Bláa höndin og allur sá pakki

Stundum eru fréttir svo krúttlegar.

Lögreglan á Sri Lanka hefur handtekið stjörnuspeking fyrir að spá bömmerum fyrir ríkisstjórn forseta landsins.

Þetta skil ég.

Ég meina hvað hef ég ekki oft gripið til kviðristukittsins hérna á blogginu þegar sumarstarfsmenn blaðsins hafa staðið í þýðingum á stjörnuspám?

Ha?

Kannski hefði ég átt að senda lögguna á stjörnuspekinginn.

Nú eða spákonurnar sem ég lét ljúga að mér í æsku minni.

Alveg: Fjögur börn og eitt hamingjusamt hjónaband þar til dauðinn skilur ykkur að.

Ég trúði þeim alveg. (Átti mín ljóskumóment).

Og botnaði ekkert í af hverju þetta gekk ekki eftir.

Núna, fjölmörgum eiginmönnum síðar með þrjár mannvænlegar dætur, sé ég að spádómar þessarra spákvenna voru ekkert annað en lögreglumál.

Þær lugu að mér eins og sprúttsalar á sterum.

Þetta stönt hjá löggunni á Sri Lanka. að handataka stjörnuspekinginn hefði alveg geta gerst þegar t.d. Davíð Oddsson var forsætisráðherra.

Ég get alveg séð hann fyrir mér láta ná í Gulla Stjörnu og hundskamma hann fyrir neikvæða spádóma.

Ég meina, kallaði hann ekki Hallgrím Helga á teppið og lagði honum lífsreglurnar ha?

Bláa höndin og allur sá pakki.

Ég sverða.

Handtóku stjörnuspeking fyrir slæma spádóma

Athugasemdir

[Jenný Stefanía Jensdóttir, 26.6.2009 kl. 19:32]

Ekki er ég í krúttkasti yfir þessum fréttum dagsins:

"umsátur um Ísland,  landið sigrað, ef ekki .... þá strandar allt."

Spurning hvort handtaka eigi þetta fólk fyrir "slæma spádóma".

Æjjji nafna,  I am done completely, en óska þér samt góðrar helgi í frábæru veðri.

[Dúa, 26.6.2009 kl. 23:20]

Spámenn og miðlar....piff

[Lilja Guðrún Þorvaldsdóttir, 26.6.2009 kl. 23:21]

Já "Bláa höndin" er söm við sig, og henni bregst ekki bogalistin, er enn á fullu í stríði við alla sem andmæla. -

Man að Baltasar Kormákur kom í Kastljósið og sagði frá því að Davíð hafði kallað hann á teppið, vegna skoðanna listamannsins, sem ekki voru samkvæmt bók Bláu handarinnar.. ... 

[Solveig (IP-tala skráð) 27.6.2009 kl. 01:40]

Það er þó virðingarvert að þeir ætli að rannsaka til hlítar á hverju hann byggir spádómana. Er það innbyrðis afstaða stjarna, innyfli fugla, greiningardeildir banka, telauf... að vísu allt í svipuðum áreiðanleikahæfisflokki. Ö mínus.

[Ásthildur Cesil Þórðardóttir, 27.6.2009 kl. 01:47]

Jamm svona er lífið Jenný mín, þanebblegaþa

[Hildur Helga Sigurðardóttir, 27.6.2009 kl. 19:42]

Lilja Guðrún; Er þig ekki að misminna ?

Hallgrímur Helgason var tekinn á teppið hjá Davíð á sínum tíma -og sagði frá opinberlega.

Hins vegar fór Baltasar Kormákur í framboð til borgarstjórnar fyrir Sjálfstæðisflokkinn fyrir nokkrum árum. Rekur ekki minni til að D.O. hafi skammað Balta fyrir það.