Þeir ætla að grilla í dag - arg!

 

Það er ekkert undarlegt við það að "sumar" og vetur frjósi saman.

Það veit það hvert mannsbarn að almanakssumarið er tveimur mánuðum á undan hinu eiginlega sumri.

Annars er ég hreinlega að drepast úr hlátri.

Hver er það sem er ímyndarsérfræðingur Sjálfstæðisflokksins spyr ég?

Annað hvort er það svarinn andstæðingur flokksins eða þá að hann er með sjúklegan húmor, sem ég perrinn fíla í botn.

Fjölskylduhátíð í Fjölskyldu- og húsdýragarðinum í dag kl. 16.30

Sjálfstæðisflokkurinn í Reykjavík og í Suðvesturkjördæmi efnir til fjölskylduhátíðar í Fjölskyldu- og húsdýragarðinum í Reykjavík á morgun, sumardaginn fyrsta, kl. 17.00-19.00.

Formaður flokksins, Bjarni Benediktsson, mun ávarpa gesti hátíðarinnar og ýmis skemmtiatriði verða í boði. Nefna má atriði úr Kardemommubænum, fimleikasýningu frá Ármanni, trúbadora, andlitsmálningu og ýmsa leiki. Fjölmörg leiktæki í garðinum verða í gangi og boðið verður upp á grillaðar pylsur og gos.

Svei mér þá ef vesalings Sjálfstæðisflokknum verður ekki allt að meini.

Nú eða þá að klúður þeirra nái yfir allt sem mögulega er hægt að láta sér detta í hug.

Í fyrsta lagi þá á Sjálfstæðisflokkurinn ekki að taka sér í munn orðið "grilla".  Það kallar á hlátursgusur og krampaköst allra nema kannski þeirra sjálfra.

En í dag á að grilla.  Hannes Hólmsteinn hlýtur að vera á grillinu.

Svo eru það ræningjarnir þrír.  Bara þrír?  Er verið að spara?

Ég get svona rétt ímyndað mér hvað er í pokanum þeirra.

Síðan er boðið upp á andlitsmálningu.

Ég velkist ekki í vafa um hverjir verða fremstir í þeirri röð.  Sjóðurinn og Gulli koma sterkir inn.  Að tala um þörfina fyrir dulagervi.  Almáttugur.

Æi takk Sjálfstæðisflokkur, þið björguðuð sumardeginum fyrsta hér á kærleiks og eflaust víða.

ARG.

 

Sumar og vetur frusu saman

Athugasemdir

[Sigrún Jónsdóttir, 23.4.2009 kl. 12:55]

Já fussum svei...kannski Soffía frænka bjargi okkur frá hinum raunverulegu ræningjum á laugardaginn

Gleðilegt almanaks sumar

[Hólmdís Hjartardóttir, 23.4.2009 kl. 13:01]

snilld

30BEDA55-B2D0-6370-817A-081F7BF5D664

1.02.28

[Steini Thorst, 23.4.2009 kl. 13:10]

Vá hvað þú ert upptekin að gagnrýna Sjálfstæðisflokkinn fyrir sömu hluti og hinir flokkarnir eru að gera. Í síðasta pistli varstu að gagnrýna Guðlaug fyrir styrki og að ætla ekki að birta uppgjörið nema aðrir geri það líka. það sama á við um Björn Inga, Össur og Steinunni Valdísi svo þeir séu nú nefndir sem  nú þegar hafa tekið í sama streng.

Samfylkingin er í dag með Kaffi, Vöfflur, Blöðrur, Íspinna, Gunna, Felix, Skoppu og Lucy ásamt Jóhönnu og Össur á Austurvelli. Hver er munurinn?

[Jónína Dúadóttir, 23.4.2009 kl. 13:15]

[Hrönn Sigurðardóttir, 23.4.2009 kl. 13:19]

Þeir eru yndislegir! Hér sit ég í ausandi rigningu og skemmti mér konunglega á kostnað sjálfstæðisflokksins!

Þeir hafa náttúrulega komið svo víða við að maður skellir upp úr nánast í hvert sinn sem þeir opna munna......

[Huld S. Ringsted, 23.4.2009 kl. 13:24]

Það eru allir í kosningasmölun í dag. Samfylkingin ætlar að grilla á Akureyri í dag, VG ætla að grilla á Akureyri í dag, Sjálfstæðisflokkurinn bakar vöfflur á Akureyri í dag og Frjálslyndir bjóða upp á fiskisúpu á Akureyri í dag!

Húsmæður á Akureyri eiga frí frá eldamennsku í dag, þar á meðal"antikokkistin" ég, því ætla ég að drífa familíuna í bæinn, flakka á milli flokka og "gefa" liðinu mínu að borða, mætti vera kosningasmölun á hverjum degi mín vegna

Gleðilegt sumar Jenný

[Jenný Anna Baldursdóttir, 23.4.2009 kl. 13:25]

Grilla, grilla, grilla.

Það er ekki sama hver grillar sko.

[Axel Jóhann Hallgrímsson, 23.4.2009 kl. 17:23]

[Ingibjörg Hinriksdóttir, 23.4.2009 kl. 22:47]

Eru ekki þessar elskur steinhættar að græða á daginn þannig að íhaldið þarf að grilla allan sólarhringinn. Mér finnst það við hæfi að ræningjarnir aðstoði við það!