Læknir?

Í gær sá ég einhvers staðar viðtal við sjúkraflutningamann sem flutti Hichem, hælisleitandann sem er í hungurverkfalli, á sjúkrahús.

Hann sagði eitthvað á þá leið að það ætti að setja frímerki á rassgatið á þessu liði og senda það úr landi.

Ég hugsaði með mér: Æi, það eru óhæfir kjánar í flestum störfum.  Vonandi verður hann rekinn.

Svo hugsaði ég ekki frekar um það.

En nú rekst ég á viðtal við lækni á Heilsugæslustöð Suðurnesja.

Hann er ekki að láta þagnarskyldu heilbrigðisstarfsmanna þvælast neitt fyrir sér og tjáir sig glaður um líðan hælisleitandans í samtali við visir.is

Þessi dásamlegi læknir sem er búinn að gleyma Hippokrates og öllum svoleiðis hégóma hefur m.a. eftirfarandi að segja um mál Hichem.

"Maðurinn er í ágætis ástandi. Hann var ekkert lagður inn hér enda ekkert þörf á því," segir Sigurður Árnason, læknir á Heilbrigðisstofnun Suðurnesja, um líðan Mansris Hichem, flóttamannsins sem segist ekki hafa neytt matar í þrjár vikur.

Sigurður segir að málefni mannsins séu í ágætis farvegi. „Þetta er bara Séð og heyrt kjaftæði," segir læknirinn um manninn og hvetur fólk til þess að gera ekki of mikið úr málum hans. "

Svona eru þeir þessir ömurlegu útlendingar.  Ljúgandi, svíkjandi og prettandi og klikkaðir úr frekju.

Kæri heilbrigðisráðherra.

Er ekki komið að því að taka flýtikúrs fyrir starfsfólk Heilbrigðisstofnunar Suðurnesja?

Ásamt með sjúkraflutningamönnum.

Ég legg til að þar verði starfsfólk áminnt um þagnarskyldu, virðingu fyrir sjúklingum og síðast en ekki síst tillitsemi við þá sem leita til stofnunarinnar.

Þetta er gjörsamlega ólíðandi fyrirkomulag.

Mér finnst eiginlega á mörkunum að svona fólk eins og kjaftglaði læknirinn sé hafandi í vinnu.

Hann veit greinilega ekkert um hvað starfið snýst.

En hann yrði fínn í slúðrinu á einhverjum fjölmiðli.

Það er nú það.

Athugasemdir

[Konráð Ragnarsson, 14.5.2009 kl. 00:44]

Já vonandi báðir reknir, og síðan væri vert að endurskoða ráðningaferlið hjá þessum stéttum!

[Lilja Guðrún Þorvaldsdóttir, 14.5.2009 kl. 00:46]

Ummæli mannsins dæma sig sjálf.  - Það er ótrúlegt að þessi Sigurður Árnason sé læknir í alvörunni. -  Þetta hlýtur að vera píparinn sem hefur verið að tékka í hitaveiturörunum, og dottið í hug að fíflast smá, og bara gengið of langt.  - Eða kannski er þetta sjúklingur í spítalaslopp sem blaðamaður hefur haldið að væri læknir.

[Tryggvi (IP-tala skráð) 14.5.2009 kl. 01:31]

Sigurður er góður læknir & ekki sé ég neitt í ummælum hanns sem liggur ekki ljóst fyrir þ.e. sjúklingurinn við það góða heilsu að ekki er þörf á innlögn ....

en ekki vildi ég ferðast með sjúkrabíl þarna suðurfrá

[Heiða B. Heiðars, 14.5.2009 kl. 01:45]

Liggur ljóst fyrir að maðurinn sé við góða heilsu??? Og á hverju byggir dr.Tryggvi það mat??

[Heiða B. Heiðars, 14.5.2009 kl. 02:07]

Þú veist þá meira en ég ..... er hann læknir? Og hefur hann skoðað manninn?

[nicejerk, 14.5.2009 kl. 03:42]

Samkvæmt Háskólanum er læknir einungis stráklingur/stelpa hefur lesið um sjúkdóma en enga reynslu af sjúkdómum nema kvefi. Sigurður hefur kannski ekki einu sinni fengið kvef.

Hvaða mælingar gerði læknirinn til að byggja sínar niðurstöður á? Hvað með lifur og nýru? Sigurður Árnason framkvæmdi engar nauðsynlegar mælingar til að styðja ummæli sín um ástand Mansri Hichem.

