Ég styð allan fjandann

Ég er að velta því fyrir mér svona í morgunsárið hvort það sé þroskamerki, nú eða hrakandi heilaheilsa sem gerir það að verkum að þessa dagana finnst mér ég ekki skilja eitt né neitt og vita enn minna.

Í alkafræðunum sem hafa haldið mér edrú vel á þriðja ár segir að einfalda skuli hlutina.

"Keep it simple".

Það er ekki létt verk að heimfæra þá speki inn í hvunndaginn sem blasir við okkur í þeim hörmungum sem ganga yfir landið.

En ég ætla að reyna.

--

Ég styð ríkisstjórnina enn og mun gera þangað til annað kemur í ljós.

Eins og t.a.m. ef það er ætlunin að laumupokast með Icesave-samninginn í gegnum þingið. 

Þá er það adjö stuðningur og ég fer í mótmælabomsurnar.

--

Ég styð algjörlega og undantekningalaust rétt fólks til að mótmæla og sýna borgaralega óhlýðni og það án tillits til hvort ég er sammála tilefninu eða ekki.

Mér hrýs satt best að segja hugur við taktík lögreglunnar gagnvart mótmælendum á Austurvelli í gær og ég er að velta því fyrir mér hver hefur gefið fyrirskipanir um þessa valdbeitingu þeirra gagnvart almennum borgurum.

--

Ég styð líka rétt Sigmundar Davíðs til að missa sig og garga í ræðustól Alþingis, þó ég sé hrædd um að það sé ekki að gera mikið fyrir ímynd hans né Framsóknarflokksins.

(Æ,æ).

--

Ég styð málaefnalega umræðu en hafna skítkasti nema þegar ég sjálf á í hlut, um mig gilda einfaldlega aðrar reglur. (Úje).

--

Ég styð fullt af öðrum hlutum en má ekkert vera að því að sitja hér og tíunda þá.

Er svo bissí dúing noþþíng.

Later.

 

Ríkið stígur fyrsta skrefið á langri ferð

Athugasemdir

[Hrönn Sigurðardóttir, 16.6.2009 kl. 09:47]

Tek mitt fyrsta skref í að styðja þig fullkomlega

[Steingrímur Helgason, 16.6.2009 kl. 10:22]

Ég mótmæli allur !

[Ía Jóhannsdóttir, 16.6.2009 kl. 11:39]

Já já um að gera að styðja allan fjandann er á meðan er annars fer þessi blessuð stjórn að rúlla fljótlega.

Svo bara góðan dag Jenný mín.

[hilmar jónsson, 16.6.2009 kl. 12:42]

Já þú ert bara furðu spræk Jenný mín, miðað við aldur og fyrri störf.he he he

[Guðrún Emilía Guðnadóttir, 16.6.2009 kl. 12:55]

Ég held að ég stefni að einhverju nýju, þetta fer allt að fara til fjandans.

[, 16.6.2009 kl. 13:02]

þú ert nú líka svo styðjandi

[Jón Bragi Sigurðsson, 18.6.2009 kl. 10:42]

Met það stórlega við þig Jenný að þú ert trú þinni sannfæringu og lætur hana ekki af hendi í skiptum fyrir flokkshollustu eða persónudýrkun. Betur færi ef fleiri væru á sömu línu.