðu ákvörðun norðanmanna.

Ég á ekki orð.  Héldu þeir að þessi helgi væri gagngert fyrir þá til að græða peninga?

Var það kannski þannig?

Bítsmí!

 

Tæplega hundrað manns skrifað undir

SANNGJARNT OG HEIÐARLEGT?

 

Búskur forseti, hvetur Pakistan til að efna til sanngjarnra kosninga, eftir að forsetinn hætti við að lýsa yfir neyðarástandi í landinu.

Einhvernvegin finnst mér Bush ekki alveg rétti maðurinn í þessa hvatningu. 

Flórída, kosningavélar, bróðir Búska?  Munið?

Mun einhver taka mark?

Ædónþeinksó.

Bush hvetur til sanngjarnra kosninga í Pakistan

SUMARIÐ BÚIÐ? JEBB HJÁ MÉR

Mogginn spyr hvort sumarið sé búið og veðurfræðingurinn sem þeir tala við segir nei, nei. Það er ágætt ef góðir sólskinsdagar eru framundan en hjá mér er sumarið formlega búið.  Því lauk eftir síðustu helgi.

Ég vil hafa haustið sem lengst.  Þess vegna er það byrjað hjá mér.  Því fylgir:

Kerti og rökkur,

Laufblöð hingað og þangað (sem reyndar stífla hjá mér svalirnar "you have to take the bad with the good").

Regn sem lemur gluggana.

Vindurinn sem hvín.

Teppi sem tekin eru fram til að maður geti vöndlað sig.

Berjatínslu sem framin er ef ástæður leyfa.

Úff hvað það getur verið gaman að lifa.

Haustnefndin.

Úje.

Er sumarið búið?

GLÆSILEGASTA MANNFLAK Í HEIMI..

..tók pabbann í nefið.  Það var sum sé ekki rangt með farið þegar þetta kom í fréttum fyrr á árinu.

Smá af öskunni af pabbanum fór á stofuborðið og Flakið kunni ekki við að sópa uppruna sínum út af borðinu í virðingarleysi, þannig að þetta var leyst eins og um kókaíninntöku væri að ræða. 

Keith Richards er stórundarlegur, það viðurkennist.  En hann má... hann er í Stóns.

Annars er ég að hlusta á Traveling Vilburys, það eru HUNDAR í músík.  Rosalega góðir.

Úje

Tók pabba í nefið

NÍU GÓÐAR ÁSTÆÐUR..

 

..fyrir því að leita til læknis má finna í viðtengdri frétt.  Á meðan ég las yfir listann, fékk ég velflest einkennin og mun því panta mér tíma í fyrramálið.  Maður á ekki að lesa um sjúkdóma og einkenni þar sem það fer vísast beint á sálina og gerir mann bullandi lasinn.  Er ég með hita?  Ég veit það ekki, mér finnst það en ég á ekki mæli.

Dásamlegt hjá mér svona fyrir svefninn, að finna mér eitthvað lestrarefni sem kemur til með að halda fyrir mér vöku í nótt.

Hver les Moggann á nóttunni?

Örugglega ekki margir en ég missti mig í það.

Ég fer að lúlla þegar það birtir af degi, svo mikið veit  ég.

 

 

Níu góðar ástæður fyrir að leita til læknis

OK ORMARNIR YKKAR...

 

Hrútur (20. mars - 20. apríl): Þú ert  óþolinmóður og fljótfær   egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert  keppnismaður og sérlega klár í að keppa við ranga aðila og slá  tilgangslaus högg útí loftið. Þú ert kvikindi, en það hjálpar hversu einlægur,barnalegur og einfaldur þú ert.
 

 Tvíburi (21. maí - 20. júní): Þú ert  eirðarlaus og yfirborðslegur, alltaf á hlaupum frá einu  tilgangslausu verkefni í annað, með hundrað ókláruð járn í eldinum.  Þú ert sí ljúgandi, enda   sérfræðingur í að gefa loforð sem þú getur  ekki staðið við.  Vissulega ertu vel gefinn, en þú sóar hæfileikum  þínum í blaður og óþarfa.

 Krabbi (21. júní - 23. júlí): Þú  þykist vera töff, en ert í raun aumingi og tilfinningasósa, og getur  ekki talað og tjáð þig, nema með því að væla og kvarta. Þú ert  fastur í fortíðinni og munt því  fyrr en síðar kafna í drasli og  gömlum minningum. Þegar þú reiðist   þá fer allt í einn graut og upp  blossar grimmd og hefnigirni.  En svona dags daglega þá ertu fúll,  þunglyndur og sjálfsvorkunnsamur.

