Ég vil Pál Baldvin í Þjóðleikhúsið - takk

Einu sinni var ég spurð af frómri blaðakonu (já, svo fræg) hvort ég væri kona sem hefði skoðanir á öllu.

Ég hélt það nú, enda bloggari og alles.

Ég var hins vegar ekkert að upplýsa hana um að oft á tíðum hef ég ekkert skoðun á því sem ég þykist hafa skoðun á.

Finnst bara gaman að steyta görn, jájá.

En ég hef sterka skoðun á því hver á að verða Þjóðleikhússtjóri.

Algjörlega upp á punkt og prik.

Páll Baldvin Baldvinsson, heitir maðurinn og ég hef þá trú að verði hann ráðinn þá renni upp nýir tímar í íslensku leikhúslífi og það til hins betra offkors.

Ég veit auðvitað ekkert um hvort það er rétt hjá mér, en mig grunar það.  Innsæi mitt hefur talað.

Ég þekki manninn ekki en við vorum samskipa í skólum Vesturbæjar.

Mér fannst hann þóttafullur og leiðinlegur unglingur svona séð frá sjálfri mér þar sem ég sat á mínum hrokastalli og virti fyrir mér öll fíflin í kringum mig ().

Hann skrifaði líka ömurlega krítík um eina af plötum míns heittelskaða í denn og það fannst okkur báðum skemmtilegt.

Ég held nefnilega að Páll Baldvin sé að mestu laus við sjálfshátíðarelementið sem þjáir íslenska listaelítu oft á tíðum.

Ég held að hann muni vinna Þjóðleikhúsinu gagn og þá áhorfendum í leiðinni með því að vera fyrst og síðast faglegur og sjaldnast eða aldrei í vinsældaleit.

Kommon þetta er maður með gífurlega þekkingu á málaflokknum.

Eini mínusinn við málið væri ef hann hætti í Kiljunni þar sem hann myndar stórskemmtilegt mótvægi við hina létt taugaveikluðu og stórskemmtilegu Kolbrúnu Bergþórsdóttur.

Sem ég er hins vegar ekkert hrifin af þegar hún skrifar í Moggann.

Já, ég vil Pál Baldvin.

Eins og ég hafi um það að segja.

Svo er hann beisíklí algjör dúllurass.

Vonandi er þetta þó rétt.

Athugasemdir

[Finnur Bárðarson, 14.9.2009 kl. 16:45]

"Palli dúllurass" jæja ekki finnst mér það, en þú sérð málið öðru vísi Jenný :)

[Ásdís Sigurðardóttir, 14.9.2009 kl. 17:09]

Þekki manninn ekkert, svo mér er nokkuð sama hver verður ráðinn, hlýtur að verða faglega ráðinn svo þetta verður allt í lagi.

[Skorrdal (IP-tala skráð) 14.9.2009 kl. 17:23]

Ha? Hver er það?

[er (IP-tala skráð) 14.9.2009 kl. 17:30]

Nei, plís ekki Pál.

[Guðrún Þóra Hjaltadóttir, 14.9.2009 kl. 17:58]

Ég held að Páll Baldvin myndi gera marga góða hluti í Þjóleikhúsinu, hann þorir.

[Jenný Anna Baldursdóttir, 14.9.2009 kl. 20:58]

ER: Jú, víst.

Guðrún Þóra: Algjörlega á því líka.

Skorrdal: Kynna sér mál.

Ásdís: Bannað að vera skoðanalaus í stóra Þjóðleikhúsmálinu.

Finnur: Þú verður að kynna þér hugtakið "dúllurass", en það er víðtækara en margan grunar.

[hilmar jónsson, 14.9.2009 kl. 21:40]

Egil Ólafsson..

[hilmar jónsson, 14.9.2009 kl. 21:47]

Nei annars, second thought: Jón Viðar...

[Maddý (IP-tala skráð) 15.9.2009 kl. 00:53]

Meló og Hagaskóla?   Ég var þar líka með ykkur Páli, man alltaf að hann var kosinn formaður nemendaráðs fljótlega eftir að við fórum yfir í Hagaskóla.  Já ég gæti alveg hugsað mér hann í hlutverki Þjóðleikhússtjóra.  

[Benedikta E, 15.9.2009 kl. 01:15]

Pál Baldvin - eða - Jón Viðar....................!

[Jenný Anna Baldursdóttir, 15.9.2009 kl. 11:47]

Jón Viðar?:  Nei, of klént.