Eins og að vera slegin með kylfu í hausinn...

 

..eða þannig held ég að það sé þegar manni líður eins og mér núna.

Þessi dagur hefur verið jah.. ömurlegur.

Ástæða: Engin svo ég viti.

Suma daga fer ég hreinlega öfugt fram úr rúminu, eða réttara sagt suma daga ætti ég ekki að voga mér fram úr rúminu.  Þetta hefur verið svoleiðis dagur. 

Ástand: Hangandi haus niður á bringu.  Ógleði, hausverkur, beinverkir, suð fyrir eyrum og pirringur dauðans.

Ég var síst að skilja hvað væri í gangi.  Hélt hreinlega að ég hefði jólaóverdósað.

Var samt í þvottahúsi. Fórnarlambsdæs.

Reifst hástöfum (á kurteislegan og ískaldan máta) við tvö tölvufyrirtæki, eitt opinbert þjónustufyrirtæki, póstburðarmann og kjötkaupmann og þar sem ég var búin að ná mér á strik reifst ég við  húsband líka.  Ok, aftur, reifst við alla ofannefnda nema húsband.  Hann var ekki heima.

Var að hugsa um að flytja að heiman, í tjald uppi í Heiðmörk, liggja þar matar- og vatnslaus, fá lungnabólgu, verða lögð inn á slysadeild þar sem öll íslenska þjóðin myndi fylgjast með hægfara brottför minni úr þjáðum heimi, þegar mér datt í hug að stinga mæli í eyrnafjandann á mér.

Viti menn, 39,5 á Anders Celsius.  Allt annað líf.  Nú er ég komin með það skjalfest upp á vasann að ég á bágt, get hent mér undir teppi með tölvu og rifið stólpakjaft á blogginu.

Einhver til í fæting?

Segi sonna.

Falalalalala og ég í góðum málum.

Þetta megið þið ekki blogga um krakkar mínir..

.. það er amk. ekki hægt að tengja við fréttina.

Grunur um nauðgun!

Grunur um innbrot?

Grunur um líkamsárás?

Grunur um árekstur?

Hvernig væri að fjölmiðlar hefðu eitthvað samræmi í fullyrðingunum eða fyrirvörunum, réttara sagt þegar fjallað er um árásir og önnur lögbrot.

En á maður ekki að vera þakklátur fyrir að Mogginn skuli hafa vit fyrir manni og ákveða í hvaða tilfellum má tengja frétt við blogg og hvenær ekki?

Ég er ekkert sérstaklega þakklát í dag.

Ónei.

Þetta átti að verða blogg um jólaseríur..

 

..en þær verða lítill hluti færslunnar, en ég verð, beinlínis verð að hreykja mér af afrekum mínum í seríudeildinni í dag.

Á hverju ári hendi ég jólaseríunum í eina bendu ofan í kassa.  Hef ekki þolinmæði til að rekja þær saman og rúlla upp á einhverjar fargings rúllur, eins og margar Meyjur gera.  Á hverju ári enda ég með að fleygja seríunum sem eru í feitum hnút og kaupa nýjar.  Jabb, veit það, algjört bruðl, skammastín og ég geri það.  En hér var skreytt jólatré og þar sem ég er svo bláedrú og stöðug á tauginni, þá rakti ég jólaseríurnar á tréð eins og stálmaðurinn sjálfur, blikkaði ekki auga, hreyfði ekki taug.  Ég lagði mikið til endurnýtingarmálanna í kvöld.

Jólatréð í stofu stendur lalalalalal!

En..

Ég veit ekki hvað er í gangi, það er allt að hrynja í kringum mig.  Sko hlutir, ekki fóllk.  Sjúkkitt.

Bílinn bilar annan hvorn dag.  Það er maður á bakvakt út af Benzanum, það er eitthvað í loftinu, ég sverða.

Tölvan krassaði.

Jólaljósið í stofuglugganum bilaði.

Hrærivélin brenndi úr sér og ég kveikti í pottalepp, okokok hann sviðnaði.  Kappíss?

Sennilega bilaði aldrei neitt hjá mér vegna þess að ég notaði ekkert af mínu stöffi.  Var of upptekin við annað.  Ætli það geti verið ástæðan?