[Jenný Anna Baldursdóttir, 14.5.2009 kl. 08:21]

Læknirinn er eflaust ágætis fagmaður ég er ekki að pæla í því og já hann skoðaði manninn.

Það er einkum og sér í lagi senni málsgreinin þar sem hann ráðleggur fólki að vera ekki að æsa sig yfir þessu hungurverkfalli hjá manninum  sem er fyrir neðan allar hellur.

[Ingvar Valgeirsson, 14.5.2009 kl. 08:27]

Ef það er þetta:

http://www.visir.is/article/20090512/FRETTIR01/809078526/-1

sem þú ert að tala um sástu það ekki í einhverju viðtali. Þetta eru skoðanir eins manns á lokaðri feisbúkksíðu, skoðanir sem honum er fyllilega frjálst að láta í ljós þó svo hann starfi við sjúkraflutninga - og fyllilega frjálst að láta í ljós þó svo þær stangist á við þínar skoðanir.

Sýnist aukinheldur á niðurlagi fréttarinnar að hann hafi aldrei flutt tiltekinn innflytjanda.

Svo er sem mig minni að læknar megi tjá sig um líðan sjúklinga við fjölmiðla ef sjúklingarnir leyfa þeim það - hvernig er það, fengum við ekki fréttir af veikindum t.d. Ingibjargar Sólrúnar og Geirs Haarde svotil í beinni hér fyrir stuttu? Skömmu áður fengum við svipaðar fréttir af veikindum og líðan Halldórs Ásgrímssonar og svo má heillengi telja.

[Ingvar Valgeirsson, 14.5.2009 kl. 08:29]

Og Heiða - já, hann Dr. Tryggvi er læknir. Dr.-ið á undan nafninu hans ætti að benda til þess. Ekki nóg með að hann sé læknir, hann er víst ákaflega góður sem slíkur.

[nicejerk, 14.5.2009 kl. 08:33]

Ætli niðurstaða Sigurðar hafi verið sú sama ef hann hefði skoðað ljósmynd af manninum?

[Ragnar Örn Eiríksson (IP-tala skráð) 14.5.2009 kl. 08:48]

Eruð þið virkilega svo barnaleg að halda þetta sé bara illmennska hjá stjórnvöldum að neita manninum um dvalarleyfi?? Hverskonar hugsunarháttur er það eiginlega að sjá fjandann í hverju horni( nema hjá sjálfum sér)Eins og mér hefur skilist þá hefur þessi hælisleitandi logið til um nánast hvert einasta atriði sem kannað hefur verið og með stolið vegabréf og annað falsað . Á sem sagt hver sem að geta svelt sig inní ísland og þá væntanlega bara svelt til sín hvað sem er í framhaldinu,niðurfellingu skatta, svelt sig úr fangelsi og framvegis. Mér finnst þessir menn sem eru að tjá sig um þetta tiltekna mál hafa fullann rétt á því alveg eins og þið að tjá ykkur um aðra. Almenningur styður þetta ekki eins og kom í ljós í könnun Visir.is þar sem yfir 90% sögðu að ekki kæmi til greina að láta undan honum.Það er lágmark hjá fólki sem sækir um hæli hér að koma fram heiðarlega og leggja mál sín á borðið eins og þau eru en ekki reyna ljúga og kúga yfirvöld, ef heiðarlega er að staðið þá á að sjálfsögðu að veita fólki hæli. Anars setja eins og sjúkraflutningmaðurinn sagði bara heiðarlega, setja frímerki á rassgatið á þeim!

[Jenný Anna Baldursdóttir, 14.5.2009 kl. 08:48]

Ingvar: Sjúkraflutningamanninum er eflaust flulfrjálst að láta í ljós fyrirlitningu á þeim sjúklingum sem hann flytur í sjúkrabílnum.  En fyrst hann velur að gera það á feisbúkk (ekki alveg prívat er það) og það kemst þaðan í blöðin verður hann að kyngja því að fólk hneykslist á kynþáttaandúð manns í þessari stöðu.

Hvað er máli?

Ég man ekki eftir að læknar hafi tjáð sig á þann hátt sem þessi læknir gerir (sérstaklega seinni málsgrein) nokkurn tímann.

