Guði sé lof fyrir lítil vandamál

 

Hvað er það við Kók (akóla) sem gerir það að verkum að fólk ánetjast því?

Ég er ein af kókfíklunum, reyndar sykurskerts, en ég fæ beinlínis fráhvarfseinkenni fái ég ekki minn daglega skammt.

Ég skil þetta ekki.

Það er ekki eins og það sé pólitískt korrekt að þamba þennan svarta drykk sem enginn þekkir uppskriftina að.

Á tímum mikils áróðurs til að fá okkur til að lifa heilbrigðu lífi er það beinlínis hjólhýsapakkslegt að vera í kókinu.

Strax á unglingsárunum var ég búin að koma mér upp þróuðum kóksmekk.

Lítil kók, úr kælikassa, með glærum stöfum í grænleitri flösku var málið.

Það vissi hvert barn að stór kók, með hvítum stöfum og í bláleitu gleri var ódrekkandi viðbjóður.

Kókið var drukkið með Krummalakkrísröri á góðum degi þegar vasapeningarnir voru vel úti látnir.

Nú er kókheimurinn ekki svipur hjá sjón offkors.

Plast, sykurskerðing og aldrei nógu kalt er beisíklí málið í dag.

Heimur versnandi fer.

En vitið þið hvað?

Ég verð beinlínis ljóðræn í hugsun, verð væmin og voteygð þegar ég rekst á fallegt grænmeti í búðum.

Í gær, guð hjálpi mér, sá ég fallegan lauk.

Ha?  Það gerist ekki oft.

Laukurinn lá þarna, sléttur og fínn, óflagnaður og fagurskapaður.

Ég keypti fullan poka.

Svo í kvöld þegar ég skar í salatið og opnaði þennan dásamlega lauk þá var hann rotinn að innan.

Svei mér ef þetta er ekki kreppan.

Kókið ódrekkandi og grænmetið villir á sér heimildir.

Sjitt engu er að treysta lengur á Íslandi í dag.

En guði sé lof fyrir lítil vandamál.

Staða Coca-Cola styrkist á nýmörkuðum

Athugasemdir

[, 21.7.2009 kl. 19:58]

Já heimur versnandi fer og lengi getur vont versnað o.s.frv.    Ég var líka um árabil kókisti en eftir að kókið fór í 2 lítra plastumbúðir finnst mér það ekki einu sinni gott lengur. Nú drekk ég Pepsí í áldós aftarlega úr kælinum

[Helga Magnúsdóttir, 21.7.2009 kl. 20:12]

Ég fæ nett áfall ef það er ekki til Diet Coke í ísskápnum. Hendist út í búð eins og fjandinn sé á hælunum á mér. Ég sem nenni annars aldrei út í búð.

[Hrönn Sigurðardóttir, 21.7.2009 kl. 20:17]

Er þetta ekki caffeinið í cokinu sem gerir það að verkum að fólk verður vitlaust ef það á ekki kók?

Ég fæ alltaf svo mikinn hiksta af kók - get ekki drukkið það... sem betur fer

[Arnar Guðmundsson, 21.7.2009 kl. 20:22]

EG DREKK KÓK OG LÍDUR VEL

[Þórdís Bára Hannesdóttir, 21.7.2009 kl. 22:01]

Kók er hollt. Drekk light. Myndi drekka sykurkók ef það væri ekki svona fjári fitandi. Prins pólo og lakkrísrör með er algjör sæla.

[Eygló, 21.7.2009 kl. 22:19]

Sagt er að þetta sé það sama og með kaffið, enda hvort tveggja koffíndrykkir.

Þessir fíklar drykkju hvað sem væri ef hægt væri að kalla það kók/kaffi. Fráhvarf kemur 6-12 tímum eftir síðustu "inntöku"  Koffín fæst EKKI í apótekum, ekki einu sinni gegn lyfseðli.

Sofi ég mjög lengi, vakna ég með hausverk.  Þótt ekki séu komin fráhvarfseinkenni, dregur fíknin mann að efninu, þ.e. til að halda við.

[hilmar jónsson, 21.7.2009 kl. 23:08]

Er þetta ekki eins og með retturnar ?

I dont know what they put in it, but i shure like to smoke them..

[Jóhanna Magnúsar- og Völudóttir , 21.7.2009 kl. 23:53]

ef ég drykki kókakóla drykki ég kannski í grænleitri glerflösku, en hef vanið mig af því sem og ýmsum öðrum (ó)siðum, eiginlega vanið mig af öllu (coming to think of it)  nema af kaffi og  karlmönnum

[Hrönn Sigurðardóttir, 22.7.2009 kl. 00:25]

Þar er ég nú skrefinu á undan Jóhönnu! Hef algjörlega vanið mig af karlmönnum. Á bara kaffið eftir og þá getið þið farið að kalla mig Hreinlaugu

[Arnar Guðmundsson, 22.7.2009 kl. 00:28]

RITSKODUN RITSKODUNN Á MOGGABLOGGINU 11.,,

[Hrönn Sigurðardóttir, 22.7.2009 kl. 00:32]

Varstu núna fyrst að fatta það?

[Jóna Kolbrún Garðarsdóttir, 22.7.2009 kl. 01:09]

Jenný Anna ég get sagt þér að ég er búin að vera reyklaus í 4 vikur, ég hætti á sama tíma að drekka Pepsimax.  Ég féll á pepsímax drykkjunni fyrir tveimur vikum.  Það er erfiðara að hætta að drekka sykurlausa kóladrykki en að hætta að reykja.