Ætli það sé beinlínis ópraktískt að nota græjurnar sem maður safnar að sér?

Ég á tvö eggasjasuðutæki sem er cabout sá mest ónauðsynlegi hlutur sem ég hef enn rekist á, að gufugæjanum undanskildum.  Sorrí stelpur, þið takið þetta til ykkar sem eigið.

Lausnin er að láta lítið fyrir sér fara og nú er ég farin að njóta jólatrésins áður en það verður lostið náttúruhamför.

Falalalala

Smá uppgjör

Ég get ekki verið þekkt fyrir annað en að þakka kærlega fyrir allar kveðjurnar sem ég hef fengið í dag, úr ýmsum áttum.  Alveg bráðnauðsynlegt að fá hvatningu þegar maður hengir sig út til sýnis.

Nóg um það.

Jenný Una er hjá mér vegna þess að bróðir hennar er jafnvel á leiðinni, virðist samt vera dálítið að slá úr og í með það.

Í baði

Amman: Jenný mín, nú verður þú að koma uppúr.

Jenný: É vilða ekki, ég segi brert nei

Amman: Ha????

Jenný: Ég segi brert nei (fingri beint í átt að ömmunni til að undirstrika meiningu)

(Kviknaði á peru hálftíma síðar, hafði sjálf sagt nokkrum sinnum "þvert nei" skömmu áður í símann.)

Yfir kvöldsögunni

Amman: Við lesum þessa bók um Einar Áskel.

Jenný Una: Hann heitir ekki Einar Áskell amma (brosir) hann heitir Alfons Åberg, pabbi minn segir það.  ..Og

..börn mega ekki sparka og slá, það er mjög bannað.  En ég lemmdi einu sinni Franklín Mána Addnason og Söru Kamban.  Mjög laust.  Ég máði það alveg, pabbi minn segir það.

Já og svo var nú það.

Er örþreytt eftir daginn, farin upp í rúm að lesa.  Vona að pirringsfrömuðirnir hafi eitthvað að dunda sér við annað en mig meðan ég sinni literatúrískum skyldum hérna við hirðina.

Cry me a river.

Falalalalala

 

Á felgunni

Muhahahahaha, ekki ég sko, alveg bláedrú og í góðum málum.

En svona í tilefni dagsins þá eru Erlar út um allt.

300 dauðadrukkin kvikindi í fríhöfninni.

Munur að vera í góðum málum.  Falalalalala

Er með hana Jenný Unu í pössun á meðan litli bróðir hennar gerir það upp við sig hvort hann ætlar að fæðast núna eða seinna.

Jájá

Sjáumst.

Fríhöfnin lokuð vegna 300 fullra útlendinga

Aflið fjársvelt

 

Ég bið ykkur að gefa gaum færslu sem má lesa inni hjá Jens Guð  en systursamtök Stígamóta, Aflið en samtökin eru í fjársvelti.

Samtök eins og Stígamót og Aflið eru lífgjafi fjölda þolenda kynferðislegs ofbeldis og þar fyrir utan veit ég að samtök eins og Stígamót (þekki ekki til Aflsins hvað þetta varðar)eru að vinna að fræðslu bæði fyrir faghópa sem og almenning. Það er líka ómetanlegt starf.

Þetta verður aldrei fullþakkað.

Auðvitað á samfélagið að sjá svona starfsemi fyrir rekstrarfé.  Mér skilst að  sveitafélögin fyrir norðan séu að styrkja Aflið með einhverjum þúsundköllum.  Auðvitað er það þakkarvert þegar fyrirtæki og einkaaðilar styrkja svona starfsemi en ofbeldi og afleiðingar þess er auðvitað samfélagsins að bera ábyrgð á.  Engin spurning um það að mínu mati.

Þetta gengur ekki upp.

Taka á málum.

Komasho.

Jólíjólíjól - Falalalala

 

Æi verð að blogga smá jóla.  Ekki að það sé rosa stemmari á heimilinu.  Hér ríkir flensa.  Ójá, hörmungar á hörmungar ofan.

