Svona er það í Kópavogi

Í Kópavogi gilda aðrar reglur en annars staðar. 

Eða ekki.

Kannski er það virðingarleysi víkinga fyrir lögum og reglum, bæði inn- og útrásar, sem hafa komið okkur á kaldan klaka.

Gunnar í Kópavogi segir að gagnrýni á viðskipti bæjarins við dóttur hans sé skítapólitík.

Hann segir að virt endurskoðunarfyrirtæki vaði í villu þegar það gagnrýnir dótturfélagsfyrirkomulagið.

Gunnari finnst FME eiga að vasast í mikilvægari málum í stað þess að fetta fingur út í þá staðreynd að stjórn lífeyrissjóðs starfsmanna Kópavogs, með Gunnar í fararbroddi,  tóku upplýsta ákvörðun um að fara á svig við lög.

Jabb, svona er það í Kópavogi.

Og Flosi, hættu að væla, þú varst með í geiminu.

Frekar ósannfærandi þessar eftiráútskýringar þínar.

Urrrrrrrrrrrrrr

Sakar Gunnar um blekkingar

Athugasemdir

[Jón Ingi Cæsarsson, 21.6.2009 kl. 13:19]

Nú Nú... á Flosi að þegja... á ekki að setja allt upp á borðið eða ertu að leggja til að hann leyni upplýsingum.... öðruvísi mér áður brá

[Elfur Logadóttir, 21.6.2009 kl. 13:20]

En Jenný, er það sanngjarnt að krefjast þess af Flosa að hann "hætti að væla" eins og þú setur það fram? Allt fram á síðasta föstudag varði hann ákvarðanir stjórnarinnar af því hann taldi sig hafa allar upplýsingar og sjónarhornið hans væri því betra en Fjármálaeftirlitsins.

Síðan virðist hann hafa fengið frekari gögn sem sýna fram á að stjórn lífeyrissjóðsins og Fjármálaeftirlitinu var greint rangt frá og skuldastöðu hagrætt í bókhaldi til að sýna aðra stöðu en raunveruleg var.

Er þá ekki einmitt hárrétt hjá honum að stíga fram og segja frá því? Viljum við ekki einmitt heiðarleika í þessum efnum? Hann taldi sig í góðri trú en komst að því að svo var ekki og greindi því frá óheiðarleikanum.

Hans feill var kannski að trúa því að gögn sem fyrir hann og aðra stjórnarmenn voru lögð væru rétt og endurspegluðu sannleikann allan.

[Ingibjörg Hinriksdóttir, 21.6.2009 kl. 13:24]

Jenný, Flosi á einmitt ekki að þegja. Þegar formaður stjórnar platar stjórnarmenn LSK og FME vísvitandi þá er engin ástæða til að þegja.

Bíddu eftir kvöldfréttunum, þá skýrist málið vonandi betur.

[Guðrún Emilía Guðnadóttir, 21.6.2009 kl. 16:10]

Jenný er nú bara að segja honum að hætta að væla, en ekki að þegja.
Það á auðvitað að taka allt niður í grunninn núna, hvort sem það er í Kópavogi eða annarsstaðar. Uppræta sorann, nú við vitum að hann svo byrjar hægt og rólega aftur.