Undrun Guðríðar

Guðríði Arnardóttur kemur verulega á óvart uppphæðirnar sem Kópavogsbær (lesist Gunnar Birgisson) hefur greitt til fyrirtækis dóttur Gunnars fyrir hin og þessi viðvik.

Ég las um þetta mál í kringum páska í DV en í kosningalátunum virðist fréttin hafa farið meira og minna fram hjá fólki.

Þar komu fram ýmis viðvik fyrirtækis dótturinnar fyrir pabba sinn ég meina Kópavog og eitthvað af þeim verkum voru greidd en höfðu ekki verið unnin.

Ég skil því ekki alveg undrun Guðríðar varðandi þetta mál.

Þar fyrir utan hélt ég að það væri fylgst með gerðum samningum og skilum á þeim af þeim sem stýra bænum.

Gunnar var létt móðgaður og stórlega misboðið þegar DV fjallaði um málið og spurði brostinni röddu (úps óheppilegt orðaval en ég læt það standa): Á að refsa fyrirtækinu af því dóttir mín á það?

En þetta téða fyrirtæki dóttur og tengdasonar virðist vera alveg svakalega hagstætt í verði og viðskiptum.

Annars er ég ekkert að gagnrýna hana Guðríði neitt voðalega en halló, er ekki kominn tími til að henda út spillingu, kunningjareddingum og einvaldsköllum og taka í staðinn upp gagnsæ vinnubrögð?

Svo næ ég ekki upp í nefið á mér yfir þessum kóngi í Kópavogi og vinum hans sem gera það að verkum að fyrir suma er gott að búa í Kópavogi.

Frekar ólekkerar týpur.

„Kom verulega á óvart“

Athugasemdir

[Jónína Dúadóttir, 8.5.2009 kl. 09:52]

... fyrir suma greinilega

[Finnur Bárðarson, 8.5.2009 kl. 10:11]

Hvað er að Kópavogsbúum, að kjósa þennan rostung yfir sig ár eftir ár ?

[Garún, 8.5.2009 kl. 10:26]

Ég er alltof svo undrandi  afhverju það er endilega svona gott að búa í Kópavogi.  Ég reyndar bjó í Kópavogi, en mér fannst það ekkert endilega betra heldur en að búa annars staðar.  Eins og staðan er í dag er bara gott að búa einhvers staðar eða bara vinna einhvers staðar.  úff...já ég kem með þér aftur 17.maí....þorir þú?

[halkatla, 8.5.2009 kl. 11:16]

frekar "ólekker fenjatröll" er orðfærið sem ég myndi nota

og spurning Finns #2 á vel við, hvað er eiginlega að???

[Gísli Baldvinsson (IP-tala skráð) 8.5.2009 kl. 11:27]

Núverandi bæjarstjóri Kópavogs er fulltrúi þeirra tíma þar sem allt blómstraði. GIB yrði varla kosinn í dag eða hans flokkur.

[Guðrún Emilía Guðnadóttir, 8.5.2009 kl. 12:00]

Ég man alveg þessar fréttir um málið og fannst það ósiðlegt og finnst það enn. Skil heldur ekki hvað þeir eru að kjósa þennan mann yfir sig.
Já hann er frekar ólekker svo ég noti nú ekki sterkari lýsingarorð yfir þetta fyrirbæri.

[Lilja Guðrún Þorvaldsdóttir, 8.5.2009 kl. 12:40]

Ég er líka undrandi, ég er undrandi og hneyksluð á þeim bæjarfulltrúum Sjálfstæðisflokks og Framsóknarflokks að hafa samþykkt þetta sukk, í öll þessi ár.

 - Þeir eru samsekir, vegna þess að þeir létu þetta gerast á meðan þeir sátu og þáðu bæjarstjórnarlaun frá Kópavogsbæ fyrir það að vernda rétt og stöðu bæjarnins.

Ég skora á þá að segja af sér strax í dag.

[Jenný Anna Baldursdóttir, 8.5.2009 kl. 12:48]

Takk öll fyrir innlegg.

Auðvitað á þetta lið að segja af sér strax.

[Katrín, 8.5.2009 kl. 14:15]

Það eru alltaf jafnmálefnalegar umræðurnar hér á þessum vettvangi....ólekker, fenjatröll rostungur eru heiti sem þið gefið bæjarstjóranum..það drýpur smjör af hverju strái hér.  Hvað skyldu vera viðeigandi orð yfir ykkur kerlingar og karlar sem blaðrið frá ykkur allt vit dag hvern, dæmið mann og annan, alla nema sjálfa ykkur...álkur, hænsn  eða kvensniftir, liðleskjur og veifiskatar, rógberar og níðingar......

[Jenný Stefanía Jensdóttir, 8.5.2009 kl. 15:10]

Nákvæmlega það sem ég hugsaði þegar ég las undrun Guðríðar, og hún er að tala um s.l. 10 ár takk fyrir.

Segir eiginlega meira um máttlausa stjórnarandstöðu þar á bæ.

Og staðfestir að þessir bæjarstjórnarfundir eru kaffi og bruðu fundir.

[Ásthildur Cesil Þórðardóttir, 8.5.2009 kl. 16:37]

Stóra málið er að Kópavogsbúar kjósa þennan mann yfir sig aftur og aftur og aftur og aftur og aftur og aftur.  Árni Johnsen hvað?