Ég sem elska veður (og mikið af því) er orðin leið á fyrirkomulaginu.  Nú vil ég fj... hafi það komast í sjopp.   Þetta ástand er farið að gera mér hluti.  Ég sverða.

Ég gat ekki horft á sjónvarpið í kvöld því það fraus alltaf.  Vegna veðurs.  Ég hélt að allt svona heyrði fortíðinni til. 

Annars er ég að lesa ári skemmtilega bók, segi ykkur frá henni á morgun.

Á að borða skötu?  Með mör og öðrum viðbjóði? 

Ekki misskilja mig (lesið Láru Hönnu), ég virði skötuát á Þorláksmessu en lyktin er vægast sagt öðruvísi. 

Sinn er siðurinn og allt það..

Sumir á ekki upp í nefið á sér yfir að hér skuli borðað hangikjöt á Þorláksmessu, muhaha.

Nóg sagt í bili, ég er farin að lesa, búa til ís eða eitthvað.

Falalalalalala

Ætli eitthvað hafi skolast með í látunum..

..alveg óvart, á síðustu dögum þingsins eins og í vor, þegar vændisfrumvarpið (þ.e. um að gera vændi algjörlega refsilaust fyrir kaupandann) fór hljóðlega í gegn í havaríinu s.l. vor?

Vonandi kemur í ljós að í þetta skipti sitjum við ekki uppi með lög sem færa okkur aftur í tímann, fjær mannréttindum og nær skilningsleysi á mannlegum hörmum.

Nú er að bíða og sjá.

63 alþingismenn eru farnir í jólafrí og ladídadída.

Ætli Össur fari nú að taka upp á því að dagblogga?

Segi sonna.

Nú eru það fréttir.

Falalalalalala

Alþingi farið í jólaleyfi

Gerðist þetta ekki í fyrra - eða hitteðfyrra?

Mér finnst ekki koma aðventa öðruvísi en að það sé ekki einhver frétt um bruna í Vestmannaeyjum, í atvinnuhúsnæði.

Mig minnir að það hafi kvknað í Fiðskiðjunni í fyrra eða hitteðfyrra.

Eða var það bæði árin?

Ég veit að langtímaminni í fréttum er ekki neitt svakalega langt miðað við allan þann fréttafjölda sem fer í gegnum hausinn á manni og kannski er mig bara að misminna.

Ef hinsvegar þetta er rétt munað hjá mér, að atvinnuhúsnæðin þarna í Eyjum séu sífellt logandi þá er þetta stórfurðulegt heilkenni.

Arg hvað það er vont að muna svona illa.

Einhver?

Maður handtekinn vegna bruna

Fullorðinsbjánar?

Er það góð auglýsing fyrir "Just4kids" að það komi í fréttum að þeir hafi miskunnað sig yfir leikfangaglaða Íslendinga sem voru komnir í biðröð fyrir utan búðina í óveðrinu (með börn sumir), þrátt fyrir ítrekuð tilmæli frá lögreglu og öðrum sem vinna við að halda í horfinu, núna í morgun fyrir opnun búðar?  Já, nokkuð sætt af þeim að opna aðeins fyrr, af því röðin fyrir utan var komin í "lárétta" stöðu eins og maðurinn sagði.  Líka nokkuð góður leikur hjá þeim að troða sér í blöðin af tilefninu, það geysar jú verðstríð, segja þeir.

En er það góð auglýsing fyrir Íslendinga að gefa skít í svona fyrirmæli og ana af stað með börnin sín til að geta flippað út í leikfangabúðinni? Held ekki.  Gæti reyndar sagt ýmislegt fleira um hvað mér finnst en ætla að sleppa því.

Róleg meðan ég öskra á mig hása.

Hin tveggja ára Jenný Una Eriksdóttir gæti kennt sumum foreldrum eitt og annað, því áðan sagði hún við mig í símann: Amma þú mátt ekki fara út í vonda verrinu.  Þa e mjög mjög hættulett.  Heyrið þið það ábyrgðarleysisfrömuðir.is

Það er ekki eins og það sé verið að fara í nauðsynlegar ferðir hérna.  Leikföng minn afturendi.

Fruuuuuuuuuuuuuuuuussssssssssss