Sniðugt að fólk sjái ástæðu til að verja brot læknisins gagnvart sjúklingi sínum.

Ég er alveg steinhissa á fólki.

[Ragnar Örn Eiríksson (IP-tala skráð) 14.5.2009 kl. 09:00]

"Ég man ekki eftir að læknar hafi tjáð sig á þann hátt sem þessi læknir gerir (sérstaklega seinni málsgrein) nokkurn tímann."

??

Á læknirinn sem sagt að ljúga ??? Hann segir að það sé ekkert að sjúklingnum og má hann það ekki? Hvað er oft talað við lækna um sjúklinga og þeir segja frá líðan þeirra? Hvernig er með söngvarann sem datt ofan af þaki´á skólavörðustígnum? Voru ekki öll blöð og miðlar uppfull af því hvernig heilsa hans væri? Má það kannski bara þegar einhverjum vinstrisinnuðum hentar til að væla yfir?

[Gunnar Th. Gunnarsson, 14.5.2009 kl. 09:23]

Tek undir það sem Ragnar Örn segir hér. Þetta er nú meira ruglið í ykkur.... læknar eru alltaf að tjá sig um líðan sjúklinga í fjölmiðlum og með því eru þeir ekki að vanvirða Hippokratesareiðinn. Þetta er bara dæmigert nöldur í ykkur.

[Ingvar Valgeirsson, 14.5.2009 kl. 09:26]

Eins og ég benti á hafa læknar eða hjúkrunarfólk margoft gefið almenningi upplýsingar um líðan sjúklinga - veistu til þess með einhverri vissu að þær upplýsingar hafi í þetta skiptið verið veittar í óþökk sjúklingsins? Þegar þú segir að þú mnir ekki eftir að læknar hafi tjáð sig á þennan hátt um sjúklinga segir það mér annaðhvort að þú hafir ákaflega slæmt minni eða hafir nákvæmlega ekkert fylgst með fréttum sl. misseri. Ég nefndi þrjár persónur hér að ofan sem eiga það sameiginlegt að læknar eða hjúkrunarfólk hafa tjáð sig um veikindi þeirra við fjölmiðla - ekki reyna að halda því fram að þig reki ekki minni til þess.

Svo segirðu "Sjúkraflutningamanninum er eflaust flulfrjálst að láta í ljós fyrirlitningu á þeim sjúklingum sem hann flytur í sjúkrabílnum". Það segir hvergi í fréttinni að hann hafi flutt téðan sjúkling. Og jú, honum er að sjálfsögðu, rétt eins og þér, fullfrjálst að láta skoðanir sínar í ljós.

En þeim mun meira sem ég les um mál þessa innflytjanda, sem nú er í hungurverkfalli, þeim mun meira sýnist mér réttlætanlegt að senda hann aftur til þess staðar sem hann kom frá. Það á ekki að vera hægt að væla og svelta sig inn til landsins.

Ísland hefur tekið inn fleiri flóttamenn en nokkurt annað land í heiminum hlutfallslega (miðað við hina margfrægu höfðatölu) og er það vel. En þegar menn birtast hér, heimta landvistarleyfi og veifa illa fengnum skilríkjum og sögum sem halda ekki vatni mega þeir snúa við. Það er ekki alveg endalaust pláss fyrir alla hér og hvort viltu heldur fá raunverulega flóttamenn sem eru að ósekju í raunverulegri hættu eða mann, sem virðist bara vera athyglissjúkur lygamörður - eða verra?

[Ingvar Valgeirsson, 14.5.2009 kl. 09:29]

Svo segirðu, Jenný - "Sniðugt að fólk sjái ástæðu til að verja brot læknisins gagnvart sjúklingi sínum". Ef þú telur að um brot sé að ræða, ekki vera að tuða á bloggsíðu - kærðu manninn ef þú í alvörunnu telur að um brot sé að ræða. Eins og sagt er í útlandinu - put your money where your mouth is.

En ég held ég sjái það ekki gerast.

[Sara Hrund (IP-tala skráð) 14.5.2009 kl. 09:40]

Ég hélt að allir læknar ættu að bera virðingu fyrir manneskjum, sama hvaðan sú manneskja kemur. Þetta eru bara rasistar! Ég skil ekki þessa fordóma í garð flóttafólks. Er fólk ekki að gera sér grein fyrir ástandinu í heimalandi þeirra. Hvernig er hægt annað en að hjálpa þeim sem eru hjálpaþurfa? Af hverju þarf líf alltaf að snúast um peninga?