 Ljón (22. júlí - 23.  ágúst): Þú ert eigingjarn og of upptekinn af eigin málum til að hafa  áhuga á öðrum. Þú veist allt og hlustar  ekki eða öskrar á  andmælendur þína. Þú ert svo barnalegur,  einlægur og trúgjarn, að  það er augljóst að þú hefur aldrei   fullorðnast. Þú ert latur, en  þegar þú gerir eitthvað, þá gengur  þú of langt.
 

 Meyja (23.  ágúst - 23. september): Þú ert einn leiðinlegasti maður  í heimi,  alltaf að kvarta, gagnrýna og skipta þér af fólki, en segir aldrei  neitt sem gagnast öðrum. Þú ert alltaf á hlaupum,  þykist vera  duglegur, en gerir aldrei neitt af viti, ekki frekar  en stormur í  tebolla. Þú ert stressuð taugahrúga.
 

 Vog (23. september -  22. október): Þú þykist vera ljúfur og  vingjarnlegur, en ert í raun  falskur og eigingjarn, brosir framan í fólk, en lýgur og ferð bakvið  aðra. Það tekur þig óratíma að taka ákvaðanir, en þegar það loksins  gerist, ertu óhagganlegur, enda of latur til að hugsa málin aftur og  of upptekinn af því að smjaðra fyrir öðrum.

Sporðdreki (23.  október - 21. nóvember): Þú ert frekur og  valdasjúkur, færð einstök  mál á heilann (þráhyggja) og ert því  einhæfur og hundleiðinlegur. Þú  ert ímyndunarveikur og   tortrygginn, móðgast útaf engu og gerir  úlfalda úr mýflugu. Lífið  er annað hvort frábært eða ómögulegt. Þú  ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem  grautar í  öllu, en kann ekkert, enda alltaf á hlaupum úr einu í  annað. Þú  átt erfitt með að þekkja takmörk þín, ert agalaus, flýrð  óþægindi og veist ekki hvernig þú átt að nýta hæfileika þína. Ef þú  nærð tökum á einhverju, þá

 Steingeit (21. desember - 20. janúar): Þú ert stífur og  vansæll  vinnualki, fastur í tilgangslausum siðum og reglum, alltaf  að  skipta þér af öðrum og segja þeim að geraþað sem þú getur ekki gert sjálfur. Þú ert snobbaður og þráir stöðutákn, enda með  minnimáttarkennd sem þú heldur að hægt sé að breiða yfir með  titlum  og merkjavöru.

> Vatnsberi (20. janúar - 19. febrúar): Þú ert  sérvitur og skrýtinn,  og alltaf svo langt á undan samtímanum að  enginn skilur þig eða getur notað hugmyndir þínar. Vissulega ertu  svalur, en þú ert svo sjálfstæður, ópersónulegur og hræddur við  raunverulegan innileika, að þú ert í raun alltaf einn, frosinn í  einskis manns landi.  Týndur á skýi í háloftunum.

 Fiskur (19.  febrúar - 20. mars): Þú ert rugluð og týnd sál og  hefur ekki hugmynd  um hvernig þú átt að nýta hæfileika þína eða í  hvaða átt þú átt að  fara. Þú vilt vera alls staðar og upplifa  allt. En þar sem þetta er  ómögulegt, þá fer allt í vitleysu. En  það gerir ekkert til, þú ert  sérfræðingur í sjálfsblekkingum og 

Ok, hér eru öll merkin nema þau tvö í færslunni á undan.

Hendið ykkur í veggi.

Úje

SMÁSNÚRA

Ég dreif mig á AA-fund.  Þar sem ég lifi í óvissunni þessa dagana og bíð eftir að hitta Hr. Sérfræðing í blóðsjúkdómum, hef ég verið ansi spennt.  Hm.. svo hógvær. 

Fundurinn gerði sitt gagn.

Það glittir í mig.

Alkar hafa ekki efni á spennu og sjúklegum áhyggjum.

Bara svo það sé á hreinu Jenny Anna Baldursdóttir, áhyggjufrömuður.

Æmsúingmí, ég get svo svarið það.

Ójá!