Þessi fallega stúlka

Yngsta dóttir mín hún Sara Hrund (28 ára), mamma Jennýjar Unu og Hrafns Óla er að útskrifast sem stúdent í dag. 

Á þeim fjórum árum sem hún tók í námið eignaðist hún tvö börn, var alvarlega slösuð í baki, en það varð til þess að hún ákvað að klára það sem hún hafði byrjað á nokkrum árum áður.

Hún útskrifast með toppeinkunnir að sjálfsögðu og ef þið hafið ekki áttað ykkur á því enn, þá tilkynnist hér með að ég er afskaplega stolt af henni.

Ég er reyndar rígmontin af öllum stelpunum mínum enda allar hver annarri fallegri og duglegri og það sem meira er um vert, þær eru gegnheilar og góðar manneskjur.

 

Myndirnar voru teknar á dimmiteringunni um daginn. 

Í dag er það útskriftarathöfnin í Háskólabíó og svo veisla á eftir.

Þetta er stór dagur, það eina sem vantar upp á fullkomnun er að miðstelpan mín hún Maya er í London og verður fjarri góðu gamni.

Ég er sem sagt í hátíðarskapi og með tárin í augunum.

Þannig er ég alltaf á svona stundum, algjör grenjuskjóða.

Í stúdentaveislunni hennar Helgu Bjarkar (elstu) fengjum við Diddú til að syngja og ég grenjaði flóði af einskærri hamingju.

Annars er ég töffari upp á tíu.

Njótið dagsins.

Athugasemdir

[Hrönn Sigurðardóttir, 21.5.2009 kl. 09:37]

Til hamingju með daginn og gullmolann þinn hana Söru. Hún er dugnaðarforkur

[Guðrún Emilía Guðnadóttir, 21.5.2009 kl. 09:42]

Elsku frænka ég skil þig vel og bara táraðist við þennan lestur, ekkert er yndislegra en börnin okkar fallegu og það skemmir ekki að þau eru falleg og vel gefin, verð að monta mig aðeins tvíburarnir mínir(barnabörnin) sögðu mér einkunnir sínar í gær og eru það allt 9 nema í tveim fögum og amma táraðist, reyndi samt að láta ekki á miklu bera, þær taka stúdentinn á þremur árum og útskrifast næsta vor.
Til hamingju með hana Söru Hrund sannarlega er hún búin að vera dugleg enda gleði og hamingja í kringum hana.
Góða skemmtun í allan dag þú birtir okkur svo myndir, annað er eigi í boði.
Knús knús
Milla.

[Sigrún Jónsdóttir, 21.5.2009 kl. 09:43]

Innilegar hamingjuóskir með Söru þína  Flott er hún stelpan

[Þröstur Unnar, 21.5.2009 kl. 09:58]

Til hamingju með stúlkuna.

[Einar Indriðason, 21.5.2009 kl. 10:02]

Til hamingju með stelpuna :)

[Garún, 21.5.2009 kl. 10:49]

Til hamingju með stelpuna og fjölskylduna!  Töffarar þurfa að vera með mjúka fyllingu því annars eru öll konfektin eins!

[Jenný Stefanía Jensdóttir, 21.5.2009 kl. 12:55]

Innilegar hamingjuóskir,

(góð athugasemdin hjá Garúnu)

[Ragna Birgisdóttir (IP-tala skráð) 21.5.2009 kl. 13:08]

Til hamingju með fallegu stúlkuna þína.

[Ásdís Sigurðardóttir, 21.5.2009 kl. 13:27]

Innilegar hamingjuóskir með duglega stelpuna þína.

[Jónína Dúadóttir, 21.5.2009 kl. 13:43]

Til hamingju

[M, 21.5.2009 kl. 14:01]

Til hamingju með dótturina :-)

[Lilja Guðrún Þorvaldsdóttir, 21.5.2009 kl. 15:34]

   Hjartans hamingjuóskir með þig og stelpusponsið þitt hana Söru Hrund.  Það væri gaman að heyra hvað hún nafna þín litla hefur að segja um þennan merka atburð.

  Ég tek líka heilshugar undir með henni Garúnu. 

[Helga Magnúsdóttir, 21.5.2009 kl. 15:40]

Til hamingju með dótturina. Æðislegt þegar börnin manns eru að afreka eitthvað og standa sig.

[Anna Ólafsdóttir Björnsson, 21.5.2009 kl. 15:54]

Til hamingju með hana!

[Hildur Helga Sigurðardóttir, 21.5.2009 kl. 16:43]

Hjartanlega til hamingju með fallega stúlku og fallegan dag

[Heiða B. Heiðars, 21.5.2009 kl. 18:51]

Montrass!!!

.....en ok, mátt það alveg :) Til hamingju esskan mín!!

[Brjánn Guðjónsson, 21.5.2009 kl. 19:14]

til hamingjuna með móðurbetrunginn

gullfalleg snót og flott hjá henni að klára námið þrátt fyrir barneignir og allt sem þeim fylgir. toppeinkunnirnar koma mér ekki heldur á óvart.

stúlkan er svo vel ættuð

[Jóna Á. Gísladóttir, 21.5.2009 kl. 19:57]

Ertu ekki að djóka?? Ég horfði á myndina og hugsaði: æi en sætt hún hefur sett inn mynd fra því að Sara var í grunnskóla....

Ertu viss um að þú munir þetta rétt? Er hún ekki bara 15 þessi stelpa? Gæti verið að rugla mig í ríminu að sennilega var Sara ófrísk þegar ég hitti hana síðast, með kúluna út í loftið og kannski smá bollukinnar... veit ekki. Þessi stelpa er allavega bara ungabarn og alveg hrikalega sæt. Til hamingju með hana dúllan mín.

[Jenný Anna Baldursdóttir, 21.5.2009 kl. 20:04]

Ég er montin alveg fyrir allan peninginn.

Takk fyrir fallegar kveðjur öll.

Mér þykir vænt um þær.

[Steinn Hafliðason, 21.5.2009 kl. 20:14]

Til hamingju með dótturina Jenný

[Óskar Helgi Helgason (IP-tala skráð) 21.5.2009 kl. 21:51]

Heil og sæl; Jenný Anna !

Mínar innilegustu hamingjuóskir; þér - dóttur þinni, og fjölskyldu þinni allri, til handa, á þessum gleðilegu tímamótum.

Óskar Helgi Helgason

[Karl Tómasson, 21.5.2009 kl. 21:52]

Til hamingju með fallegu stúlkuna þína kæra Jenný Anna.

Bestu kveðjur frá Kalla Tomm úr Mosó.

[DoctorE (IP-tala skráð) 22.5.2009 kl. 08:52]

Til hamingju þið öll!!

[Jenný Anna Baldursdóttir, 22.5.2009 kl. 09:09]

Takk strákar.

[Laufey B Waage, 22.5.2009 kl. 15:10]

Til hamingju með "litlu" stúlkuna þína.

Þurr hvarmur á stoltum mömmum er auðvitað út í hött á svona stundum. Þó maður sé argasti töffari.