[Jenný Anna Baldursdóttir, 14.5.2009 kl. 09:42]

Komið með lækni strákar sem gera lítið úr veikindum sjúklinga sinna við fjölmiðla og hafa sagt eitthvað ámóta og þessi.  Eitthvað í líkingu við eftirfarandi:

"„Þetta er bara Séð og heyrt kjaftæði," segir læknirinn um manninn og hvetur fólk til þess að gera ekki of mikið úr málum hans. "

Eruð þið að halda því fram að þetta sé algengt?  Jafnvel vinnuregla?

Bakkið það upp.

Af hverju í ósköpunum ætti ég að kæra lækninn?

Hann braut ekki gagnvart mér en ég vona svo sannarlega að það verði slegið á puttana á honum af yfirmönnum hans svo hann hugsi sig um tvisvar áður en hann niðurlægir næsta sjúkling í fjölmiðlum.

[Jenný Anna Baldursdóttir, 14.5.2009 kl. 09:43]

Sara Hrund: Rétt og satt.

[Garún, 14.5.2009 kl. 10:25]

Hvað gerir mann að góðum lækni.  Sumum skilst að hann sé góður læknir! Aðrir vilja meina að hann sé góður maður!   Hvað er góður læknir?  Er það góður maður sem læknar eða er hann maður sem er góður í að lækna!  Tvennt ólíkt og svei mér þá bara soldið heimspekilegt.  Á þessi Dr. Suðurnes norðurlandamet í einhverjum lækningum?  Mér er skítsama hvort hann sé góður í að laga einhverja fótasveppi í Keflavík eða hvað.  Ég geri þá kröfu að fólkið sem er svakalega gott í að gefa mér íbúfen við vöðvabólgu hagi sér almennilega.  Í þessu tilviki var þessi góði læknir ekki góður maður!  En kannski í dag verður hann góður maður sem læknar!    Sumir læknar hversu góðir sem þeir eru verða að vakna við þá staðreynd að við sjúkdómssugurnar erum ekki kjarnasýrur í próteinkápum!  Ég ætla að leyfa mér að segja að þarna hafi farið maður sem er (g)óður maður en kann að lækna! 

[Heiða B. Heiðars, 14.5.2009 kl. 10:25]

Ha? Er Tryggvi læknir og er eitthvað dr. á undan nafninu hans? Fyrir mér er hann bara nafnlaus kommenterari hérna á blogginu hennar Jennýjar.

[Ingvar Valgeirsson, 14.5.2009 kl. 10:27]

Það er hægt að kæra lögbrot þó svo þau hafi ekki beinst gegn manni sjálfum - til dæmis hringir maður í lögguna ef maður sér að verið er að brjótast inn í næsta hús.

En auðvitað er þetta "Séð og heyrt kjaftæði". Maður kemur til landsins, kveðst vera flóttamaður, veifar fölsuðum OG illa fengnum sklríkjum, kemur með hverja lygasöguna eftir aðra og fer svo í hungurverkfall til að fá samúð.

Og varðandi að læknirinn hafi gert lítið úr sjúkleika hans - læknar hafa, eins og ég kom inn á áður, oft tjáð sig um líðan sjúklinga hérlendis. En hinsvegar man ég ekki til þess að neinn þeirra sjúklinga hafi endað hjá lækni vegna áverka sem hann veitti sér sjálfur til þess að fá athygli fjölmiðla. Ætli það hafi ekki einhverjir raunverulega veikir einstaklingar þurft að bíða á meðan læknirinn eyddi tíma sínum með þessu sjálfskipaða fórnarlambi?

[Jenný Anna Baldursdóttir, 14.5.2009 kl. 10:38]

Ingvar: Ég ætla ekki út í að tuða við þig um þetta mál.  Þar sem þú segir að raunverulega veikir einstaklingar hafi beðið á meðan læknirinn sinnti sjáfskipuðu fórnarlambi, þá vil ég biðja þig að svara því hvort þér finnist að fólk sem í örvæntingu sveltir sig til að ná athygli á skelfilegum raunveruleika, eigi ekki tvímælalausan rétt til hjálpar og hvort þér finnist að viðkomandi skuli fara aftast í röðina?

