Af hverju?

Ég er sammála þessari greiningu Berlingske í dag.

Þar segir að þótt ekki nema tíundi hluti ásakana á hendur útrásarvíkingunum standist þá sé sennilega um að ræða stærsta svikamál Evrópu frá seinni heimstyrjöld.

Þetta vitum við íslenskur almenningur og það sem meira er, afleiðingarnar gefa okkur utanundir í formi skertra lífskjara, atvinnuleysis, fátæktar og óvissu, á hverjum einasta dagi.

Merkilegt samt að miðað við stærð málsins, áhrif þess á Ísland og fleiri lönd gargi á mann ef maður er með eðlilega sjón, heyrn og þokkalega áttaður á stað og stund, þá má ekki við neinu hrófla.

Af hverju eru eigur þessara glæpahunda ekki frystar á meðan rannsókn fer fram?

Af hverju er eina lausnin að afhenda reikninginn íslensku þjóðinni?

Af hverju situr enginn á bak við lás og slá?

Af hverju, af hverju, spyr ég eins og sá bjáni sem ég er.

Með þessu áframhaldi ná þessir blekkingameistarar að koma undan hverri krónu.

Jabb, og við borgum.

Það er fjandinn hafi það ekki öðruvísi.

 

Stærsta svikamál frá stríðinu

Athugasemdir

[Birna Dis Vilbertsdóttir (IP-tala skráð) 7.6.2009 kl. 12:40]

Þetta er svo ógeðfellt allt saman.Og fróðlegt að vita af hverju samfó  og VG hafa ekki sett lög á þessa menn.Við vitum af hverju hinir gerðu það ekki.

[Guðríður Haraldsdóttir, 7.6.2009 kl. 12:41]

Með því að semja við Breta náum við smá af mannorði þjóðarinnar aftur. Finnst þó samningurinn ansi harður og vextirnir háir. Hefðum þurft að hafa handrukkara með í samningaviðræðunum, held ég ... Hef heyrt miklar samsæriskenningar um að ástandið sé mun hroðalegra en af er látið og þá væri betra að hafa Breta með okkur en á móti.

[Óskar Þorkelsson, 7.6.2009 kl. 12:42]

Ég skal svara spurningum þínum á einfaldan hátt.

Ástæða þess er sú að löggjafinn er sekur líka. Lög á íslandi eru sett til þess að vernda vini og flokksmenn.. ekki land og þjóð.. 

Útrásarvíkingarnir nýttu sér gersamlega úrelta og vonlausa löggjöf sem sett var af tvíeykinu XD og XB á síðustu áratugum til þess að vernda eigin hagsmuni.. en kom síðan í bakið á þjóðinni !

[Guðrún Emilía Guðnadóttir, 7.6.2009 kl. 13:05]

Þær kenningar sem Guðríður hefur heyr eru sannar, svo afar, að kannski er bara betra að smjaðra fyrir tjallanum þó á móti því ég sé.
Þoli ekki svona smjaður, en tilneydd erum við , eða hvað?.

Nokkuð rétt hjá Óskari, bara að þetta byrjaði eftir stríð og hefur viðgengist síðan; Það er vinar-greiðinn, flokksklíkan, ef þú gerir þetta þá geri ég hitt, stigmagnast hefur það alveg fram á þennan dag og ansi er ég hrædd um að það hverfi aldrei.

[Sigrún Jónsdóttir, 7.6.2009 kl. 13:08]

Þurfum svo sannarlega að fara að fá svör við öllum þessum "af hverju" spurningum.

[Hrönn Sigurðardóttir, 7.6.2009 kl. 13:22]

Er komin með upp í kok af alls kyns samsæriskenningum!

Hinu vil ég svo sannarlega líka gjarnan fá svör við....  Hvað á að bíða lengi?

Ég get orðið óð af að velta þessu fyrir mér!

[sigurður örn brymjolfsson (IP-tala skráð) 7.6.2009 kl. 13:35]

Hvað ertu að kvarta, er ekki Lalli Jóns kominn bak við lás og slá...nei, bíðum við, hann var ekki einn af útrásarvíkingunum...eða hvað??

Annað mál, ég hef heyrt að það sem ekki hefur verið sagt frá með Icesave samningin er að íslendingar sem búa á Íslandi þegar skrifað er undir mega ekki yfirgefa landið fyrren eftir 16 ár þegar örugglega er búið að borga þessa milljarða...er eitthvað til í þessu?

[zappa (IP-tala skráð) 7.6.2009 kl. 15:04]

þetta er allt að koma,búnir að slá skjaldborg um breta og erum að skuldsetja okkur á norðurlöndum,síðan er ætlunin að fá að skulda rússum...klikkað ekki satt...

[B.N. (IP-tala skráð) 7.6.2009 kl. 15:41]

Grein sem birtist eftir mig sjómannadaginn 6.júni 2004 í Morgunblaðinu ,Lýðveldið Ísland og Evrópusambandið þar sem lesa má hvernig undirrritaður horfði yfir sviðið og sá ekkert nema það sem við erum að upplifa í dag í Svikamylluspilinu.

http://mbl.is/mm/gagnasafn/grein.html?grein_id=802288

Baldvin Nielsen,Reykjanesbæ

[hilmar jónsson, 7.6.2009 kl. 17:17]

Og hvar er Nígería stödd í dag Pétur ?

[Lilja Guðrún Þorvaldsdóttir, 7.6.2009 kl. 23:19]

Merkilegt sem hún Gurrý segir þarna! Og ekki er síður athyglivert það sem hann Óskar segir.

Á morgun verður þetta lagt fyrir Alþingi, þá fáum við vonandi að heyra það sem haldið hefur verið leyndu fyrir okkur. .

[Margrét Birna Auðunsdóttir, 7.6.2009 kl. 23:49]

Þetta er smám saman að síast inn, við erum farin að jánka og hrista hausinn þegar ástandið ber á góma þegar við fréttum af nýjum og nýjum skerðingum, svona eins og maður tekur náttúruhamförum. Ég bíð eftir að fá að vita hvort ég verð með vinnu í haust, það lítur ekki út fyrir að það verði neinn peningur til. Samt er þetta nú bara vinna með fötluðum. Við brostum skilningsríkt hvor til annarrar og sögðum já, þetta er ástandið. Erum við sauðir eða hvað?