Aumingja Framsókn

Flestir eigendur Jöklabréfa eru erlendir hefur fjármálaráðherra upplýst.

Undir flokkum "annað" eru 19,8 milljarðar.

Þetta myndi ég vilja fá sundurliðað.  Í mínum augum eru þetta stórir peningar.

En...

Ég hef verið að fylgjast með þinginu af og til í dag.

Ég veit ekki hvort ég á að hlæja eða gráta yfir nýjum tuðmeisturum þingsins.

Karlkyns Frammarar eru svo fúlir, svo svekktir og svo bitrir að það er nánast ekki fyndið.

Útúrsnúrningar og ómálefnalegur málflutningur þeirra er þeim ekki til sóma.

Er það missir þingflokksherbergisins sem veldur þessum ótrúlega neikvæðu geðbrigðum.

Var dagsskipanin í litla þingflokksherberginu eftirfarandi: Verum leiðinlegir, smámunasamir og tuðum fyrir allan peninginn (og jafnvel lengur, vó)?

Þeir virðast hafa það eina markmið að vera á móti.

Flestir aðrir virðast vilja standa málefnalega að málum.

Já ég sagði flestir en ekki allir.

Aumingja Framsókn.

 

Íslendingar ekki aðaleigendur jöklabréfa

Athugasemdir

[Sverrir (IP-tala skráð) 19.5.2009 kl. 17:42]

Stóra málið er að ekki náðist 20% niðurfelling skulda hjá hlutabréfafjárhættuspilurum á kostnað skattgreiðenda. Fjárhættuspilararnir hafa nefnilega ekki fengið nóg af almannafé til að gambla með.

Það eina sem náðist var svolítið fylgisaukning hjá Framsókn út á skuldaniðurfellinguna sem sumir kjósendur héldu að væri vegna húsnæðislána. Það er greinilega ekki nóg að mati Framsóknarþingmanna. Þeim hefur stundum tekist betur að villa kjósendum sýn síðustu vikurnar fyrir kjördag.

[Jenný Stefanía Jensdóttir, 19.5.2009 kl. 17:47]

Góðan og blessaðan daginn vinkona,

Það fer frömmurum afar illa þessi fýlupúkastarfsemi, það fer þér hins vegar prýðilega að vera sérlegur "þingfréttabloggari". 

Með réttu eða röngu, virðist þú hafa fína sýn á hvað aðrir sófameðlimir þjóðfélagsins hugsa og segja sitjandi í sófanum, en þegar staðið er upp gefast allir upp við ofureflið "orðagljáfrið".

Áfram með þingbloggin, við þurfum að vita frá fyrstu hendi hvað umræðan getur verið lágkúrleg. 

[Þorsteinn Helgi Steinarsson, 19.5.2009 kl. 17:50]

Þú ert væntanlega varðandi 19,8 milljarða að vísa í 'frétt' DV um 'eigendur' jöklabréfa:

Samkvæmt tölum sem Seðlabankinn tók saman í desember voru eftirfarandi eigendur bréfanna:

Radobank í Hollandi 78 milljarðar
Þýski fjárfestingabankinn KFW 42 milljarðar
Evrópski fjárfestingabankinn 33 milljarðar
Ameríski þróunarbankinn 22 milljarðar
Alþjóðabankinn R&D 15,9 milljarðar
Toyota 15,9 milljarðar
Rentenbank 7 milljarðar
Aðrir 19,8 milljarðar
- - - - - - - - -
Samtals: 234 milljarðar króna

Þetta eru útgefendur en ekki eigendur. Það er alls ekki það sama og frétt DV því röng.

[Ragna Birgisdóttir (IP-tala skráð) 19.5.2009 kl. 19:58]

ÉG fæ GRÆNAR BÓLURþegar Framsóknarfólk tekur til máls.

[Brjánn Guðjónsson, 19.5.2009 kl. 20:26]

Hvarridda. þetta er bara svona þyrluskutl og annað smáræði.

Smá Konni on ðe sæd. Örugglega ekki meira en 500 lítrar af vsop.

[Jenný Anna Baldursdóttir, 19.5.2009 kl. 20:51]

Sverrir: Sammála.

Jenný Stefanía: Takk fyrir þetta.  Held áfram eins og enginn sé framtíðin.

Þorsteinn Helgi: Takk.

Ragna: Dittó.

Brjánn: Segðu.

[Lilja Guðrún Þorvaldsdóttir, 19.5.2009 kl. 22:44]

Sammála Sverri hér efst á athugasemdalistanum. 

 Það má bæta við að Framsóknarmenn eru auðvitað líka fúlir,  þar sem Finnur Ingólfsson er líka að tapa sínum hlut í Icelandair til ríkisins, þar sem Framsókn komst ekki í ríkisstjórn til að rétta af kúrsinn fyrir þá Finn og félaga.  Það er nú hægt að vera fúll af minna tilefni. 

Svo finnst mér athyglisverð það sem hann skrifar hann Þorsteinn Helgi, og þá sérstaklega feitletruðu orðin í síðastu línunni.