UPP, UPP MÍN SÁL, MITT GEÐ

 Karlmenn, fruuuuuuuuusssss! Hvernig dettur einhverjum í hug að vera fullur á trampólíni?  Nógu erfitt er nú fyrir fullorðið fólk, bláedrú að meiða sig ekki illa, hoppandi eins og fíbbl á svona græju.  Þetta er fyrir börn.  Þau höndla dýnuna.  Arg.. þessi ónauðsynlegu slys og einkum og sér í lagi þau sem verða þegar fólk er undir áhrifum.

Súmí

Karlmaður slasaðist á trampólíni

SJÁLFSDÝRKANDI ALDARINNAR..

 

Viktoría Beckham gerir sig endanlega að fífli í nýju sjónvarpsmyndinni um flutninginn til Ameríku.  Ég hef reyndar svo víðtækt ofnæmi fyrir þessari kjéddlingu sem og karlinum hennar að ég nenni yfirleitt ekki að lesa um hana.

Gagnrýnandi New York Post segir þáttinn vera "sjálfsdýrkunarsvall" sem kemur auðvitað ekki á óvart enda konan prótótýpan af sjálfsdýrkanda. 

Lesið nánar um þáttinn hjá ágætri bloggvinkonu minni henni Stínu (www.stinajohanns.blog.is) en hún skrifar alvega bráðfyndna færslu um þáttinn sem hún sá í gær.

Af hverju er Viktoría svona vinsæl?

Bítsmí.

Sjónvarpsþáttur Victoriu sagður sjálfsdýrkunarsvall

ÉG ER LAUS, ÉG ER LAUS

Það vantar söngkonu í Nylon-flokkinn.  Emelía er hætt (who the fuck is Emilía?).  Ég get ekki sungið, hata tyggjókúlumúsík en er flott í að mæma og hrista mjaðmirnar.

Einar get ég fengið vinnu, er doldið við aldur sko en aldrei of seint að byrja.

Újejejejejeje-

Emilía hættir í Nylon

ÁHYGGJUM AFLÉTT

Ég var að lesa Moggann eins og venjulega og datt niður á meðfylgjandi frétt.  Húsbandið á stórafmæli eftir nokkur ár og ef hann lafir hérna megin grafar á þeim tímapunkti, sem er alls ekki víst þar sem hann er enn í nikótíninu, þá ætla ég að slá upp veislu.  Ég hef að sjálfsögðu verið að plana viðkomandi teiti undanfarin ár, enda þarf ég góðan tíma í svona fyrirkomulag eins og afmæli í fjölskyldunni.  Ég er að hugsa um að halda  veisluna á Kínamúrnum (er í samkomulagsviðræðum við þarlend stjórnvöld um að loka múrfjandanum í þessa fáu daga sem veislan stendur yfir), vera með dýr í útrýmingarhættu á matseðlinum, ekki eitthvað almúgasnakk sem hægt er að kaupa úti í búð, og þjón á mann enda gestirnir ekki margir (eitthvað um 10.000), bara nánustu vinir og kunningjar.  Veislan hefur verið að taka á sig heildarmynd undanfarið, en ég hef alveg verið lens með hvað ég ætti að bjóða upp á í formi skemmtiatriða.  Nú er það vandamál úr sögunni.  Stóns eru í miklu uppáhaldi hér við hirðina en ég hélt að þeir væru dýrir.  Sko villidýrir.  En það er ekki græðginni fyrir að fara hjá hetjunum mínum.  Þeir taka ekki nema 331 milljón fyrir einkagigg.  Ég er búin að leggja skilaboð fyrir Mick Jagger og hið glæsilegasta mannflak, sjálfan Keith og býð nú spennt eftir svari.  Ég vona að þeir séu lausir, part úr kvöldi, dagana 26. 27. 28. 29. apríl 2010.  331 milljón x4, tertubiti í heimilisbókhaldinu.

Nei ekki að ræða það, ykkur er ekki boðið.  Bara nánustu vinum og vandamönnum.

Úje.

Fengu 331 milljón fyrir að spila í einkaveislu

HÆTT AÐ BLOGGA?

 

Í dag er ég eins og biluð kona.

