Vinir mínir Eðjótur og Eymingi

Í dag vantaði mig bæði kaffi og kaffipoka.  Hafði gleymt að kaupa og búðin lokuð.

Ég bað nágranna minn hann Eðjót Hálfvitason um að lána mér kaffi.

Eðjótur sagði það sjálfsagt, hreint æstur í að redda mér um sopann en fyrst vildi hann að ég færi og fengi lánaðan kaffipoka hjá Eymingja nágranna okkar á efri hæðinni.

Aðeins þá færðu kaffið sem ég er samt alveg æstur í að lána þér og er hér tilbúið í poka.  Sjáðu! (Hann dinglar fjandans kaffinu fyrir framan glyrnurnar á mér).

Ég rýk til Eymingja á efri og bið hann að lána mér pokann.

Eymingi er game og alveg meira en til í að lána mér kaffipoka, jafnvel fleiri en einn.

En ekki fyrr en nágranni okkar beggja er búinn að afhenda mér kaffið.

Ég er enn að hlaupa á milli Eðjóts og Eymingja og er eiginlega komin á þá skoðun að ég hætti bara að drekka kaffi og biðji þessa fyrrum vini mína að troða drykk og meððí upp í sinn óeðla enda.

Þetta er leikurinn sem AGS og Norðurlöndin eru að leika við okkur Íslendinga þessa dagana.

Catch 22.

Atli Gísla vill að AGS leggi spilin á borðið.

Það vil ég líka.

Svo er mér skapi næst að segja þessum "vinum" okkar að hirða sína peninga þ.e. ef kjánaskapnum fer ekki að linna svona sirka nú þegar.

Sko það er með lánin eins og kaffið.

Hvern langar í þau á slíkum afarkostum?

Svo var mér að detta í hug svona í förbífarten hvort það sé ekki beisíklí auðveldara að flytja inn loftslag frá Brasilíu og hefja hér kaffirækt.

Svei mér þá, leikur einn miðað við þetta fyrirkomulag.

ARG.

Vill að AGS leggi spilin á borðið

Athugasemdir

[Sigurður Þorsteinsson, 25.7.2009 kl. 21:09]

Nei kæra Jenný, fyrst vill ESB að við samþykkjum Icesave, síðan vilja þeir auðlindirnar okkar, þá afnot af kvenfólkinu okkar, og síðan ætla þeir að hleypa okkur inn í hið allra heilagasta þ.e. ESB á með þeim skilyrðum sem þeir setja og loks að Svavar Gestsson verði formaður samninganefndar fyrir Ísland. ... og þá er bara að pakka saman og kveðja.

[Guðmundur Jónsson, 25.7.2009 kl. 21:30]

Ég hef tekið eftir því að blóðbergið er betur sprottið nú en mörg undanfarin á ár. Svo ég þarf ekki vini eins og Eðjót og Eymingja.

[Óskar Þorkelsson, 25.7.2009 kl. 21:42]

þá afnot af kvenfólkinu okkar..

HA eigum við konur ? ég hélt að íslenskar konur séu sjálfstæðar og hafi hingað til verið frekar hallar undir elrendan karlpening.. þarf ekki ESB til..  frekar hallærislegur málflutningur Siggi

[Bjarni Kristjánsson, 25.7.2009 kl. 21:53]

Kæra Jenný Anna. Mér fannst ótrúlegt að hvorki Eðjótur né Eymingi vildu lána þér svo ég hringdi í þá. Þeir sögðu mér að þú skuldaðir Holgeiri og Brjáni á neðri hæðinni en að þeir væru svo dipló að þeir vildu ekki segja það upp í opið geðið á þér að þeir treystu þér ekki til að borga til baka.

[Hrönn Sigurðardóttir, 25.7.2009 kl. 23:39]

Vantar bara hann Eril, góðkunningja lögreglunnar, í þessa sögu....

[Sigurður Þórðarson, 26.7.2009 kl. 01:31]

Gott hjá Atla

[Eyþór Örn Óskarsson (IP-tala skráð) 26.7.2009 kl. 01:34]

aðeins til að bæta við - ég held að einhver ættingi Jennýar hafi fengið þetta hjá Holgeiri og Brjáni, þetta voru kaffibaunir sem ættinginn fór með eittvað suður á bóginn og er þar að rækta kaffi sem hann ætlar að selja - þeir hinir vilja ekki lána Jenný kaffið sitt af því að þeir telja hana ábyrga fyrir afbrotum ættingjans - ekki það að þeir treysti henni ekki, heldur af því að þeir eru vissir um að ættinginn nái því líka og hvað gerir Jenný þá ???????????

Ég myndi að minnsta kosti rasskella kauða og láta hann skila baununum