Helvítis fokking fokk

Stundum grípur mig bjartsýni.

Ég fer að trúa því að hrunið kenni okkur nýja siði og nýjan þankagang.

Ég fer að telja mér trú um að svona lífsreynsla geti ekki látið heila þjóð ósnortna, að allt verði stokkað upp og það gefið upp á nýtt.

Ég læt mig dreyma um að klíkuskapur, vinátta, fjölskyldutengsl og fóstbræðralög heyri sögunni til sem atvinnumiðlanir á Íslandi.

Vá, ég verð að játa að ég barnalegri en mér er holt.

Vegna þess að lítið sem ekkert breytist.

Eins og sjá má hér, bara svo ég taki lítið dæmi.

Tek fram að þetta er ekki persónulegt, ég er bara orðin svo þreytt á þessu klíkuþjóðfélagi.

Á Íslandi skemmir það greinilega ekki fyrir að vera vel tengdur í fjölskyldu.

Helvítis fokking fokk.

Athugasemdir

[Ásdís Sigurðardóttir, 14.9.2009 kl. 13:30]

Það verður þá að fjölga landsmönnum, við erum svo tengd.

[Stefán (IP-tala skráð) 14.9.2009 kl. 13:37]

Hrafninn Flýgur hvergi þarna í sýningunni, eða er hann kanski of upptekinn við Suður-Amerísku ungpíurnar ?

[Ásthildur Cesil Þórðardóttir, 14.9.2009 kl. 13:39]

Tek undir með þér Jenný mín Helvítis fokking fokk. 

[Jenný Anna Baldursdóttir, 14.9.2009 kl. 13:40]

Ásdís: Svona tengd að í lítilli sýningu komi heil fjölskylda að?

Ætli það.

Stefnán: Mar spyr sig.

[Finnur Bárðarson, 14.9.2009 kl. 14:54]

Nýr þankagangur verður aldrei til. Þeir eru komnir á fullt aftur með t.d. Magna og kanadíska tannlækninn og fjárglæframanninn sem er kominn á kaf í vatnið á Snæfellsnesi.

[Jóhanna Magnúsar- og Völudóttir , 14.9.2009 kl. 15:58]

Æ, við erum eiginlega bara alveg ómöguleg

[Soffía Valdimarsdóttir, 14.9.2009 kl. 16:31]

Æ ég held því miður að ekkert hafi breyst, að stuttbuxnastrákarnir bíði bara á hliðarlínunni eftir færi til að halda ruglinu áfram.

[Skorrdal (IP-tala skráð) 14.9.2009 kl. 17:08]

Sólgleraugu, Jenný; það er það eina sem virkar við "bjartsýni"! Hafa þau bara nógu dökk!

[Bjarki Hilmarsson (IP-tala skráð) 15.9.2009 kl. 00:18]

Fjölskylduleikhús þjóðarinnar