Varúð: Ekki fyrir viðkvæma og heilsutæpa!

Ég ætla ekki að blogga um Icesave í dag.  Ekki beint að minnsta kosti.

Icesave er heilsufarsvandamál hér og í nálægum löndum.  Áhyggjur og örvænting er pjúra lasleiki sem getur leitt til hjartaáfalla, þunglyndis og annarra vandamála.

En burt frá Icesave og að myndefninu sem fylgir með fréttum af þessu ógeðismáli.

Þessi mynd hér fyrir ofan er búin að birtast svona milljón sinnum (nei, ekki að ýkja) og ég sé í alvörunni rautt þegar hún dúkkar upp enn einu sinni og það ekki bara vegna hins rauða bakgrunns.

Þessi mynd er beisíklí stórhættuleg andlegri heilsu minnar og fjölskyldunnar allrar.

Talandi um að tóbaksreykingar séu hættulegar!  Kökubiti miðað við angistina og þunglyndið sem þetta óþolandi myndaofbeldi orsakar.

Þeir setja líka viðvaranir á tóbakið.

Ég vil þar af leiðandi með tilliti til hættulegs innihalds Icesave-frétta láta setja viðvörun á allar Icesavefréttir.

Varúð: Ekki fyrir viðkvæma og heilsutæpa.

Og þá er ég ekki bara að hafa áhyggjur af myndefninu þar sem þetta krúttlega hjarta gargar á mann í algjörum hortugheitum, heldur textann líka.

Icesave er bráðdrepandi andskoti.

Og svo mættu fréttastofurnar báðar sýna örlítið frjórri hugsun þegar kemur að myndefni þegar fréttir af Icesave, Kaupþingsklúðrum og fleiri kreppudæmum eru til umfjöllunar.

Þó ekki væri nema af hreinum mannúðarástæðum - ég segi ekki meira.

Icesaveskiltið í glugganum úti í London fær mig til að hugsa um hvort ekki megi rífa skiltið úr glugganum og demba því í hausinn á einhverjum útrásarníðingnum.

Hið eilífa skot af Kaupþingsfossaómyndinni í anddyri bankans gerir mig vitstola úr bræði.

Okei, ég ýki smá.

En þetta er samt svona um það bil nákvæmlega svona.

ARG.

 

Hugmyndir Breta og Hollendinga kynntar

Athugasemdir

[Árni Gunnarsson, 17.9.2009 kl. 16:42]

Í íslenskri þýðingu minni þá er Jenný Anna að segja að við búum við heilsuspillandi stjórnvöld og engin úrræði á augsýn.

Hvenær fáum við nýjan Jörgen Jörgensen til að fleygja þessu andskotans hyski út úr Stjórnarráðinu og flytja sendimenn IMF til föðurhúsanna í gámi?

[Emil Örn Kristjánsson, 17.9.2009 kl. 16:48]

Tilvitnun: "Icesaveskiltið í glugganum úti í London fær mig til að hugsa um hvort ekki megi rífa skiltið úr glugganum og demba því í hausinn á einhverjum útrásarníðingnum."

Það er alltaf sama refsigleðin hjá þér...

[Jenný Stefanía Jensdóttir, 17.9.2009 kl. 17:35]

Sammála,  búin að fá ógeð á café latte á rauðum dúk.

Get heldur ekki lengur notað orðið addna ..... nota því goðafræðimálið Æsseif ef ég þarf að tjá mig um hryllinginn.

[Jenný Anna Baldursdóttir, 17.9.2009 kl. 19:38]

Emil: Alltaf sama húmorsleysið hjá þér.

Jenný: Segðu.

Árni: Bíðum með önd í hálsi eftir nýjum Jörgen.

[S. Lúther Gestsson, 17.9.2009 kl. 22:54]

Ég sem hélt að þessi færsla myndi fjalla eitthvað um Ice save.

En ég er ánægður að þú fórst ekki að minnast á það mál.

Hver er þessi nýji vinur þinn hér fyrir ofan mig?

[Jenný Anna Baldursdóttir, 17.9.2009 kl. 23:03]

Búin að taka þetta ógeð út Lúther.  Nafnlaust ógeð.

[Emil Örn Kristjánsson, 17.9.2009 kl. 23:37]

Tilvitnun: "Emil: Alltaf sama húmorsleysið hjá þér."

Átti þetta að vera fyndið?

[Guðný (IP-tala skráð) 17.9.2009 kl. 23:49]

Eða myndin af helv**** grísnum.... Gerir mann CRAZY!!!

[hilmar jónsson, 18.9.2009 kl. 00:04]

Hva, Emil er annálaður gleðipinni og ærslabelgur...............hef ég heyrt...

[Emil Örn Kristjánsson, 18.9.2009 kl. 00:38]

Og hrókur alls fagnaðar á mannamótum. Gleymdu því ekki.

[Eygló, 18.9.2009 kl. 00:55]

Ég hef séð Emil hrók alls fagnaðar á vegamótum : ) (bull, aldrei séð hann)

[Margrét St Hafsteinsdóttir, 18.9.2009 kl. 02:40]

Ég er eiginlega búin að fá nett ógeð á stöfum í pastellitum síðan þetta skilti byrjaði að ásækja okkur