Sumir dagar eru umhugsunardagar og sumir morgnar eru alveg sérstaklega miklir umhugsunarmorgnar eins og þessi í dag.  Ég er döpur.  Döpur yfir dauðaslysinu við Akranes í gær, döpur vegna fólksins sem bloggar hér og er með krabbamein, eða aðstandendur barns með krabbamein eins og mamma hennar Þuríðar.  Bloggheimurinn er stundum svo nærri manni, það er erfiðara að ýta frá sér hlutum þegar maður fær þá beint í æð, fólkið á bak við harmleikina fær andlit og það deilir með manni hugsunum sínum, sorgum og gleði.  Tvær ungar konur sem hafa bloggað hér um sinn sjúkdóm hafa látist með stuttu millibili.  Mér finnst ég hafa þekkt þær báðar.

Svo brosi ég í kampinn yfir öðru sem hér er að lesa.  Eins og örlagasögu Lúkasar.  Þvílíkur bömmer í báðar áttir.  Lúkas bara ósvífinn á lífi uppi í fjalli og með attitjúd og neitar að láta góma sig. Kertavökurnar komu mér undarlega fyrir sjónir þegar þær voru haldnar, núna eru þær beinlínis broslegar. Svo verð ég leið yfir unga manninum sem var nánast tekinn af lífi fyrir að hafa myrt hundinn á hroðalegan hátt og svo sagði einhver í fréttunum að kannski hefði það bara verið annar hundur í töskunni sem hafi verið myrtur. Þá varð mér nú allri lokið.  Ef ekkert er líkið þá búum við það bara til.

Það er fullt af öðru fyrirkomulagi sem gerir mig reiða hér á blogginu, en ég nenni ekki að eyða orku í að skrifa um það, sko ekki núna. Ég hef nefnilega hugsað mér að eiga góðan dag.  Skemmtilegu og gefandi bloggin eru svo mörg og þau skilja eftir sig framlag til lífsgleði þegar ég á í hlut og bjarga svona "döprum dögum" í Seljahverfinu.

Sumir eru sífellt hættandi að blogga.  Þeir móðgast og hætta að blogga.  Þeir pirrast og hætta að blogga, þeir gera mistök og hætta að blogga.  En þeir eiga það allir sameiginlegt að hætta EKKI að blogga.  Þess vegna ætla ég að hoppa yfir þessa yfirlýsingu um að ég sé hætt að blogga.. og halda áfram að blogga, jafnvel þótt ekki hafi verið hátt á mér risið þegar ég opnaði augun í morgun.

SÚMÍ 

MONTNÚMERIÐ MITT

 

..er upptekið af einhverjum öðrum.  Ibba Sig. vinkona mín (www.ibbasig.blog.is) var að blogga um að hún hafi séð bílinn minn niðri í bæ.  Að enginn annar myndi fá sér montnúmer á bílinn sinn með textanum újee nema ég.  Það hélt ég líka.  Svona er að draga lappirnar.  Einhver annar hefur orðið á undan mér.

Ætli súmí eða bítsmí sé á lausu?

Ef ekki þá á ég þó allavega þetta:

ÉG TRYLLIST OG HENDI MÉR Í GÓLF

...út af þessu árans "stack overflow at line:0" Ég kemst hvorki lönd né strönd út af þessu.  Hvað er þetta?   Einhver????

Þetta er "eitthvað" því ég gúgglaði það og þetta kom upp.  Ég dey úr forvitni og leiða á þessu skilti.

 

ÉG HEF..

 

..aftur skellt hurð.  Í þetta sinn í huganum.  Hlutirnir eru sjaldnast eins og þeir líta út fyrir að vera, og fólk ekki heldur.

Merkilegast uppgötvun mín þetta árið.  Svo sein að fatta.

Ég, með augun á stilkum.

Í DAG...

... hef ég gert þetta markverðast..

1.  Skellt hurð svo fast að hún datt nærri því af hjörunum og ég upplifði svakalegt kikk yfir því hversu dúndrandi vel hún skelltist.

2. Bakað bananabrauð (sko eftir hurðarskellinn)

3. Grenjað úr sjálfsvorkun (sko eftir hurðarskellinn)

4. Brosað í gegnum tárin (sko ditto)

9. Lesið blogg eins og brjálæðingur (ditto)

10. Farið í göngutúr (dit..)

11.  Gert helling fyrir hurðarskell en ekkert af því skiptir máli núna enda var það ekki allt fagurt.

Ég,  með geislabaug í englabúningi.

MIKIÐ SKELFING ER ÉG FEGIN..

..að hér skuli fólk ekki líflátið af dómstóli götunnar.  Bara svona nærri því.

Ætli mannorðsmorð sé hin nútíma aftökuaðferð?

Ég, hugsi-

Hundurinn Lúkas á lífi