Leita í fréttum mbl.is

Varúð: Ekki fyrir viðkvæma og heilsutæpa!

is

Ég ætla ekki að blogga um Icesave í dag.  Ekki beint að minnsta kosti.

Icesave er heilsufarsvandamál hér og í nálægum löndum.  Áhyggjur og örvænting er pjúra lasleiki sem getur leitt til hjartaáfalla, þunglyndis og annarra vandamála.

En burt frá Icesave og að myndefninu sem fylgir með fréttum af þessu ógeðismáli.

Þessi mynd hér fyrir ofan er búin að birtast svona milljón sinnum (nei, ekki að ýkja) og ég sé í alvörunni rautt þegar hún dúkkar upp enn einu sinni og það ekki bara vegna hins rauða bakgrunns.

Þessi mynd er beisíklí stórhættuleg andlegri heilsu minnar og fjölskyldunnar allrar.

Talandi um að tóbaksreykingar séu hættulegar!  Kökubiti miðað við angistina og þunglyndið sem þetta óþolandi myndaofbeldi orsakar.

Þeir setja líka viðvaranir á tóbakið.

Ég vil þar af leiðandi með tilliti til hættulegs innihalds Icesave-frétta láta setja viðvörun á allar Icesavefréttir.

Varúð: Ekki fyrir viðkvæma og heilsutæpa.

Og þá er ég ekki bara að hafa áhyggjur af myndefninu þar sem þetta krúttlega hjarta gargar á mann í algjörum hortugheitum, heldur textann líka.

Icesave er bráðdrepandi andskoti.

Og svo mættu fréttastofurnar báðar sýna örlítið frjórri hugsun þegar kemur að myndefni þegar fréttir af Icesave, Kaupþingsklúðrum og fleiri kreppudæmum eru til umfjöllunar.

Þó ekki væri nema af hreinum mannúðarástæðum - ég segi ekki meira.

Icesaveskiltið í glugganum úti í London fær mig til að hugsa um hvort ekki megi rífa skiltið úr glugganum og demba því í hausinn á einhverjum útrásarníðingnum.

Hið eilífa skot af Kaupþingsfossaómyndinni í anddyri bankans gerir mig vitstola úr bræði.

Okei, ég ýki smá.

En þetta er samt svona um það bil nákvæmlega svona.

ARG.

 


mbl.is Hugmyndir Breta og Hollendinga kynntar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Árni Gunnarsson

Í íslenskri þýðingu minni þá er Jenný Anna að segja að við búum við heilsuspillandi stjórnvöld og engin úrræði á augsýn.

Hvenær fáum við nýjan Jörgen Jörgensen til að fleygja þessu andskotans hyski út úr Stjórnarráðinu og flytja sendimenn IMF til föðurhúsanna í gámi?

Árni Gunnarsson, 17.9.2009 kl. 16:42

2 Smámynd: Emil Örn Kristjánsson

Tilvitnun: "Icesaveskiltið í glugganum úti í London fær mig til að hugsa um hvort ekki megi rífa skiltið úr glugganum og demba því í hausinn á einhverjum útrásarníðingnum."

Það er alltaf sama refsigleðin hjá þér...

Emil Örn Kristjánsson, 17.9.2009 kl. 16:48

3 Smámynd: Jenný Stefanía Jensdóttir

Sammála,  búin að fá ógeð á café latte á rauðum dúk.

Get heldur ekki lengur notað orðið addna ..... nota því goðafræðimálið Æsseif ef ég þarf að tjá mig um hryllinginn.

Jenný Stefanía Jensdóttir, 17.9.2009 kl. 17:35

4 Smámynd: Jenný Anna Baldursdóttir

Emil: Alltaf sama húmorsleysið hjá þér.

Jenný: Segðu.

Árni: Bíðum með önd í hálsi eftir nýjum Jörgen.

Jenný Anna Baldursdóttir, 17.9.2009 kl. 19:38

5 Smámynd: S. Lúther Gestsson

Ég sem hélt að þessi færsla myndi fjalla eitthvað um Ice save.

En ég er ánægður að þú fórst ekki að minnast á það mál.

Hver er þessi nýji vinur þinn hér fyrir ofan mig?

S. Lúther Gestsson, 17.9.2009 kl. 22:54

6 Smámynd: Jenný Anna Baldursdóttir

Búin að taka þetta ógeð út Lúther.  Nafnlaust ógeð.

Jenný Anna Baldursdóttir, 17.9.2009 kl. 23:03

7 Smámynd: Emil Örn Kristjánsson

Tilvitnun: "Emil: Alltaf sama húmorsleysið hjá þér."

Átti þetta að vera fyndið?

Emil Örn Kristjánsson, 17.9.2009 kl. 23:37

8 identicon

Eða myndin af helv**** grísnum.... Gerir mann CRAZY!!!

Guðný (IP-tala skráð) 17.9.2009 kl. 23:49

9 Smámynd: hilmar  jónsson

Hva, Emil er annálaður gleðipinni og ærslabelgur...............hef ég heyrt...

hilmar jónsson, 18.9.2009 kl. 00:04

10 Smámynd: Emil Örn Kristjánsson

Og hrókur alls fagnaðar á mannamótum. Gleymdu því ekki.

Emil Örn Kristjánsson, 18.9.2009 kl. 00:38

11 Smámynd: Eygló

Ég hef séð Emil hrók alls fagnaðar á vegamótum : ) (bull, aldrei séð hann)

Eygló, 18.9.2009 kl. 00:55

12 Smámynd: Margrét St Hafsteinsdóttir

Ég er eiginlega búin að fá nett ógeð á stöfum í pastellitum síðan þetta skilti byrjaði að ásækja okkur

Margrét St Hafsteinsdóttir, 18.9.2009 kl. 02:40

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.