Aldrei, aldrei, aldrei, fótboltablogg!

 

Einn af andlausari dögum þessa sumars er í dag hvað mig varðar og vonandi verður hann fljótur að líða.

Er reyndar með flensu og var slegin þeirri hugsun áðan að kannski væri það svína.

Hélt jafnvel að það kæmi í bakið á mér að vera með yfirlýsingar um daginn um að ég hræddist ekki flensur, af hvaða toga sem væri.

Það er yfirleitt þannig hjá mér í lífinu að ég má ekki fullyrða um nokkurn skapaðan hlut, þá hreinlega gerist það gagnstæða og lætur sjaldnast bíða eftir sér.

Fullyrðingar eins og; ég ætla aldrei að blogga, aldrei að fara á feisbúkk, aldrei að versla í Bónus (eftir hrun), aldrei á sólarströnd, aldrei að borða hákarl, aldrei að verða alki (já ég veit, manni er ekki við bjargandi), aldrei að falla fyrir tónlistarmanni, hvað þá giftast einum, aldrei að blogga um fótbolta, hafa heldur betur komið aftan að mér.

Nú er sem sagt komið að síðasta lið á aldrei listanum.

Fótboltabloggi.

En það er út frá fagurfræðilegum sjónarmiðum sem ég blogga um Ronaldo.

Róleg, nei mér finnst hann ekkert ofboðslega fagur þó hann sé sykursætur og svona.

Hann er nefnilega plebbi.

Hangir með París Hilton.

Er í Gucci skóm, með tösku, belti og bílsæti "to match".

Er ofurtanaður.

Algjör "tíu árum síðar" nörd.

Svo er hann montinn eins og hani.

En hvað um það.

Hugsí, hugsí, hvað á ég eftir að gera sem ég ætla aldrei að gera?

Jú, halda á spikfeitri könguló.

Það verður friggings aldrei.

Tókuð þið eftir að það er ekki minnst einu orði á bolta í þessu fótboltabloggi?

Súmí.

Ronaldo útskýrir af hverju hann yfirgefur United

Athugasemdir

[Ragna Birgisdóttir (IP-tala skráð) 21.6.2009 kl. 19:53]

Millfóturinn hans er greinilega líka eftirsóttur

[Dúa, 21.6.2009 kl. 20:13]

Kemur grannvaxin könguló til greina?

[Halldór Jóhannsson, 21.6.2009 kl. 21:41]

Öfund nokkuð í gangi???

[Gísli Baldvinsson (IP-tala skráð) 21.6.2009 kl. 21:43]

Jeræt, nú þarf maður að fylgjast með fótboltanum líka hjá þér...úff.

[Hrönn Sigurðardóttir, 21.6.2009 kl. 22:03]

Ég var að hugsa um að heimsækja þig í morgun, þar sem ég gisti nánast í næsta húsi við þig.

Eins gott að ég gerði það ekki. Ég nenni ekki að fá svínafótaflensu.

[Dúa, 22.6.2009 kl. 00:14]

Ég var smá að velta fyrir mér kommenti Halldórs, sem er svona: "Ekki-setja-út-á-neitt-því-þá-ertu-abbó".

En svo sá ég að mér og hætti því

[Jenný Stefanía Jensdóttir, 22.6.2009 kl. 01:30]

Fúlt að fá flensu á lengsta degi ársins kæra vina, vona að þú snýtir henni fljótt út, með lýsi, bláberjasafa, og góðri hvíld.

Er búin að vera í algjöru workát fríki þessa viku, búin að ganga samtals í  15 klst, og berja 300 bolta langt út í buskann.  Jamm maður er gjörsamlega fallin flatur í þessa litlu hvítu kúlu íþrótt.

[Jónína Dúadóttir, 22.6.2009 kl. 08:19]

Einhver nefndi öfund hérna... mér finnst það vera algerlega út úr kortiÉg get nefnilega ekki með nokkru móti ímyndað mér að Jenny langi til að vera karlkyns pjattrófa með vitið í fótunum

[Jenný Anna Baldursdóttir, 22.6.2009 kl. 08:46]

Öfund?  Hahahaha.  Nei mig langar ekki að vera karlmaður auli.

Takk fyrir skemmtileg innlegg.

Jenný: Ertu að gólfa?  Djísús.

[Halldór Jóhannsson, 22.6.2009 kl. 21:18]

Þetta innlegg mitt var bara í gríni sett...ekkert annað...Biðst afsökunar ef þið haldið að ég sé að meina eitthvað annað(eða þið viljið túlka mín orð öðruvísi úr því að ég er karlmaður)..Og Jenný ég skal taka til mín að ég sé auli,ekkert mál...Ég las þín skrif sem grín...en það gildir kanski annað um mín skrif..

Ef vilt skal ég ekki kommenta hjá þér aftur...

Eigið góðar stundir..

[Ragna Birgisdóttir (IP-tala skráð) 22.6.2009 kl. 23:00]

Það eru allir að grínast hér Halldór.

[Jenný Anna Baldursdóttir, 22.6.2009 kl. 23:16]

Halldór minn ég var bara að grínast og meinti ekkert með þessu. 

Það er alveg satt.