Gleypt og skilað?

 

Ég veit um mann, alveg satt, hann er utan af landi.

Hann átti til að gleypa peninga annað slagið þegar sálin í honum var ekki upp á sitt besta.

Hann vildi meina að þar væru þeir öruggastir.

Gleypa - skila - gleypa - skila.

Hin eilífa hringrás var notuð í stað banka.

Þetta hafði það í för með sér að maðurinn var fluttur í hús, með mörgu fólki, sumu í hvítum fötum, og hann var klæddur í aðskorna treyju með furðulegum ermum.

(Eða hefði verið væri þetta blákaldur sannleikur).

Þú mátt eiginlega ekki borða lykla, peninga, úrgang (þó sumar unnar matvörur hér á landi falli klárlega í þann flokk, nó dád abátitt) eða annað sem til óætis telst og getur verið heilsu þinni beinlínis hættulegt.

En gerir þú þetta þá áttu á hættu að  það verði skutlast til þín með ofannefnda treyju og þú klæddur í þessa sérstöku hönnun á fatnaði.

En svo eru sumir sem sleppa þrátt fyrir vægast sagt perralega siði við matarinntöku.

Þeir strá gullflögum yfir rísóttóið sitt þegar þeir vilja gera vel við sig.

(Ég spyr; hvað er að heiðarlegu silfri?).

Þrátt fyrir að málmblæti þetta sé til á myndum og skjalfest stendur á að mennirnir með treyjuna komi til á blússandi fart.

Hvar eru þeir?

Halló!

En hvað ætli viðkomandi strágull hafi verið mörg karöt?

Ég er forvitin.

Notuðu viðkomandi merkismenn- og konur aðferð mannsins sem ég minnist á?

Gleyptu og skiluðu?

Eða var eðalmálmi þessum bara kúkað í klósettið?

Nehei, það getur ekki verið.

Þetta fólk er auðvitað fullkomlega áttað á stað og stund en fer bara svo vel meða. 

Og nú veina ég á kviðristukittið sem aldrei fyrr!

Hjálp.

Athugasemdir

[Ragna Birgisdóttir (IP-tala skráð) 28.5.2009 kl. 15:51]

Þetta hefur líklega verið þeirra hinsta ráð til þess að reyna að teljast konungbornir.Að skíta gulli!!!!!!!!!!!!!!!

[Hrönn Sigurðardóttir, 28.5.2009 kl. 16:09]

Ég áttaði mig á því að þú varst ekki að segja satt þegar þú þóttist vita um mann utan af landi.......

Hitt er náttúrulega svo absúrt að ég nenni ekki einu sinni að hneykslast yfir því!! Ónáttúra sem þetta er. Það ætti að senda þetta fólk í sveit að moka skít í nokkur ár og athuga hvort þau nái jarðsambandi.

[Jenný Anna Baldursdóttir, 28.5.2009 kl. 16:11]

Hrönn: Hehe, ég vildi bara að það væri á hreinu að ég þekki ekki fólk utan að landi.  Hef heiðurs að gæta júnó.

Spurningin er að reyna að fíflast með þetta, ef ég gerði það ekki þá myndi ég fremja eitthvað.

Ragna: Segðu.

[Hrönn Sigurðardóttir, 28.5.2009 kl. 16:22]

Ænó

[Héðinn Björnsson, 28.5.2009 kl. 16:49]

Ég er gáttaður á hvað þú átt mörg orð yfir þetta allt saman því ég er alveg bit. Þetta fólk hefur greinilega verið alveg kolklikkað.

[Sigrún Jónsdóttir, 28.5.2009 kl. 18:02]

Frábær

[Garún, 28.5.2009 kl. 18:15]

Það er til sjúkdómur sem er svo ótrúlega laumulegur að skrítin að maður næstum finnur til sektar að nefna hann á  nafn.  Milljónablinda heitir hann.  Aðaleinkenni milljónablindu eru: sjúklingurinn finnur sig knúin að borða risotto með gullflögum!  Sjúklingurinn finnur sig knúin að hlusta Live á Elton John!  Sjúklingurinn getur ekki horft á fréttir nema að Tina Turner haldi í hendina á honum og jarmi á tveggja mínútna fresti.   Það eina sem læknar þennan sjúkdóm er svokallað auratap og ef við ruglum þeim stöfum saman og setjum OG á milli þá fáum við út apar og tau!  Sem er algjörlega hættulegt því sjúklingurinn vill örugglega kaupa það líka! 
ÚFF þessi frétt er svo hræðileg því hún hræðir mig svo mikið, næstum jafn mikið og Draumalandið sem ég sá í bíó.  Veit ekki hvort ALLT er að fara til fjandans eða að ég er bara að uppgötva að ALLT er farið til fjandans!  

[Helga Magnúsdóttir, 28.5.2009 kl. 18:22]

Hvaða hvaða, hafið þið aldrei fengið  ykkur gull með matnum? Svei mér þá hvað þið getið verið miklir nesjamenn.

[Jenný Anna Baldursdóttir, 28.5.2009 kl. 21:12]

Garún: Arg.

Helga: Segðu.

[Lilja Guðrún Þorvaldsdóttir, 28.5.2009 kl. 21:36]

Ég hafði heyrt um að margir af þessum öpum væru með "gullklósett", en ég vissi ekki að þeir væru svo vitlausir að éta gull, ég hélt að þeir væru allir í hollustunni.  Nú skilur maður hvað varð þeim að falli.