Ást úr fjarlægð

Esjan hefur verið hluti af umhverfi mínu sem ég get endalaust dáðst að og jafnvel fengið kökk í hálsinn yfir.

Ég elska hana úr ákveðinni fjarlægð.

Eins og Bítlana, tunglið og sólina.

Mér hefur aldrei dottið í hug að vaða upp í hlíðar Esju til að kynnast henni nánar, ekki frekar ég hef áhuga á að kynnast Bítlunum persónulega (enda betri helmingur þeirra dauður), hvað þá heldur að mig langi á sólina og tunglið.

Ákveðin tegund ástar er best úr fjarlægð.

Það reynir á hrifinguna ef skotmark kærleikans kemur of nálægt, það getur hreinlega tekið gredduna úr málinu.

Hver kannast ekki við að hafa orðið fyrir vonbrigðum með viðfangið þegar það ropar, klórar sér í rassinum eða hlær eins og hýena?

En undanfarin eitt til tvö ár hitti ég ekki kjaft sem er ekki rétt ókominn af Esjunni eða á leiðinni þangað í töluðum orðum.

Esjukreisið er alls ráðandi.

Ekki að það sé mér ekki að meinalausu, gott mál ef fólk vill klifra.

Reyndar er þetta ódýrara kreis en t.d. jeppa- einkaþotu- og sumarhallakreisið.

Bót í máli það.

Hvað um það, ég hef klifið tvö fjöll og það var í skólaferðalagi.

Litli Dímon og Helgafell eru í minni ferilskrá.

Og ég man að ég var að niðurlotum komin í bæði skiptin.

Eftir Dímon lagði ég hugmyndinni um príl á fjöll.

Það er svo mikið ekki ég.

Það var þegar ég var tólf.

Mikið árans þroskuð sem ég var - og er.

Jabb.

Fólk í villu á Esju

Athugasemdir

[Ía Jóhannsdóttir, 7.6.2009 kl. 09:59]

Þarna erum við enn og aftur sammála.  Ég elska fjöll en aðeins úr fjarðlægð.  Ég hef prófað að ganga á Dimon og Reynisfjallið klifraði og oft upp og niður sem krakki en færi ekki einu sinni upp í hálfar hlíðar í dag. 

Enda kemur það hér glögglega í ljós að fólk veður bara í vilu.

[Ía Jóhannsdóttir, 7.6.2009 kl. 10:02]

Hér á að standa auðvitað fjarlægð veit ekki hvaða fjörð ég er að tala um.

[Guðrún Emilía Guðnadóttir, 7.6.2009 kl. 10:14]

Ég vill frekar aka um þau, en ganga, enda aldrei gert það nema þegar ég var á skíðum sem krakki þá var nú ekki skíðalyftunum fyrir að fara fjandi er ég orðin gömul.

[Jón Bragi (IP-tala skráð) 7.6.2009 kl. 10:24]

Finnst þér ekki Esjan vera sjúkleg

Og Akrafjallið geðbilað að sjá?

[hilmar jónsson, 7.6.2009 kl. 12:13]

he he he....