Áskorun til allra flokka

Takk Ragna fyrir að fresta brottvísun fimm hælisleitenda sem átti að reka úr landi í morgun.

Ástæða frestunarinnar er sú að í ráðuneytinu er nú þegar til meðferðar kæra vegna ákvörðunar um brottvísun til Grikklands.

En þetta heitir að sleppa fyrir horn í bili.  Engan veginn nóg að gert.

Það er fólk ekki fénaður sem hírist á Suðurnesjum í þessu ömurlega húsnæði og það sem meira er, það virðist öllum gleymt.

Mér finnst við ömurlegir Íslendingar að koma svona fram við meðmanneskjur okkar.

Þetta er undarleg stefna og fjandsamleg gagnvart fólki (flestu í neyð) að hola því niður á einn stað, þar sem það er í raun einangrað frá samfélaginu og bíður örlaga sinna við ömurlegar aðstæður.

Ég fer fram á það sem kjósandi í þessu landi að allir flokkar sendi fulltrúa sína á staðinn og sjái og finni á eigin skinni hvernig búið er að hælisleitendum á Íslandi.

Svo vil ég fá skýr skilaboð um hvernig flokkarnir vilja haga þessum málum komist þeir til valda.

Ég dauðskammast mín fyrir að eiga þátt í þessum kaldranalegu móttökum fólks sem hingað leitar.

Getum við ekki gert biðina þolanlegri og styttri?

Það hlýtur að vera.

Og haska sér svo suður með sjó.

Brottvísun hælisleitenda frestað

Athugasemdir

[Bjarni Kjartansson, 27.3.2009 kl. 13:38]

Sendi þér mínar ljúfustu kveðjur af LAndsfundi Íhaldsins

Hér er mikið mannval en síðar kemur fjörið

Múha

Vonandi hefur þú það gott.

Blogga til þín aftur eftir friggings helgina,. eftir allt bullshittið í SF,VG,D og að ekki sé nú talað um B.

Mibbó

[Stefán (IP-tala skráð) 27.3.2009 kl. 15:08]

Í stað hælisleitendanna myndi ég nú frekar vilja sjá aðra fimm rekna úr landi, en þeir eru víst allir uppteknir við að biðja hvern annan afsökunar í Valhallarhælinu núna.

[Ólafur Th Skúlason, 27.3.2009 kl. 15:24]

JENNÝ sendum þetta fólk burt sem fyrst vitum um uppruna þess

[Jenný Anna Baldursdóttir, 27.3.2009 kl. 15:59]

Stefán: Góður.

Ólafur: Æi.

Sigurbjörg: Rétt.

Mibbó: Þú ert í vondum félagsskap, ég er að segja þér það.

[Ólafur Th Skúlason, 27.3.2009 kl. 16:39]

JENNÝ mín ég get nú ekki verið samála þér í þessu við vitum ekkert um þetta reynslan okkur það að fara varlega í þessum málum

[Jenný Anna Baldursdóttir, 27.3.2009 kl. 17:04]

Við þurfum ekki að vera sammála gott fólk.

Auðvitað ekki, þá væri lífið hundleiðinleg Ólafur minn.

[Ásthildur Cesil Þórðardóttir, 27.3.2009 kl. 17:14]

Ekki er þetta af völdum Frjálslyndaflokksins.  Eru þá stjórnvöld undanfarna áratugi eða svo rasistar!!!

[Ingibjörg Hinriksdóttir, 27.3.2009 kl. 22:15]

Jenný ... Er eitthvað á milli þín og Mibbó, að fá svona hlýja og vel orðaða kveðju af landsfundi íhaldsins jaðrar við bónorð!

[Jenný Anna Baldursdóttir, 27.3.2009 kl. 23:19]

Mibbó er bara krúttlegur og það af íhaldsmanni að vera.

[Jenný Anna Baldursdóttir, 27.3.2009 kl. 23:20]

Ásthildur: Eru ekki allir "þjóðernissinnarnir" stokknir úr flokknum?  Hehe.