..nema Sjálfstæðisflokkurinn

Loksins.

Þingflokksformenn allra þingflokka á Alþingi, NEMA Sjálfstæðisflokks, hafa lagt fram frumvarp um að kosningalögum verði breytt þannig að færi gefist á persónukjöri í kosningum til Alþingis.

Auðvitað er þetta ekki nóg, miðað við kröfur almennings en þetta er ágætis byrjun.

Svo verður auðvitað stjórnlagaþing og þá má taka þetta betur í gegn.

En ég fagna því að geta þá kosið fólk í flokkunum í stað þess að verða að hlíta uppröðun prófkjara eða forvals.

Það færist til bókar hér með að auðvitað er Sjálfstæðisflokkurinn ekki á pari með almenningi í þessu máli fremur en Seðlabankafrumvarpinu.

Hann vill engar breytingar, enda ekki mjög lýðræðislegur flokkur sjálfur frelsisflokkurinn.

Munið það.

Jabb og góðan daginn.

Leggja fram frumvarp um persónukjör

Athugasemdir

[Svanur Gísli Þorkelsson, 3.3.2009 kl. 09:09]

83. grein, 1. mgr. laga um Alþingiskosningar hljóða svo:

Vilji kjósandi breyta nafnaröð á lista þeim er hann kýs setur hann tölustafinn 1 fyrir framan það nafn er hann vill hafa efst, töluna 2 fyrir framan það nafn sem hann vill hafa annað í röðinni, töluna 3 fyrir framan það nafn sem hann vill hafa það þriðja o.s.frv., að svo miklu leyti sem hann vill breyta til.

Nú spyr ég, hverju á að breyta?

[Jenný Anna Baldursdóttir, 3.3.2009 kl. 10:12]

Svanur: Þetta er sama system og með útstrikanirnar, það þarf ótrúlega mikið magn af þessum breytingum til að þær virki.

Með nýju kerfi raðar fólk væntanlega sjálft á listana.

You get it?

[Sigrún Jónsdóttir, 3.3.2009 kl. 10:36]

"Kjósendur mega eftir sem áður raða og strika út af röðuðum listum jafnframt því sem útreikningar á atkvæðum frambjóðenda verður eins og verið hefur."

Þetta er í rauninni mjög lítil breyting því gömlu framboðin munu ríghalda í gamla fyrirkomulagið, með fyrirfram uppraðaða lista, sem erfitt er að breyta vegna þess að það þarf svo marga til.

[hilmar jónsson, 3.3.2009 kl. 10:43]

Þeir munu uppskera í samræmi við sáninguna..

[Katrín Snæhólm Baldursdóttir, 3.3.2009 kl. 11:30]

Já en.....þetta frumvarp mun ekki komast í gegn.

Á borgarafundi í Iðnó í fyrradag kom í ljós að lögfræðingar deila um það hvort 2/3 hluta atkvæða þurfi á Alþingi til að innleiða persónukjör. Ef aukinn meirihluta þarf mun Sjálfstæðisflokkurinn fella frumvarpið ef marka má ummæli Birgis Ármannssonar, sem kom á fundinn sem talsmaður flokks síns.

Þannig að allt svona tal eru vonir einar og fyrst það er ekki einu sinni skýr ákvæðin um hversu mikin hluta atkvæða á Þingi þarf til..og ekkert er gert í að fá úr því skorið hið fyrsta ...þá er þetta bara hjóm eitt. Nú vita þetta allir formennirnir en enginn hefur sett í gang þá vinnu að fá úrskurð um málið....svo yppa menn öxlum og segja..ja þetta er því miður ekki hægt vegna þess að málið er enn óljóst eða láta á það reyna vitandi að sjálfstæðislfokkurinn stendur eins og veggur gegn breytingunum. Bara verið að kasta ryki í augu okkar og láta eins og þeir vilji endilega mæta kröfum okkar...já ég veit hef ekki mikið álit á þessu flokkakerfi. Bara alls ekki!

[Jenný Anna Baldursdóttir, 3.3.2009 kl. 11:37]

Ég vona að þetta sé ekki svona Katrín.

En kæmi mér ekki á óvart þó það væri þannig.

[Heiða B. Heiðars, 3.3.2009 kl. 11:58]

Þetta er svona Jenný. Þetta frumvarp fer ekki í gegn.

[Svanur Gísli Þorkelsson, 3.3.2009 kl. 12:59]

Katrín reit;

Bara verið að kasta ryki í augu okkar og láta eins og þeir vilji endilega mæta kröfum okkar...já ég veit hef ekki mikið álit á þessu flokkakerfi. Bara alls ekki!

Þetta er mergur málsins.