Heiða: Dr. Tryggvi er sennilega ekki læknir.

Garún: Nákvæmlega krúttið þitt.

[Guðný (IP-tala skráð) 14.5.2009 kl. 11:27]

Æi ekki tala illa um Sigurð Árnason lækni, hann er frábær læknir og á ekkert skilið svona úthúðun í bloggheimum.  Svo sagði hann ekkert sem aðrir læknar hafa ekki sagt þegar spurt er um líðan sjúklinga.

[Guðný (IP-tala skráð) 14.5.2009 kl. 11:29]

Og fyrir þá sem ekki vita þá er Sigurður Árnason með krabbameinslækningar sem sérgrein.

[Garún, 14.5.2009 kl. 11:33]

Kæra Guðný!  Ef að hann Sigurður Árnason væri hælisleitandi, læknir að svelta sig!  Mættum við þá úthúða honum í bloggheimum?  Og mér er sama hvort hann sé með krabbameinslækningar sem sérgrein.  Háttvísi er nefnilega greinilega ekki hans sérgrein.  En eins og ég segi hann er örugglega góður maður og góður læknir.  Það breytir ekki því að hann hefur verið (g)óður maður þegar hann lét þessi ummæli falla og hefði átt að þegja. 

[Guðný (IP-tala skráð) 14.5.2009 kl. 11:39]

Garún, ég tek öllu með varúð sem stendur á visir.is og ég einfaldlega trúi því ekki að læknirinn hafi látið þessi orð falla "séð og heyrt kjaftæði".  Ég ætla að leyfa mér að giska á að blaðamaðurinn hafi viljað krydda fréttina pínulítið til að fá smá upphlaup. 

[Garún, 14.5.2009 kl. 12:13]

Já ég vona það svo innilega. 

[Hlédís, 14.5.2009 kl. 12:43]

Sammála Jenný og fleirum um að það sem haft er eftir lækninum, var ekki mjög læknislegt!  Minn ágæti fyrrverandi bloggvinur, Gunnar Th., sakar mig e t v um læknahatur fyrir að segja þetta ;)    Hef þekkt Sigurð Árnason síðan hann var á bleijum - tek undir að hann sé vænsti maður - góður í lækningum og hefði líka orðið góður pípari, leigubílstjóri eða orðabókar-ritstjóri eins og faðir hans.  Sigurður er stundum svolítið "hress" í tali og hefur þarna látið fullmikið flakka við fréttamann sem er leitt.

[Jón Bragi (IP-tala skráð) 14.5.2009 kl. 14:09]

Ef þetta er fullkomlega eðlilegt háttalag hjá lækni þá ætla ég aldrei framar að fara til læknis ef að ég er veikur heima.

Hugsa sér ef vinnuveitandi minn læsi á bloggi eða blaði eitthvað á þessa leið: "nei, nei, hann Jónki ræfillinn er í ágætu standi og það var eingin ástæða til þess að leggja hann inn. Þetta er bara Séð&Heyrt kjaftæði að hann sé ekki vinnufær. Þetta er mest leti og þvermóðska í honum og trúlega var hann smá timbraður líka"!

Og Ingvar: Þeir flóttamenn sem fengið hafa hæli á Íslandi síðustu fimmtíu ár eru nánast teljandi á fingrum annarrar handar.

Við höfum vissulega tekið við svokölluðu kvóta-flóttafólki sem Íslendingar hafa farið út og "valið sérstaklega" rétt eins og þegar bændur sækja kynbótafé í önnur héruð.

Ég gæti sagt það að dr. Hlédís hér að ofan hefði einhvern tíma verið minn læknir en hún myndi ekki hafa leyfi til að segja það opinberlega að ég hefði verið sjúklingur hjá henni án míns samþykkis :)

[Oddur (IP-tala skráð) 14.5.2009 kl. 17:32]

Hvað viljið þið næst Vítisengla ?

Flóttamaður = Er að flýja aðstæður í heimalandi ..

 Grænt kort strax og íslensku kennslu

Krimmi = Framvísar fölsuðum skilríkjum og lýgur til að fá dvalarleyfi

Senda hann strax tilbaka honum var nær að blekkja

[Hlédís, 14.5.2009 kl. 18:55]

Sniðugir saman þeir Ragnar Örn: "Má það kannski bara þegar einhverjum vinstrisinnuðum hentar til að væla yfir?"og Gunnar Th. sem tekur undir með honum!  Vinstri-fóbían er slík, að ætla mætti að þeir hefðu tvær hægri hendur, blessaðir mennirnir.

