Af öfugum Dorian og fortíðarsvengd

Það er laugadagur í mér, sem í mínu tilfelli er ágætt, þrátt fyrir eitt og annað sem ekki er svo bærilegt og ég fer ekki nánar í hér.

En ég er búin að þrífa eins og dauðadrukkinn fraktskiptsjóri, hér hefur ekkert sloppið.

Svo kveikti ég á kertum og hóf að lesa slúður.

Kreppan hefur svo sannarlega gert mér hluti þegar ég er farin að gleypa í mig fréttir af vesalings Michael Jackson.

Hvað er með manninn?  Hann er annað hvort haldinn Dorian Grey syndróminu með öfugum formerkjum og það liggur einhversstaðar falið málverk af íðilfögrum Mikka, eða þá að hann hefur lent á lýtalækni á tremma og niðurtúr.

Allt í einu langar mig í brenni.

Munið þið eftir því?

Nú eða apótekaralakkrís, úr gamla Vesturbæjarapóteki.  Þessi með stimplinum.

Eða snúið krummalakkrísrör.

Litla kók eða ískalda Póló.  Nei annars, ananas frá Sanitas.  Með stelpunni í strápilsinu á miðanum.

12 Pantyggjó með spíramintbragði.

Rauðan haltukjaftibrjóstsykur.

Heita vínarbrauðsenda úr Mjólkurbúðinni.

Ómæómæ.

Nú verð ég að fá mér banana.

Ekkert hættulegra í boði fyrir sykursýkiskonuna á nostalgíuflippinu.

Michael Jackson áformar tugi tónleika í Lundúnum

Athugasemdir

[Gunna-Polly, 21.2.2009 kl. 16:00]

Spur eða cinalco

[Birna Dis Vilbertsdóttir (IP-tala skráð) 21.2.2009 kl. 17:14]

Ummmmmmmm apótekaralakkrís með stimpli og sinalco.Fá sér rúsínur og 70%súkkulaði

[Vignir (IP-tala skráð) 21.2.2009 kl. 17:29]

Svona Dorian Gay ?

[Edda Agnarsdóttir, 21.2.2009 kl. 17:59]

Snilli með minnið!

[Einar Örn Einarsson, 21.2.2009 kl. 18:57]

Rauðar möndlukúlur, Freyjukaramellur, Lindubuff.

Fékk einmitt Póló á heilann um daginn, langaði í póló og Conga.

Fékk mér stundum í kaupfélaginu, keypti bara innihaldið. Á meðan ég naut syndarinnar blasti við mér í hillinnunni við kassann: Commander, Raleigh, Camel, Kent , Benson og Hedges sígarettur m.a. Prins Albert, Half and Half, Raleigh Píputóbak, Midland og pappír til að vefja sígarettur....... OMG ég hef ekki reykt í tæp 9 ár og ég man þetta. Í útvarpinu inni hjá ´verslunarstjóranum var verið að lesa skipafréttir og næsta lag var Haf blikandi haf .........

Svo farið í mjólkurbúðina að kaupa hálft kíló af skyri , hálft fransbrauð...

Nú hætti ég.

Michael Jackson er eiginlega ekki mennskur.... veit ekki hvað hann eiginlega er.

 Knús og kremja á þig Jenný mín, er að fara á sjóinn á morgun.

[Einar Örn Einarsson, 21.2.2009 kl. 18:58]

Hillinnunna veit ég ekki hvað er, en hilla er eitthvað sem flestir ættu að þekkja.

[, 21.2.2009 kl. 21:32]

Nokkuð góð samlíking. Póló drukkið með lakkrísröri var æðislegt

[Linda Linnet Hilmarsdóttir, 21.2.2009 kl. 22:23]

Innlitskvitt og kveðjur:=)