Kjósa!

 

Mikið skelfing er ég glöð með velgegni Borgarahreyfingarinnar í skoðanakönnunum.

Minn flokkur er líka í fínum málum.

Jájá, þið sjáið þetta sjálf á meðfylgjandi frétt.

Ég er að hugsa um að kjósa utankjörstaðar, bara upp á öryggið.

Ég gæti vaknað dauð á laugardagsmorguninn og þá er mitt atkvæði farið í súginn.

Ekki bara mitt, húsbandið yrði auðvitað miður sín og færi ekki á kjörstað.  Tvö í ruslið.

Dætur mínar, hm.. þær yrðu voða leiðar líka, en frumburður verður í London og búin að kjósa, Maysan í London og má ekki kjósa en Sara færi líka í rusl og myndi gleyma kosningunum.

Þannig að sjá má að það er ekki á vísan að róa með atkvæði þessarar fjölskyldu.

Kannski ég ætti að steðja á kjörstað strax í dag.

Gæti hrunið í kvöld, enginn veit sína ævina fyrr en öll er.

Já, ég er stórskrýtin en ég er með boðskap í þessari færslu hérna.

Það skiptir ÖLLU máli að kjósa.  Það er grundvallaratriði og heilög skylda nú eða réttur hvers manns.

Ég set X við V það er nokkuð ljóst.

Ætli það sé ekki best að fara að koma sér í kjörklefann.

Ég er með svo hraðan hjartslátt eitthvað, smá höfuðverk, hvað er í gangi?

Ætli ég sé nokkuð að yfirgefa?

Lalalalalala

O-listi fengi fjóra

Athugasemdir

[Heiða B. Heiðars, 21.4.2009 kl. 10:23]

Smjútttttttttttttttttttttttts elskan :)

[Finnur Bárðarson, 21.4.2009 kl. 10:31]

Kjóstu untankjörstaða í Laugardalshöllinni, ekkert að gera engin biðröð, búinn sjálfur og ætla svo að sofa út á laugardag og hita mér kaffi og fá mér rúnstykki í rólegheitum.

[Frumburður (IP-tala skráð) 21.4.2009 kl. 10:41]

Hvaða rugl er þetta ? Eins og týnda miðbarnið megi ekki kjósa þótt hún sé búsett í London. Konan á bara að drifffffa sig í sendiráðið og nýta kosningaréttinn. 

Eða bara koma heim og kjósa í 10. kjördeild, Ráðhúsi.

Kv.

Kosninganörðurinn

[Hrönn Sigurðardóttir, 21.4.2009 kl. 10:52]

Já.... það er oft svona með miðbörnin!! Þau mega ekkert........

[Jenný Anna Baldursdóttir, 21.4.2009 kl. 10:57]

Voru þau ekki að röfla um það á fésinu (Robbi) að vegna þess að þau væru með lögheimili í útlöndum fengju þau ekki að kjósa?

Spurning um hvort sumum sé hleypandi í kjörklefa.

Hrönn: Segðu, þessi er sko "týnt" og "gleymt" miðbarn.  Jeræt.

[Stefán (IP-tala skráð) 21.4.2009 kl. 11:18]

Kosningabarátta Sjálfstæðisflokksins núna er þeim til háborinnar skammar og gerir ekki annað en að troða þeim flokki enn neðar í skítinn. Bjarni Ben ætti að hafa þann manndóm í sér að láta þessar lygaauglýsingar ekki líðast. Og gamli lygarinn og þjófurinn frá Vestmannaeyjum lýgur því blákalt framan í fólk á fjölmennum fundi að Samfylkingin skuldi Stöð 2 100 milljónir. Ari Edvald segir það haugalygi. Á hvaða skítaplaplan er Sjálfstæðisflokkur Bjarna Ben eiginlega kominn ???  Ég held þeim væri nær að fara að borga þessar illa fengnu 60 milljónir til baka.

[Ía Jóhannsdóttir, 21.4.2009 kl. 11:25]

Ég er svo hamingjusöm fyrir hönd O-aranna!  Barasta svo flottast hjá þeim.  Vildi að ég gæti kosið en það er ekki á allt kosið hér í henni veslu.

[Kolla (IP-tala skráð) 21.4.2009 kl. 13:44]

Ég er líka rosalega hamingjusöm með fylgi Borgarahreyfingarinnar en get vel unnt VG góðu fylgi.

Jenný, ég heyrði að hægt væri að dæma utankjörstaðaatkvæði ógilt ef viðkomandi væri heima á kjördag. Sel það samt ekki dýrara en ég keypti það (en þá er líka að taka með í reikninginn að maður gæti verið dauður. Ekki viss um að kjörstjórnir skoði í líkpokana.). Held að sé öruggast að kjósa á kjördag ef maður er heima hvort eð er.

[Frumburður (IP-tala skráð) 21.4.2009 kl. 15:32]

Neihei ég er sko sérfræðingur í kosningalögunum og báðir Londonbúarnir eru á kjörskrá, enda búin að vera með lögheimili í útlöndum skemur en 8 ár.

Það er ekki rétt að utankjörfundaratkvæði verði ógild ef menn eru heima hjá sér á kjördag, enda væri svolítið erfitt að hafa eftirlit með því. Ef menn mæta á kjörstað á kjördag aftur á móti, eftir að hafa kosið utan kjörfundar, þá gildir kjörfundaratkvæðið.

Rokk og ról.

[Hólmfríður Gestsdóttir (IP-tala skráð) 23.4.2009 kl. 00:15]

Er VG ekki með listabókstafinn U? Hélt það, svona síðast þegar ég gáði.