Hitt er svo annað mál, að 'vinstrisinnaðir' hafa ekki kvartað undan umræddum, kjaftforum lækni hingað til  - og að hér er ekki um flokkspólitíska gagnrýni að ræða!  

[Ragnar Örn Eiríksson (IP-tala skráð) 14.5.2009 kl. 19:57]

sorry Hlédís , ég meinti vinstrisinnuðum OG feminiskum öfgakvöbburum.

[Hlédís, 14.5.2009 kl. 20:16]

Æ, Ragnar minn! Eiginlega er mér alveg sama hvað þú meintir! Að vísu er þessi viðbót svo út í hött og ótengd upphaflega pistlinum - að það er pínu-aggalítið . . fyndið    

[Jenný Anna Baldursdóttir, 14.5.2009 kl. 20:38]

Ragnar: Þú ættir að fara rólega í að tala um öfga þetta og hitt.

Hehemm, ótti þinn við femínista er með ólíkindum.

Enda vitað að karlar með lágt sjálfsmat skelfast jafnréttindi eins og pestina sjálfa.

♫♫♫♫

[Jenný Anna Baldursdóttir, 14.5.2009 kl. 20:39]

Oddur: Það er greinilegt að vitneskja þín um meðferð á fólki í sumum löndum er fyrir neðan frostmark.

Heimskt er heimaalið barn.

Hefur þú aldrei farið að heiman?

[steina (IP-tala skráð) 14.5.2009 kl. 20:58]

Maðurinn sem þið berjist svo harkalega fyrir er glæpamaður á flótta undan réttvísi heimalands síns, sem reyndar þið máttuð geta sagt ykkur sjálf, algengt er að nota fölsuð vegabréf "Á" flóttanum" en flestir gefa upp rétt nafn þegar á áfangastað er komið svo hægt sé að sannreyna um hættuna sem viðkomandi telur sig vera í heima hjá sér. Þessi maður hinsvegar gerir það ekki, gefur upp 3 mismunandi nöfn og vill greinilega ekki að hægt sé að sannreyna um þessa "hættu" núna kemur í ljós að eins og venjulega hafa ofur tilfinningaríku bloggararnir enn einu sinni magnað upp mótmæli vegna einhvers  sem er ekki raunverulegt. Fólk það er til nóg af alvörunni flóttamönnum sem þurfa á hjálp að halda.

[Hlédís, 14.5.2009 kl. 21:22]

Er ómögulegt að halda sig við efnið? 

Hér var verið að gagnrýna lækni sem fór út fyrir sín takmörk í viðtali við fjölmiðla.

Viðkomandi flóttamaður fer fram á að mál sitt sé AFGREITT!  Hann hefur beðið þess í tvö ár.    Getið þið "steinur", "ragnarar" og hvað þið heitið eða kallið ykkur, ekki skilið að sú krafa segir ekkert um hver niðurstaða afgreiðslunnar verði ? 

Ras/fas-isma getið þið væntanlega predikað á eigin bloggsíðum - nógu marga fáið þið með í slíkar messur.

[BJöggi (IP-tala skráð) 15.5.2009 kl. 20:40]

Mér finnst fólk aðeins þurfa að chilla. Það sem þessi kall átti við með "séð og heyrt kjaftæði" var sagan um að stjórnvöld, heilbrigðisyfirvöld og rauðikrossinn hefðu beðið manninn um að skrifa undir eitthvað þar sem hann hafnaði allri læknisaðstoð. Það var náttúrulega bara séð og heyrt bull.

Svo er búið að neyta manninum um landvistarleyfi, þannig að mínu mati er búið að afgreiða málið hans. Hann var eitthvað fúll yfir niðurstöðunni og fór í hungurverkfall í kjölfarið.

[Anna Sigríður Guðmundsdóttir, 16.5.2009 kl. 11:01]

Maður veltir því fyrir sér hvað flóttamaðurinn hafi upplifað miklar hörmungar í lífinu þegar honum finnst betra að svelta sig í hel en að fara til baka. Skyldum við íslendingar eiga eftir að vera í svona sporum? Hvernig myndum við vilja láta koma fram við okkur? Vorkenni manninum.